ကံမကောင်းရှာသော စကြာမင်းသားလေး

အေဒီ ၁၈၃၇ ၊ ၄ လပိုင်း၊ ၃၀ ရက်နေ့ တွင် သာယာဝတီမင်း မှ ကုန်းဘောင်ထီးနန်း ကို သိမ်းပိုက်ကာ ဘုရင် အဖြစ် ဘိသိတ်ခံတော်မူလေသည်။ ခေတ်ပြိုင် မင်းများမှာ
 ဗြိတိန်တွင် ၀ိတိုရိယ ဘုရင်မ- Queen Victoria ,1837 June 20 - 1901 Jan 22 ( အိန္ဒိယ နိုင်ငံ နှင့် မြန်မာ နိုင်ငံ ၏ ဘုရင်မ ဖြစ်ခဲ့သူ ) ,
တရုတ်ပြည်တွင် Daoguang Emperor - 1820 Oct 3 - 1850 Feb 25 ( ၈ ယောက်မြောက် မန်ချူး ဧကရာဇ် - ဗြိတိန် နှင့် ဘိန်းစစ်ပွဲ ( First Opium War) ဖြစ်ပွားခဲ့ပြီး မန်ချူးတရုတ်ရူံးနိမ့်ကာ ဟောင်ကောင် ကို ဗြိတိန်သို့ ပေးအပ်လိုက်ရ )


ဝိတိုရိယ ဘုရင်မ 


သာယာဝတီမင်းသား သည် နောင်တော်ဘကြီးတော် နှင့် အလွန်တည့်ကာ ညီနောင် အချင်းချင်း ချစ်ခင် ရိုင်းပင်း ကြသည်။ မင်းသားမောင်အိုနှင့် မယ်နု တို့ ကြိမ်ဖန်များစွာ သွေးထိုးသော်လည်း ဘကြီးတော်မှာ သာယာဝတီမင်းသား အပေါ် စိတ်မကွက်ခဲ့ပေ။ နောက်ဆုံး ဘကြီးတော် နေမကောင်းချိန်တွင် မောင်အိုတို့  ထောက်ချောက်ထဲ ၀င်မိတော့မှ ညီတော်အား တိုက်ရန် အမိန့်တော်ပေးခဲ့လေ၏။ သာယာဝတီမင်းသား လည်း မိမိ ဘုရင်ဖြစ်သော် နောင်တော် ကို ကောင်းမွန်စွာ သကျသီဟ ဘုရားအနီးတွင် နေထိုင်စေလေ၏။ နောင်တော် ချစ်သော မယ်နု ကိုပင် အသက်ချမ်းသာခွင့်ပေးခဲ့သည်။
သို့သော်လည်း သာယာဝတီမင်း အဖို့ စိတ်မအေးနိုင်သေးပေ။ စိတ်မအေးနိုင်ရခြင်းအကြောင်းမှာ ညောင်ရမ်းမင်းသား လေးဖြစ်သည်။ ညောင်ရမ်းမင်းသား သည် မွေးကတည်း နိမိတ်ကြီးများဖြင့် မွေးဖွားလာသူဖြစ်ရာ ပြည်သူများက မင်းသားလေးသည် အင်္ဂလိပ်များကို လုံးဝတိုက်ထုတ်နိုင်မည့်သူ ဟု ယုံကြည်ကြနေလေ၏။ ယခင် ဘိုးတော်ဘုရား ခေတ်က နာမည်ကြီးခဲ့သော ရသေ့ဦးအောင် (ဘိုးဘိုးအောင်) မှ စောင့်ရှောက်ခြင်း ခံရသော မင်းသားလေး ဟုလည်း နာမည်ကြီးနေသဖြင့် သာယာဝတီမင်း ထက် ပိုနာမည်ကြီးကာ ပြည်သူ ထောက်ခံမူ ပိုရသော မင်းသားလေးဖြစ်၏။

