သာယာဝတီမင်း ၏ နောက်ဆုံးရန်သူ

သာယာဝတီမင်း သည် မိမိ၏ တူတော်ညောင်ရမ်းမင်းသား ကို ကွပ်မက်ပြီးသည့်နောက် နေပြည်တော်တွင် လူထုထောက်ခံမူ ကျဆင်းလာလေ၏။ ပြည်သူထောက်ခံမူရရန်အတွက် ရဟန်းတော် ၄ ထောင်ကို နန်းတော်သို့ ပင့်ကာ ဆွမ်းလောင်းလှူ လေ၏။ ထိုပြင် အလှူ အဒါန်းများစွာကိုလည်း ပြု လုပ်လေ၏။ သာယာဝတီမင်း သည် နောင်တော့်မျက်နှာတော်ကြောင့်သာ မယ်နုကို ထောင်သွင်းမချခြင်းဖြစ်လေ၏။ မယ်နု ၏ မောင်တော် ဦးအို နှင့် အပေါင်းအပါများကို ထောင်သွင်းချထားလေသည်။ ထိုပြင် ဦးအိုတို့ ပိုင်ဆိုင်သမျှ ကိုလည်း သိမ်းလိုက်သဖြင့် ဦးအို၏ သမီးများ သည် အင်းဝမြို့ ဟောင်းတွင် တောင်းရမ်းသည့် ဘ၀ သို့ ရောက်သွားလေ၏။ ဘုရင့်အမိန့်ရှိသဖြင့် မည်သူမှ မကူညီဝံ့ကြပေ။

ညောင်ရမ်းမင်းသားကို ကွပ်မက်ပြီး ၁ နှစ်အကြာ ၁၈၄၀၊ ၃ လပိုင်း၊ ၂၇ ရက်နေ့တွင် မတ္တရာမြို့ အနီး ရှိ ကျေးရွာ ကို သူပုန်များ ၀င်ရောက်တိုက်ခိုက်ကြလေသည်။ ဦးဆောင်သူမှာ ရွှေဓားမင်းသား မောင်ဝင်းငယ် ဖြစ်လေ၏။ သာမန် တောသား တဦးဖြစ်ပြီး ဓားကစားရာတွင် အလွန်ကျွမ်းကျင်သူဖြစ်လေ၏။ အင်အား မှာ ၁၅၀၀ ခန့် ရှိလေသည်။ ထို ပုန်ကန်မူကို မတ္တရာမြို့ ဝန်မှ ရဲမက်များဖြင့် သွားရောက်နှိမ်နင်းသော်လည်း မနိုင်သဖြင့် ဆုတ်ရင်းဆုတ်ရင်း နောက်ဆုံး မြို့ ပါ သူပုန်လက်ထဲ ကျရောက်သွားရလေ၏။

ထိုသို့ ပုန်ကန်မူကို ထောက်ခံသူများလာရောက်ပူပေါင်းကြရာ မောင်ဝင်းငယ်သည် ရဲမက်အင်အား ၅ ထောင်နီးပါးရှိလာလေ၏။ နေပြည်တော်မှ လွှတ်သမျှ တပ်များသည် မောင်ဝင်းငယ် တပ်များကို မထိုးဖောက်နိုင်ကြပေ။ သာယာဝတီမင်းမှ ရှေ့ဝင်းမှူးမင်းကြီး ကို ဦးဆောင်စေပြီး ရဲမက် ၃ ထောင်ကျော်ဖြင့်သွားရောက်ခုခံ စေလေသည်။ ထိုပြင် ကျောက်ဆည်ဝန်ကြီးကိုလည်း ရဲမက် ၁ ထောင်ကျော် ပေးပြီး သွားရောက် တိုက်ခိုက်စေ လေ၏။

