မင်းတုန်းမင်းလက်ထက် နန်းတွင်းဓလေ့

မင်းတုန်းမင်းလက်ထက်သည် ကုန်းဘောင်ခေတ်၏ နိဂုံးပိုင်း ဖြစ်သဖြင့် ကုန်ဆုံးခါနီး ဆီမီးတိုင်သည် မငြိမ်းချူပ်မီ ပိုမို အလျှံမြင့်တက်သည့် သဘောရှိသဖြင့် မင်းတုန်းမင်းလက်ထက်သည် နေပြည်တော်တ၀ှက် အလွန်ပင် သာယာထွန်းလင်းခဲ့လေ၏။ မင်းတုန်းမင်းလက်ထက်တွင် ၀ါတွင်း ၄ လ ပတ်လုံး သားငါး မသတ် မစားရ၊ သီလသီတင်း ဆောက်တည်စေ ဟူသော အမိန့်တော်ကို ဆင်ပေါ်မှ တဆင့် မှူးမတ်ဖြင့် နေပြည်တော် တမြို့ လုံး မောင်းထု အမိန့်တော်ပြန်၏။
နေ့စဉ် အစည်းအဝေးကို နှစ်ကြိမ်ပြု လုပ်တော်မူလေရှိသည်။ ထိုအစည်းအဝေးသည် လွှတ်တော် အစည်းအဝေး မျိုးမဟုတ်ဘဲ ဘုရင်နှင့် သီးသန့် အစည်းအဝေးမျိူးဖြစ်လေ၏။ နန်းတော်အတွင်းရှိ လက်ဖက်ရည်ဆောင် နှင့် ဗောင်းတော်ဆောင် တွင်ပြုလုပ်လေ့ရှိသည်။ မနက်ညီလာခံ သည် အရေးကြီးပြီး ၀န်ရှင်တော်မင်း နှင့် ရာထူးကြီးသော အမတ်မင်းကြီး များ တက်ရောက်ကာ တိုင်းရေးပြည်ရေး နှင့် ငွေရေးကြေးရေး များကို လျှောက်တင် ဆွေးနွေးလေ့ရှိသည်။ ညနေ ညီလာခံ တွင်မူ မင်းတုန်းမင်း၏ ကိုယ်ရေးကိုယ်တာ ကိစ္စ နှင့် နန်းတွင်း သားရေး သမီးရေး ဘုရင့်ဆွေမျိူးရေး ပြဿ      နာ များကို ဆွေးနွေး သဖြင့် တိုင်းပြည်အရေး မဟုတ်ပေ။
မင်းတုန်းမင်းသည် တနေ့ လေးကြိမ်ပွဲတော်တည်၏။ ပွဲတော်တည်ချိန်တွင် မိဖုရား နှင့် မင်းသမီးများက စောင့်နေကြရသည်။ ဓလေ့အဖြစ် မနက်ညီလာခံ မစမီ ပွဲတော်ခေါ်ချိန်တွင် ဘုရင့်၏ အမြတ်နိုးဆုံး မိဖုရား တဦး ကသာ ဘုရင်ကို စားစရာ တိုက်ရိုက် ဆက်သခွင့်ရှိလေ၏။ တခြား မိဖုရားများကမူ ယပ်ခတ်၊ လက်ဆေးရေး လောင်းပေးသည်များကိုသာ ပြုလုပ်ရလေသည်။ 

ဘုရင့်၏ ပွဲတော်စားစရာ အားလုံးကို ဘုရင်ရှေ့တွင် အပျိူ တော် များမှ စားပြရလေ၏။ စားပြပြီးမှသာလျှင် မင်းတုန်းမင်း ထံ ဆက်သလေ၏။ ညနေပိုင်းတွင် စာပေကျွမ်းကျင်သူ အပျိူ တော်များက စာတော်များကို ဖတ်ပြရလေ၏။ ဘုရင်မှ ရပ်နားစေ လို့ အမိန့်ပေးမှ ရပ်နားရလေသည်။ ထိုအချိန် ဘုရင်စက်တော်ခေါ်လျှင်လည်း ဆက်တိုက် အပျိူ တော် အလှဲအလှယ် လုပ်ကြ မရပ်မနားရွတ်ဖတ်ရလေ၏။ ထိုအချိန်မျိူးတွင် မိဖုရားခေါင်ကြီး မှ အဆောင်တော်သို့ ကြွလာတတ်ပြီး အပျိူ တော်ကို ရပ်စေ လို့ အမိန့်လာပေးတတ်လေ၏။ 


