၁၈၇၈ ခုနှစ် နန်းတွင်းအာဏာသိမ်းမူ

စည်းမျဉ်းခံဘုရင်စနစ် ပီပြင်စွာ သက်ဝင်ရန် အတွက် ကင်းဝန်မင်းကြီး ဦးဆောင်သော ပြု ပြင်ပြောင်းလဲလိုသူ များအဖွဲ့ သည် မင်းတုန်းမင်း၏ မင်းသားများစွာထဲမှ အလွန်အေးပြီး အေးအေးဆေးဆေး နေတတ်သော သီပေါမင်းသားကို သဘောတွေ့ကြလေ၏။ ထိုပြင် သီပေါမင်းသားသည် ဆင်ဖြူ မရှင်မိဖုရား၏ သမီးတော် မြတောင်မင်းသမီး (စုဖုရားလတ်) နှင့်လည်း ရည်ငံနေသဖြင့် ဆင်ဖြူ မရှင်မိဖုရားအဖို့ ကန့်ကွက်ရန် မရှိပေ။ သီပေါမင်းသား သည် နောင်တော်မင်းသားများကဲ့သို့ ထက်မြက်မူ မရှိပေ။ သို့သော် သီပေါမင်းသားသည် ၁၈၇၇ ခုနှစ်တွင် ပါဠိစာမေးပွဲဖြစ်သော ပထမပြန်စာမေးပွဲကို အောင်မြင်ခဲ့သဖြင့် မင်းတုန်းမင်းကိုယ်တိုင် နန်းတော်တွင် အလွန်ကြီးကျယ်သော အခမ်းအနားတရပ် ကျင်းပပေးခဲ့၏။

ထိုသို့ ဖြစ်မြှောက်အောင် စီစဉ်သူမှာ ဆင်ဖြူ မရှင်မိဖုရားပင်ဖြစ်၏။ သီပေါမင်းသားကို ဒေါက်တာမာ့ခ်၏ ကျောင်းမှ ထွက်စေကာ ပါဠိစာပေကို အထူးပြု သင်ကြားစေလေ၏။ သီပေါမင်းသားသည်လည်း ပါဠိစာပေ တွင် အလွန်ထက်မြက်ပြီး သင်လွယ်တတ်လွယ်ကာ ထိုခေတ်က အဆင့်မြင့်ဆုံး စာမေးပွဲ ဖြစ်သည့် ပထမပြန်စာမေးပွဲ ကို တချီတည်းဖြင့် အောင်မြင်ခြင်းဖြစ်လေသည်။ ထိုသို့ အောင်မြင်ခြင်းကြောင့် မင်းတုန်းမင်း ၏ အာရုံစိုက်မူကို ခံရလေ၏။ မင်းတုန်းမင်းတွင် ဆိုးသွမ်းသော မင်းသားများ ခပ်များများ ဖြစ်ပြီး မိမိ၏ ရင်သွေး တဦးမှ ထိုသို့ ပါဠိစာပေ ကို တတ်ကျွမ်းခြင်းကို အလွန်အားရကျေနပ်နေလေ၏။

၁၈၇၈ ခုနှစ် စက်တင်ဘာလ ၅ ရက်နေ့တွင် ကင်းဝန်မင်းကြီး ဦးဆောင်သော လွှတ်တော်တွင် သီပေါမင်းသား ကို အိမ်ရှေ့စံမင်းသား အဖြစ် တင်မြှောက်ကြပြီး၊ ချက်ခြင်း မဆိုင်းမသွ ရောဂါဝေဒနာ ပြင်းထန်နေသော မင်းတုန်းမင်း ထံ သွားကြကာ သဘောတူညီချက် သွားရောက်တောင်းခံကြလေသည်။ သီပေါမင်းသား သည် ပထမပြန်အောင်သော သားတော် ဖြစ်ကြောင်း ဘေးတွင် အဆင်သင့် ခစားနေသော ဆင်ဖြူ မရှင်မိဖုရားမှ လျှောက်တင်ပေးလေ၏။ ထိုအချက်နဲ့တင် မင်းတုန်းမင်းသည် ခေါင်းညိတ်ခွင့်ပြု ခဲ့လေသည်။