သာယာဝတီမင်း သည် ဘုရင်ဖြစ်သော် ထိုကိစ္စများကို စိတ်ပူသော်လည်း ဘုရင်ဖြစ်ဖြစ်ခြင်း သွေးချောင်းမစီးလိုသဖြင့် ညောင်ရမ်းမင်းသား အား မင်းသားအဆောင်အယောင် အပြည့်ပြန်လည် ပေးအပ်ပြီး လွတ်လပ်စွာ နေစေလေ၏။ ဘုရင်ဖြစ်လျှင် အင်္ဂလိပ်နှင့် ချူ ပ်ဆိုထားသော ရန္တပိုစာချူ ပ်ကိုလည်း အသိအမှတ်မပြု ဘဲ အင်္ဂလိပ်သံတမန်များ ထိုအကြောင်း ကို လာရောက်လျှောက်တင်လျှင် တွေ့ခွင့်ပင် မပေးတော့ သဖြင့် သံတမန်များလည်း မည့်သို့မှ ပြောခွင့်မသာသဖြင့် စာချူ ပ်အရ မြန်မာတို့ ပေးအပ်ရန်ကျန်သော ငွေများကိုပင် မတောင်းကြတော့ချေ။ သံတမန် ဆက်ဆံရေး သည် သာယာဝတီမင်းလက်ထက်တွင် ဆိုးဝါးခဲ့ရသည်။

အမရပူရ နန်းတွင်း

သာယာဝတီမင်း သည် နန်းတော်ကို အင်းဝမှ အမရပူရ သို့ ပြန်လည်ပြောင်းရွှေ့ပြီး နန်းစံခဲ့သည်။ ဘုရင်ဖြစ်ပြီးသည့်နှင့် အမရပူရမြို့ ကို ပြန်လည် ပြုပြင်စေပြီး ၁၈၃၇ ၊ ၁၂ လပိုင်း ၁၂ ရက်နေ့ တွင် မင်းခန်းမင်းနားဖြင့်အမရပူရမြို့တော်သို့ ၀င်တော်မူလေသည်။ သာယာဝတီမင်း အမရပူရ သို့ ပြန်လည် နန်းစံနေစဉ် ညောင်ရမ်းမင်းသား ၏ သတင်းသည် နေ့စဉ် ကြီးသထက်ကြီးလာလေသည်။ ထို့ပြင် အမရပူရသည် ညောင်ရမ်းမင်းသား မွေးဖွားခဲ့သော နေရာ ဖြစ်သဖြင့် ပြည်သူများ၏ ပါးစပ်ဖျားတွင် စကြာမင်းသား အောင်မြင်နေရာ သို့ ဆိုက်နေပြီ၊ ထိုသို့ ဖြစ်အောင် သာယာဝတီမင်းမှ လုပ်ပေးရသည် အစရှိသဖြင့်  ပြည်သူအများ ပြောဆိုကြလေ၏။

ညောင်ရမ်းမင်းသား သည် အလွန်အနေအေးသူ ဖြစ်သည်။ မျက်နှာတော်မှာလည်း မှတ်တမ်းများအရ တခြား မင်းသားများနှင့် မတူဘဲ ကျက်သရေ အလွန်ရှိသူ ဟု ဆိုကြသည်။ ထိုပြင် မှတ်တမ်းများအရ ညောင်ရမ်းမင်းသားလေး သည် လက်ထဲတွင် ပုတီး အမြဲတမ်း ကိုင်ထားသည်ဟု ဆို၏။ အမှန်ဆိုလျှင် ညောင်ရမ်းမင်းသားသည် ဘကြီးတော် သားတော် ဖြစ်သဖြင့် အိမ်ရှေ့ရာထူး ရမည်သူ ဖြစ်သည်။ သို့သော်လည်း မယ်နု နှင့် မောင်အို ကောင်းစားစဉ်က စကြာမင်းသားလေးကို အိမ်ရှေ့အရာမအပ်ဘဲ ချောင်ထိုးထားလေ၏။ လွှတ်တော်တွင်လည်း အရေးမပေးသဖြင့် မင်းသားလေးမှာ နန်းတော်အရေးများကို စိတ်ကုန်သွားဟန် တူပါ၏။ ယခင် အဘိုးတော် (ဘိုးတော်ဘုရား)  မှ ညောင်ရမ်းမြို့ ပေးအပ်ထားလို့သာ မင်းသားလေးမှာ တင့်တင့်တယ်တယ် နေနိုင်ခြင်းဖြစ်သည်။