ရှေ့ဝင်းမှူးမင်းကြီး နှင့် ကျောက်ဆည်ဝန်ကြီးကို အပြင်းအထန် တိုက်ခိုက်သဖြင့် မောင်ဝင်းငယ်တပ်များ ပျက်ကာ ပရမ်းပတာ ဖြစ်ပြီး ထွက်ပြေးကြကုန်လေ၏။ အောင်မြင်ကြောင်း ကို သာယာဝတီမင်း ထံ လျှောက်တင်ကြလေသည်။ ၁၈၄၀၊ ၄ လပိုင်း၊ ၂၂ ရက်တွင် သူပုန်ခေါင်းဆောင် မောင်ဝင်းငယ်ကို ရှမ်းပြည် ဖြစ်သော သီပေါ တွင် ဖမ်းမိသဖြင့် ဘုရင့်ရှေ့မှောက်သို့ ခေါ်ဆောင်လာကြလေ၏။

မောင်ဝင်းငယ် သည် နေပြည်တော်ရောက်ရောက်ချင်း ဘုရင့်ရှေ့မှောက်တွင် ဘုရင်ဟောင်းမှ အမိန့်ပေးခြင်း ဖြစ်ကြောင်း ချက်ခြင်း လျှောက်တင်လေ၏။ ထိုအခါ သာယာဝတီမင်း သည် အလွန်အမျက်ထွက်လေ၏။ ပါဝင်သူများကို ပြောစေရာတွင် မောင်ဝင်းငယ်မှ သံတော်ဆင့်ဟောင်း ရွှေသား မှ စာဖြင့် ပို့ကာ ဆက်သွယ်သဖြင့် ပုန်ကန်ရခြင်း ဖြစ်ကြောင်း လျှောက်တင်လေ၏။

ကုန်းဘောင်ခေတ် ဘုရင့် ဇာတ်ပွဲ 

ဘကြီးတော်၏ သံတော်ဆင့်ဟောင်း ရွှေသား သည် ထောင်ထဲတွင်အကျဉ်းကျနေသူ ဖြစ်ပြီး ဘုရင့်အမိန့်အရ ဘယ်သူမှ ထောင်နားကပ်ခွင့်မရှိပေ။ သို့သော်လည်း သာယာဝတီမင်း မှ သံတော်ဆင့် ငရွှေသား ကို စစ်ဆေးစေရာ နောင်တော်မင်းကြီး၏ မိဖုရားကြီး မယ်နု မှ အမိန့်ပေးခြင်း ဖြစ်ကြောင်း ဖြောင့်ချက်ပေးသဖြင့် သာယာဝတီမင်း သည် ထိုအကြောင်းပြချက်ဖြင့် မယ်နုကို ဖမ်းဆီးရန် အမိန့်ထုတ်လေသည်။ ငရွှေသား လည်း နှိပ်စက်ခံရသည့် ဒဏ်ရာဖြင့် သေလေ၏။

မယ်နု သာမက ဦးအိုနှင့်အပေါင်းအပါတို့ကိုလည်း သေဒဏ်ပေးလေ၏။ မိဖုရားခေါင်ကြီးဟောင်း မယ်နု ကို သေဒဏ်ပေးရာတွင် ဘကြီးတော်မှ နည်းလမ်းပေါင်းစုံဖြင့် သာယာဝတီမင်း ထံ အသနားခံစာ တင်သော်လည်း အရာမရောက်ဘဲ ထိုနေ့မှ စပြီး ဘကြီးတော် ထံသို့ သာယာဝတီမင်း လည်းလာရောက် လည်ပတ် ခြင်း မရှိတော့ပေ။

မယ်နုလည်း ထုံးစံအတိုင်း ရေတွင် ဖျောက်ခံရလေသည်။ ဦးအို နှင့် အပေါင်းအပါများကိုမူ သာမန် အကျဉ်းသား များ၏ သေဒဏ်အတိုင်း အသတ်ခံရလေ၏။ ထိုသို့ အသတ်ခံရသူများထဲတွင် မြ၀တီမင်းကြီး ဦးစ မပါဝင်ခဲ့ပေ။ ဦးစ သည် မယ်နု ၏ သစ္စာကို စောင့်သိသူဖြစ်ပြီး သာယာဝတီမင်းသား ပုန်ကန်သည့် စစ်ပွဲ တွင် အရေးန်ိမ့်ပြီး အဖမ်းခံခဲ့ရသူဖြစ်၏။