လွှတ်တော်တွင် အိမ်ရှေ့မင်းသား တင်မြှောက်သည့်ကိစ္စကို မည့်သူမှ မသိရှိကြပေ။ လွှတ်တော်တက်လာသော အမတ်များပင် အံ့သြကုန်ကြလေ၏။ ထိုနောက် မင်းတုန်းမင်း အမိန့်ဟုဆိုကာ သားတော်အားလုံးကို ဖမ်းဆီးစေလေ၏။ ထိုထဲတွင် အိမ်ရှေ့မင်းသား သီပေါမင်းသားလည်း ပါလေ၏။ ကင်းဝန်မင်းကြီး၏ သစ္စာခံတပ်များသည် ရတနာပုံ ရွှေပြည်တော် တခုလုံးကို ထိန်းချူ ပ်ပြီး ဖြစ်၏။ မက္ခရာမင်းသားကြီး၊ ညောင်ရမ်းမင်းသားကြီး နှင့် သုံးဆယ်မင်းသားကြီး တို့ အပါအ၀င် မင်းသားများစွာကို ဖမ်းဆီးထောင်ချလေ၏။


သီပေါမင်းသားကို မှားဖမ်းမိသဖြင့် မှူးမတ်တို့မှ ထောင်ထဲသို့ လာရောက်ကြပြီး သယ်ထုတ်ရလေသည်။ ထိုသို့ သယ်ထုတ်ရာတွင် ကုန်းပိုးသယ်ထုတ်သူမှာ ရနောင်မောင်မောင်တုတ် ဖြစ်လေသည်။ ကင်းဝန်မင်းကြီး သည် မင်းသားများ ထကြွ ပုန်ကန်မှာစိုးသဖြင့် စနစ်တကျ  အစီအစဉ်ဆွဲကာ ပြုလုပ်ခဲ့လေ၏။ မင်းသားများ ဖမ်းခံရသဖြင့် မိဖုရားများ နှင့် မင်းသမီး တချိူ့  သည် အခွင့်ကောင်းကို စောင့်ကာ မင်းတုန်းမင်း၏ စံနန်းအတွင်းတော် ထဲသို့ တိုးဝင်ကာ ငိုယိုလျှောက်ထားကြလေ၏။

မင်းတုန်းမင်းသည် ရောဂါပြင်းထန်နေသည့်ကြားမှ ထိုငိုသံများကို ကြားသော် အကျိူးအကြောင်းကို လျှောက်တင်စေရာ မင်းသားများ အဖမ်းခံရကြောင်းကို သိရသဖြင့် မိမိ၏ သက်တော်စောင့် နေမျိူးမင်းထင်စည်သူ မှတဆင့် ချက်ခြင်း ညောင်ရမ်း၊ မက္ခရာ နှင့် သုံးဆယ် မင်းသားတို့နှင့် တကွ ဖမ်းဆီးထားသော မင်းသားများကို ထောင်မှ လွှတ်ပြီး ရှေ့တော်သို့ ၀င်စေ ဟု အမိန့်တော်ချလေ၏။ မင်းသားများ ရှေ့တော်သို့ ရောက်သော် ညောင်ရမ်း၊ မက္ခရာ နှင့် သုံးဆယ် တို့ကို ပူးတွဲ အိမ်ရှေ့စံအဖြစ် ခန့်အပ်ပြီး သုံးဆယ်မင်းသားကို ချင်းတွင်း နယ်၊ မက္ခရာမင်းသားကို တောင်တွင်းကြီး နှင့် ညောင်ရမ်းမင်းသားကို အောက်မြစ်စဉ် တ၀ှက် ဘုရင်ခံ အဖြစ် ချက်ခြင်း သွားရောက် တာဝန်ထမ်းဆောင်ရန် မိန့်ကြားကာ သားတော်များကို ချက်ခြင်း နေပြည်တော်မှ ထွက်ခိုင်းလေသည်။