 ယခု တဖန် သာယာဝတီမင်း နန်းတက်သော် မင်းသားလေးကြောင့် စိတ်မအေးရပြန်ပေ။ ပြည်သူများသည် မည်သူက လွင့် သတင်းများကိုမသိဘဲ ထပ်တလဲလဲ ပြောဆိုနေကြခြင်းကြောင့် အာဏာမရှိသော မင်းသားလေး၏ ရှေ့ရေးသည် စိတ်မအေးရပေ။ ထိုသတင်းများသည် ညောင်ရမ်းမင်းသား အတွက် မကောင်းပါချေ။ ထိုသို့ သတင်းများ ပြန့်နေစဉ် ညောင်ရမ်းမင်းသား အိမ်တော် အား တနေ့ ဘုရင့်တပ်များ ၀ိုင်းကာ မင်းသားအား ရုတ်တရက် ဖမ်းဆီးပြီး ကြေးတိုက်တွင် ထားလိုက်ကြလေ၏။ မင်းသား အား ဖမ်းသော သတင်းသည် ရုတ်တရက် ပြန့်သွားပြီး အမရပူရနေပြည်တော် တခုလုံး ရုတ်ရုတ် ဖြစ်သွားရလေ၏။

ဖမ်းဆီးရသော အကြောင်းအရင်းမှာ လက်ဝဲ၀င်းမှူး နှင့် ညောင်ရမ်းမင်းသားတို့ ပုန်ကန်ရန် အတိုင်အပင် ရှိကြောင်း စွပ်စွဲကြလေသည်။ မှတ်တမ်းအရ မင်းသားသည် ဖြေရှင်းချက် မပေးရဘဲ ကြေးတိုက်ထဲတွင်နေရ ၏။ လက်ဝဲ၀င်းမှူး နှင့် ပါဝင်သူဟု ထင်မှတ်ရသူများကို သာယာဝတီမင်း မှ ဥယျာဉ်တော်တွင် ကိုယ်တိုင် စစ်ဆေးသည်ဟု ဆို၏။ ထို စစ်ဆေးရာတွင် ပါဝင်သူများ အားလုံးမှ ဟုတ်မှန်သည်ဟု ထွက်ဆိုကြသဖြင့် မင်းသား ကို ရေချ သတ်ရန် သာယာဝတီမင်းမှ အမိန့်တော်ချလေသည်။ ထိုပြင် မြတောင်မင်းသမီး ကိုလည်း ပါဝင်သည်ဟု စွပ်စွဲ ခံရကာ ရေချ သတ်ရာတွင် ပါဝင်သွားလေ၏။

ထိုသတ်ပွဲ သည် သာယာဝတီမင်း မှ ဘုရင်ဖြစ်ပြီး ပထမဆုံး ၁ နှစ်အကြာတွင် ဆွေတော်မျိူးတော်များကို သတ်သော ပွဲ ဖြစ်လေ၏။ စကြာမင်းသားလေးသည် မိမိအား ရွှေကြက်ယက်ဘုရား အနီး ရေချမည့်နေရာသို့ ခေါ်ဆောင်သွားရာ တွင် အပြုံးမပျက်ဘဲ ကောင်းမွန်စွာ လျှောက်သွားသည်ဟု ဆို၏။ ပြည်သူများစွာတို့လည်း မင်းသား ရေချမည့်နေရာ သို့ လာရောက်ကြကာ ငိုယိုသူက ငို၊ အစရှိသဖြင့် မိမိတို့ ချစ်သော မင်းသားလေး ကို နောက်ဆုံး လာရောက် နူတ်ဆက်ကြသည်ဟု ဆို၏။ ညောင်ရမ်းမင်းသားလေး ခေါ် စကြာမင်းသားလေး သည် မှတ်တမ်းအရ မွေးဖွားချိန်တွင် နိမိတ်ကြီးများဖြစ်သော မင်္ဂလာစည်တော် အလိုလိုမည်ခြင်း၊ ငလျင်လူပ်ခြင်း၊ နန်းတော်အတွင်း သြဘာသံ များ ဖြစ်ပေါ် ခြင်း များ ဖြင့် မွေးဖွားလာသော်လည်း နောက်ဆုံး အာဏာလွန်ဆွဲပွဲ တွင် အသုံးချခံရကာ သေဆုံးသွားရလေ၏။