မင်းတုန်းမင်းသည် နန်းရစတွင် မိဖုရား တပါးစီ တလတကြိမ် အဆောင်တော်လှည့်လေ့ရှိ၏။ မြင်ကွန်းအရေးတော် နောက်ပိုင်းတွင် အဆောင်တော် မကူးတော့ပေ။ ထိုအဆောင်လှည့်လျှင် အပျိူ တော်စိုး အစရှိသည့် အမူထမ်းများမှ ဘုရင့်၏ အသွားအလာကို တိတိကျကျ မှတ်သားရလေ၏။ ဘုရင် ၀တ်တော်လှဲသည့်အခါ တွင် မိဖုရားများကသာ ပြု စုရလေသည်။ ထိုအလုပ်များကို စာရင်းများဖြင့် အလှည့်ကျလုပ်ပြီး မိဖုရားခေါင်ကြီး၏ အမူထမ်းများက စီစဉ်ကြပြီး မိဖုရားခေါင်ကြီးမှ တဆင့် မိဖုရားငယ်များကို စေခိုင်းရ၏။ စာရင်း အလှည့်ကျသော မိဖုရားများသည် မိမိတို့၏ အပျိူ တော်များနှင့် ဘုရင်ကို ပြုစုရလေသည်။ 

ဘုရင်ရှေ့တွင် မိဖုရားကြီး လေးပါးက လွဲလို့ ဘယ်သူမှ ဖိနပ်စီးခွင့်မရှိပေ။ အိမ်ရှေ့မင်းသား တောင်မှ စီးခွင့် မရှိပေ။ ထီးတော်သည်လည်း မိဖုရားကြီး လေးပါးသာလျှင် ဘုရင်အနားတွင် ထီးဆောင်းလိုက်ပါခွင့်ရလေ၏။ ဘုရင်နှင့် ထိတွေ့ စကားပြောလျှင် ဖြစ်ဖြစ်၊ ပစ္စည်းပေးလျှင် ဖြစ်ဖြစ် ရှိခိုးပြီးမှ ပေးရလေသည်။ ဘုရင်နှင့် စကားပြောလျှင် မျက်လုံးချင်း မကြည့်ရပေ။ ခေါင်းအောက်စိုက်ကာ စကားပြောဆိုရ၏။ ဘုရင်နှင့် စကားပြောသည့်အခါ မရှိခိုးဘဲ လက်ပိုက်ကာ ၀ါကျဆုံးထိ နေနိုင်သူမှာ မိဖုရားခေါင်ကြီး တပါးသာ ရှိလေ၏။ 