မင်းတုန်းမင်းသည် ထိုအမိန့်တော်ကို အလွန်အားယူပြီး ပြောဟန် တူ၏။ ထိုသို့ အမိန့်ထုတ်ပြီး နောက်ပိုင်း သတိပင်မရတော့ သဖြင့် ကင်းဝန်မင်းကြီးတို့သည် မင်းတုန်းမင်း၏ အမိန့်ကိုပင် အရေးတယူ မလုပ်ခဲ့ပေ။ သားတော် ၃ ပါး တို့ကိုလည်း နန်းတော်အထွက်တွင် ဖမ်းဆီး ပြန်လေ၏။ ကျန်မင်းသားများကိုလည်း ဖမ်းဆီးပြန်လေ၏။ မင်းတုန်းမင်းထံ သွားရောက် ငိုယိုသော မင်းသမီးများနှင့် မိဖုရားများကိုလည်း ဖမ်းဆီး လေ၏။ ညောင်ရမ်းကိုယ်တော် မှာမူ အခြေအနေကို ရိပ်မိသဖြင့် ကူလီပုံစံ ဖမ်းကာ မိမိ၏ ညီတော် ညောင်အုပ်မင်းသား နှင့် နန်းတော်မှ ထွက်ပြေးလွတ်မြောက်ပြီး ဗြိတိသျှ သံရုံးထံ ခိုလူံလေသည်။ ထိုမှ တဆင့် ဗြိတိသျှ တို့သည် မင်းသားနှစ်ပါး ကို ရန်ကုန်သို့ မီးသင်္ဘောဖြင့် ပို့ဆောင်ပေးလေ၏။

စက်တင်ဘာလ ၁၅ ရက်နေ့တွင် လွှတ်တော်မှ သီပေါမင်းသားအား အိမ်ရှေ့စံမင်းသားအဖြစ် ခန့်အပ်ကြောင်း မင်းတုန်းမင်းလက်မှတ်ဖြင့် အမိန့်တော်ထုတ်ကြလေသည်။ နောက်ပိုင်းတွင် မင်းတုန်းမင်း၏ ရောဂါ သည် အလွန်ပြင်းထန်လာကာ အောက်တိုဘာလ ၁ ရက်နေ့တွင် နတ်ရွာစံတော်မူလေသည်။ မင်းတုန်းမင်း၏ ဈာပနအခမ်းအနားတွင် သားတော်၊သမီးတော်များစွာ ချူ ပ်နှောင်ခံနေရသဖြင့် နောင်တော်ပုဂံမင်း( ဘုရင်ဟောင်း) နှင့် မင်းမျိူးမင်းနွယ် တချိူ့  မှသာ ဦးဆောင်ခဲ့ရလေသည်။ ပုံမှန်ဆိုလျှင် သားတော်၊သမီးတော် များစွာမှ ဘုရင်၏ အလောင်းတော် နောက်မှ ၀တ်ဖြူ ဖြင့် လိုက်ပါပို့ဆောင်ရလေသည်။ သို့သော် မတူညီသော နိုင်ငံရေး ခံယူမူ နှင့် ပြု ပြင်ပြောင်းလဲလိုစိတ်ပြင်းထန်နေသော အမတ်များ၏ လက်အောက် တွင် ယခင်က ခေါင်းမော့ နေခဲ့ရသော မဟာဆီမဟာသွေး များသည် မိမိတို့၏ ဖခမည်းတော် ဈာပနကိုပင် လိုက်မပို့ နိုင်ခဲ့ပေ။