တနေ့ ဦးစ သည် ထောင်သား များတို့၏ အလုပ်အတိုင်း အလုပ်ကြမ်းလုပ်နေရကာ လမ်းပြင်နေရလေသည်။ ထိုလမ်းပြင်နေရခြင်းသည် သဲအင်းဆရာတော်ကြီး ပျံလွန်တော်မူရာ မိဖုရားခေါင်ကြီးမှ ကြွရောက်ပူဇော် ရန် အစီအစဉ်ရှိသဖြင့် ထို လမ်းကို ပြင်နေရခြင်းဖြစ်၏။ ထိုလမ်းပြင်နေသည်ကို သာယာဝတီမင်း ၏ တပင်တိုင် သမီးတော် မှ တွေ့ရှိသဖြင့် ခေါ်စေကာ အကျဉ်းထဲတွင် မည်သို့ နေရ သနည်း ဟု မေးမြန်းလေ၏။

ဦးစလည်း လည်း ပင်ပန်းဆင်းရဲရပုံ ကို လျှောက်တင်သဖြင့် သမီးတော် တပင်တိုင်မင်းသမီး မှ သနားကာ ဦးစ အား ဘုန်းတော်ဘွဲ့ တခု ရေးသားစေလေ၏။ ထိုနောက် မိမိမှ ကူညီပေးမည်ဟု ပြောကာ နန်းတော်သို့ ပြန်ကြွလေသည်။ ဦးစလည်း အမျက်ဖြေ သီချင်း ဘုန်းတော်ဘွဲ့ တခု ကို ရေးသားလေသည်။

ကုန်းဘောင်နေမင်း၊ ဘုန်းရောင်ဖြာဝင်း
သောင်းဒီပါ ထိန်ထိန်လင်း
သိင်္ဂါလျှံလန်း၊ က္ကန္ဒာစံခန်း
ဝေယံလေတူ နူန်းနန်း
များထုဝေနေ၊ ချမ်းသာစေ
ဖန်တော်ဆောင်းသည့်၊ ကုန်းဘောင်ဘုရား
သောင်းထိုက်ကယ်ညာ တစ်ပြည့်လုံး
ဘုန်းနေခြည် ဆောင်ရောင်ပွင့်တယ်လေ
ရာမင်း မင်းဖျား
အို.... ကွယ် မှန်းရည်လို့စေ
ပြည်လုံး သွန်းလောင်းညောင်ရေ။ ဟူသော သီချင်းကို ရေးသားလေသည်။

ထိုသီချင်း ကို လပြည့်နေ့ ရုပ်သေးပွဲတွင် တပင်တိုင် မင်းသမီး အကူအညီဖြင့်  မင်းသားကိုင် ဦးရွှေသာက သီဆိုလေတော့သည်။ ထိုသီချင်း ပြီးသောအခါ သာယာဝတီမင်းမှ မည်သူ ရေးသနည်း ဟု မေးမြန်းရာ သမီးတော် တပင်တိုင်မင်းသမီး မှ ၀န်ကြီးဟောင်း ငစ ရေးသည်ဟု လျှောက်တင်လေ၏။ ထိုနောက် မင်းသမီး မှ ငိုယိုကာ ပညာရှိ တဦး ထောင်ထဲတွင် မရှိနေသင့်ကြောင်း ၀မ်းနည်းစွာ လျှောက်တင်လေရာ သာယာဝတီမင်း မှ နှလုံးတော်ပျော့ပြီး လွတ်စေ ဟု ချက်ခြင်း အမိန့်တော် ချလေ၏။

ဦးစ လည်း ထိုညတွင်းချင်း အကျဉ်းမှ လွှတ်မြောက်လေသည်။တပင်တိုင် မင်းသမီး သည် ကဗျာ၊သီချင်းများ ကို ချစ်မြတ်နိုးသူဖြစ်သဖြင့် ဦးစ ကို မိမိအနား အမူထမ်းရန် ပြောဆိုသော်လည်း ဦးစ မှ လက်မခံဘဲ တောင်းပန်ကာ သူ၏ ရွာ တွင်သာ အေးချမ်းစွာ နေထိုင်သွားလေတော့သည်။
Share:

No comments:

Post a Comment