မင်းတုန်းမင်းလက်ထက် တွင် အသက်ကယ်ခွင့်ရသူမှာ စကြာဒေ၀ီ ဖြစ်သည်။ စကြာဒေ၀ီသည် မင်းတုန်းမင်း၏ မိဖုရားခေါင်ကြီး ဖြစ်ပြီး ထို အသက်ကယ်ခွင့်ကို သာယာဝတီမင်း လက်ထက်မှ ရခြင်းဖြစ်၏။ ဘုရင်မှ စိတ်လက်မာန်ပါ သတ်စေ ဟု ပေးသော အမိန့်များကို ယာယီ ထောင်သွင်းချထားစေ ဟု ပြန်လည် အမိန့် ပေးနိုင်ပြီး အမူကို သေချာ ပြန်လည်သုံးသပ်ရန် အချိန်ဆွဲထားနိုင်လေ၏။ စကြာဒေ၀ီသည် အသက်များစွာ ကို ကယ်တင်နိုင်ခဲ့လေ၏။ သာယာဝတီမင်းမှ နောင်တော်စစ်ကိုင်းမင်းကို အောင်နိုင်သည့်အခါ စစ်ကိုင်းမင်းကို သတ်ရန် အမိန့်ထုတ်ခဲ့၏။ သို့သော် စကြာဒေ၀ီမှ ခမည်းတော်အား အဖနှင့်တူသော နောင်တော်ကို သတ်မိပါက ကံကြီးထိုက်ကာ အဇာတသတ်မင်းကဲ့သို့ ငရဲတွင် ခံရမည်ဟု ရဲဝင့်စွာ လျှောက်ဖူးသဖြင့် သာယာဝတီမင်းမှ သမီးတော်စကားကို နားထောင်ခဲ့လေ၏။ သို့သော်လည်း စကြာဒေ၀ီ မကယ်တင်နိုင်သော အသက်များစွာ လည်း ရှိခဲ့ပါသည်။ စကြာမင်းသားလေး၊ ပြည်မင်း၊မြတောင်မီးသမီး နှင့် မိဖုရား မမြကလေး တို့ကိုမူ မကယ်တင်နိုင်ခဲ့ပေ။ 

မင်းတုန်းမင်းသည် အလှူ ရေစက် လက်နှင့်မကွာ သော မင်းဖြစ်သဖြင့် အလှူ ဒါန အရေးတို့တွင် နေ့တိုင်းလိုလို ပြုလုပ်လေ့ရှိ၏။ နန်းတွင်းအရေးတွင်လည်း ထိုအလှူ အဒါန်းအရေးဖြင့်သာ အလုပ်များကြလေ၏။ မင်းတုန်းမင်းသည် သင်္ဂါယနာတင်ပွဲကို ၁၈၇၁၊ ၄ လပိုင်း၊ ၁၅ ရက်နေ့တွင် စတင်ကျင်းပခဲ့ပြီး ထိုနှစ် ၉ လပိုင်း ၁၂ ရက်နေ့ တွင် အောင်မြင်ပြီးမြှောက်ခဲ့လေသည်။ မြေနန်းတော်တွင် အခမ်းအနားကြီးကျယ်စွာဖြင့် ကျင်းပပြီး ရဟန်းတော် ၂၄၀၀ ကို သုဓမ္မာဆရာတော် ၈ ပါးမှ အုပ်ချူ ပ်ပြီး ၅ လကြာမျှ ပိဋ္ဋကတ် ၃ ပုံကို ရွတ်ဖတ် ပြု ပြင်ကြလေသည်။ ထို ရဟန်းတော် ၂၄၀၀ သည် ကုန်းဘောင်အင်ပါယာ အနယ်နယ် အရပ်ရပ်ရှိ သော ရဟန်းတော် များအနက် ပိဋ္ဋကတ် ၃ ပုံကို နူတ်ငုံရွတ်ဆိုနိုင်သူ၂၄၀၀ ပါးကိုသာ ရွေးချယ်ခြင်းဖြစ်လေ၏။ ကျောက်ထက်အက္ခရာတင်ရာတွင် မင်းတုန်းမင်းမှ အမှားတလုံး တွေ့သူကို ဒေါင်းဒင်္ဂါး တပြား ဆုချလေ၏။ 