၁၈၃၈၊ ၄ လ၊ ၁၅ ရက် သည် ညောင်ရမ်းမင်းသား ရေချ သတ်ခံရသော နေ့ ဖြစ်လေသည်။ မှတ်တမ်းများ အဆိုအရ မင်းသားလေးအား ရေချ သတ်သည့်အချိန်တွင် မြေငလျင် ကြီးစွာ လူပ်လေ၏။ ရွှေကြက်ယက် ဘုရား အနီးတွင် မိုးသက်လေပြင်း ကြီးများ ကျလေ၏။ နန်းတော်ရှိ မင်္ဂလာကန်သည်လည်း သွေးရောင် သန်းလေ၏။ ထိုပြင် မင်းသား၏ ဖွားဖက်တော် ရွှေလရောင် မြင်းလည်း အိမ်တော် တွင် မရှိတော့ဘဲ ပျောက်ကွယ်သွား လေသည်။
ယနေ့ခေတ် ရွှေကြက်ယက်ဘုရား 

ထိုသို့ အသတ်ခံရသော အခါ မခံစားနိုင်သော ပြည်သူတို့မှ မြစ်ရေမှတွင်းမှ ရွှေရောင်သန်းလေးတခု ကောင်းကင်သို့ ပြန်တက်သွားသည်ဟု မြင်တွေ့သည်ဟု ဆိုကြသဖြင့် စကြာမင်းသားလေးကို ထိုချိန်မှ စပြီး ယခု အထိ မင်းသားလေးမသေ ၊ ရသေ့ဦးအောင် (ဘိုးဘိုးအောင်) မှ ခေါ်ဆောင်သွားသည်၊ တချို့ မှလည်း ရွှေလရောင်မြင်းကို စီးပြီး တောထွက်သွားပြီ၊ အစရှိသဖြင့် ဆိုကြလေ၏။

ညောင်ရမ်းမင်းသားနှင့် ပတ်သက်ပြီး နောက်မှတ်တမ်းတခုမှာ  မင်းသား၏ ကျွန် မြင်းခံတော် မောင်ညို ၏ လျှောက်တင်ချက်ကြောင့် ထိုခေတ်မှာ မင်းသားလေး ပြန်လာမည်ကို ပိုမိုပြီး ယုံကြလေ၏။ ဖြစ်စဉ်မှာ မောင်ညို သည် မိမိ သခင် အသတ်ခံရပြီးနောက် မင်းကွန်းအရပ်ရှိ ဘိုးတော်ဘုရားတည်ခဲ့သော မြသိန်းတန်စေတီ သို့ သွားကာ ဥပုသ်စောင့်ပြီး သူတော်စင် အနေဖြင့် ဘုရားနားတွင် နေလေ၏။

မင်းကွန်းရှိ မြသိန်းတန် ဘုရား

ထိုအခါ စကြာမင်းသားလေးမှ ရွှေလရောင်မြင်းဖြင့် မောင်ညို ငါကား မသေ၊ ရသေ့ ဦးအောင် ယူဆောင်သွားသဖြင့် ငါကိုယ်တော်မြတ် ရဇိတ တောင်တန်းမှာ စံမြန်းနေသည် ဟု  မိန့်သည် ဟု ဆိုလေ၏။ ထိုသတင်း သည် ချက်ခြင်း ပြန့်နှံ သွားရာ ဘုရင့်နားတော် ပေါက်ကြားလေ၏။ သာယာဝတီမင်းလည်း မောင်ညို ကို ခေါ်ပြီး မောင်မင်း၏ သခင် နတ်စိမ်းဖြစ်ပြီး ကိုယ်ထင်လာပြ သည် မဟုတ်သလော ဟု မေးရာ မောင်ညို မှ ဘုန်းတော်ကြောင့် နတ်စိမ်းမဟုတ်ပါ၊ ကျွန်ုပ်၏ အရှင်သခင် စကြာမင်း ဖြစ်ပါသည် ဟု ပြန်လည် လျှောက်သဖြင့် သာယာဝတီမင်းမှ အမျက်ထွက်ကာ ထိုနေရာတွင်ပင် သေဒဏ်ပေးလေ၏။

ထိုနေ့မှစပြီး စကြာမင်းသား အကြောင်း ပြောသူများကို ရာဇ၀တ် သင့်မည်ဟု အမိန့်တော် ပြန်သဖြင့် မည်သူမှ မပြောဝံ့ကြတော့ပေ။

Share:

No comments:

Post a Comment