ကင်းဝန်မင်းကြီး 

ကင်းဝန်မင်းကြီး နှင့် ပြု ပြင်ပြောင်းလဲရေးဝါဒီ များသည် နိုဝင်ဘာ ၁၁ ရက်နေ့ တွင် တိုင်းပြည်၏ ပြု ပြင်ပြောင်းလဲရေး အရှိန်အဟုန် မြှင့်ရန်ဟု ဆိုကာ ရှေးရိုးစွဲဝါဒီများကို ရာထူးမှ ချကြလေသည်။ အုပ်ချူ ပ်ရေး ဆိုင်ရာ နေရာ အများအပြားကို မိမိ၏ လူများဖြင့် ပြောင်းလဲ ခန့်ထားလေသည်။ ထိုထဲတွင် ဘုရင်အသစ် သီပေါမင်း၏ လူယုံတော် ဖြစ်လာသော ရနောင်မောင်မောင်တုတ်သည်လည်း သီပေါမင်း၏ တောင်းဆိုမူကြောင့် အုပ်ချူ ပ်ရေး နေရာရလာလေသည်။ ရနောင်ကို ရာထူးနေရာပေးအပ်ခဲ့ခြင်းသည် ကင်းဝန်မင်းကြီး၏ အမှားကြီး တရပ် ဖြစ်ခဲ့လေ၏။

ရေနံချောင်းမင်းကြီး၊ မကွေးမင်းကြီး၊ တိုင်းတာမင်းကြီး နှင့် မြို့ စားများစွာကို ရာထူးမှ ရုတ်တရက် ထုတ်ပယ် ခဲ့လေ၏။ ထိုအခါ ရေနံချောင်းမင်းကြီးတို့မှ အမျက်ထွက်ကာ လူသူလက်နက်စုရန် အားထုတ်ခဲ့သော်လည်း နောက်ဆုံး ကင်းဝန်မင်းကြီးကို အရူံးပေးကာ အမြတ်အဖြစ် မိမိ၏ သမီးဖြစ်သော ကြယ်မြင့်မိဖုရား နှင့် မြေး ဖြစ်သူ ပျဉ်းမနားမင်းသားလေး ၏ အသက် အာမခံ ရလေသည်။ မှူးမတ်ဟောင်းတို့သည်လည်း စိတ်နာကြသဖြင့် နေပြည်တော်မှ ထွက်ခွာကြကာ တချိူ့  ဆိုလျှင် ဗြိတိသျှ အုပ်စိုးရာ အောက်ပြည်သို့ သွားရောက် အခြေချ ကြလေသည်။

တဆက်တည်းမှာပင် ကင်းဝန်မင်းကြီး နှင့် အဖွဲ့ကို အားပေးထောက်ပံ့ခဲ့သူများကို အဓိကရာထူးတွင် အပ်နှင်း ခဲ့ပြီး ကင်းဝန်မင်းကြီး ကိုယ်တိုင် ၀န်ရှင်တော်မင်းကြီး ဘွဲ့ကို ဆက်လက်ထိန်းသိမ်းခဲ့သည့်အပြင် သက်တော်ရှည် မင်းကြီး ဟူသော ဘွဲ့ထူးဂုဏ်ထူးကိုလည်း သီပေါမင်းမှ ချီး မြှင့်ခဲ့လေသည်။ ထိုပြင် စစ်သေနာပတိချူ ပ် အဖြစ် လည်း ရာထူး ယူထားလေ၏။ ကင်းဝန်မင်းကြီးတို့သည် အစိုးသစ်အဖြစ် ၀န်ကြီး အပါး ၆၀ ကို ပြန်လည် ဖွဲ့စည်းခဲ့ကြပြီး ထုံးစံအရ ဘုရင်မှ ၀န်ကြီးများကို ရာထူးပေးအပ်ချီးမြှင့်သော်လည်း ၀န်ကြီးများသည် လွှတ်တော် ရှိ ဘုရင့်လွှတ်တော်ကောင်စီ ရှေ့တွင် ကျမ်းသစ္စာကျိန်ကာ ရှေးထုံးစံကို ပယ်ဖျက်ခဲ့လေသည်။ ထို့ကြောင့် သီပေါမင်းမှ ပါတော်မူ သတင်းစာရှင်းလင်းပွဲတွင် မိမိသည် ၀န်ကြီးများဆွဲရာ ရုပ်သေး တခု သာ ဖြစ်ကြောင်း ပြောခဲ့ခြင်းဖြစ်လေသည်။


Share:

No comments:

Post a Comment