မင်းတုန်းမင်းသည် နှစ်စဉ် ဆွမ်းလောင်းပွဲကြီး ကို မြေနန်းတော်တွင် ကျင်းပ၏။ ဘုရင်နှင့် မိဖုရားခေါင်၊ မိဖုရားငယ်များ၊ မင်းသား၊မင်းသမီး အားလုံး တက်ရောက် အလှူ ဒါနပြုလုပ်ရလေသည်။ ထိုပြင် ယိုးဒယားဆိုင်း၊ တီးမျိူး၊မူတ်မျိူးများစွာဖြင့် သာယာဖွယ်ကောင်းသော အသံများဖြင့် တီးခတ်ပူဇော်ကြလေ၏။ ရတနာပုံနေပြည်တော်ရှိ ပဌာန်းဇရပ်တွင် ပထမကျော် စာပြန်ပွဲများလည်း ပြုလုပ်၏။ ပထမပြန် ဆိုနိုင်သော သာမဏေ ငယ်များ ၏ ဆွေမျိူး ၇ ဆက်တို့သည် ဘုရင့်အခွန်တော် များမှ အားလုံး လွတ်ငြိမ်းလေ၏။ ပထမကျော် ကိုလည်း ဆုတော်ငွေ ၅၀၀၀ လှူ ဒါန်း၏။ 

မင်းတုန်းမင်းလက်ထက်တွင် နေပြည်တော်၏ လေးမျက်နှာတွင် ခရီးသွားများ နားရန် အုတ်ဇရပ်ကြီး ၈ ခု ဆောက်လုပ်ထားလေ၏။ ထိုဇရပ်တွင် လာလာသမျှ ခရီးသွားများ သုံးဆောင်နိုင်ရန် လက်ဖက်၊ ဆေးလိပ်၊ ကွမ်း၊ ယပ်တောင်၊ နံ့သာဖြူ ၊ သွားပွတ်တံ အစရှိသည့် (ယခုခေတ် ဟိုတယ်အသုံးအဆောင်ကဲ့သို့) ထိုခေတ်က အခြေခံကျသော အသုံးအဆောင်များကို ထားပေးလေ၏။ ထိုပြင် သူနာတိုက် ၅ လုံး၊ သူအိုတိုက် ၅ လုံး ဖြင့် မင်းတုန်းမင်းကိုယ်တိုင် ဆောက်လုပ်လှူ ဒါန်းထားပေးလေ၏။ ထို တိုက်များကို အခွန်မကောက်သည့်အပြင် ကုန်ကျစရိတ်အားလုံးကို ဘုရင်မှ စိုက်ထုတ်ပေး၏။ မင်းတုန်းမင်းသည် တိုင်းပြည်တိုးတက်ရေး၊ သာသာသာသနာ နှင့် ယဉ်ကျေးမူ တည်တံ့ရေးကို သူတတ်နိုင်သည့်ဘက်မှ ပြုလုပ်ခဲ့သော ဘုရင် တပါး ဆိုသည်မှာ မမှားပေ။ 

ထိုပြင် မင်းတုန်းမင်းသည် ပန်းချီဆရာများကို နန်းတော်တွင် လစားပေးကာ နန်းတွင်းပန်းချီဆရာ အဖြစ် ခန့်အပ်ထားခဲ့တော်မူလေ၏။ ထိုပန်းချီဆရာများ၏ တာဝန်သည် မင်းတုန်းမင်း၏ ကုသိုလ်တော်များ နှင့် တိုင်းရေးပြည်ရေး ကိစ္စအ၀၀ကို ပန်းချီဆွဲ မှတ်တမ်းတင်ရန် ဖြစ်လေသည်။ အောက်ပါ ပန်းချီကားသည် British Library မှ ယူထားသည့် ပုံများဖြစ်ပြီး မင်းတုန်းမင်း၏ မိဖုရားခေါင်ကြီးမှပြုလုပ်သော အလှူ တော် ၇ ခု ဖြစ်ကြောင်း မှတ်တမ်းများက ဆိုထားပါသည်။ 









မင်းတုန်းမင်း ၏ တသက်သာ အလှူ ကို မှတ်တမ်းတင်ထားရာ ၂၂ ကုဋ္ဋေ နှင့် ၆ သန်း ဖြစ်လေ၏။ (ယခုခေတ် ဒေါ်လာ ၁ ဘီလံယံ နီးပါး ရှိနိုင်ပါသည်။) 



Share:

No comments:

Post a Comment