နိဗ္ဗာန်ရွာမှ ပိတ်ဖြူ ကဲ့သို့ ဖြူ သော ဆင်ဖြူ တော်

ထားဝယ်ကို လာတိုက်သော ယိုးဒယားတို့ကို အောင်မြင်စွာ တွန်းလှန်နိုင်သော အိမ်ရှေ့မင်းသား ကို ဘိုးတော်ဘုရားမှ အလွန်သဘောတော်ကျကာ မိမိ၏ သားတော်ကို ဘုရင်နီးပါး အာဏာရှိသောရာထူးကို ပေးသနား တော်မူလေသည်။ ဘိုးတော်ဘုရားမှာမူ မင်းကွန်းတွင် ပုထိုးတော်ကြီး ဆောက်လုပ်ရေးကိုသာ အာရုံစိုက်ကာ နေလေ၏။
၁၈၀၄ ခုနှစ်  ၈ လ၊  ၁၂ ရက်နေ့ တွင် ယခင် ဘိုးတော်ဘုရားမှ ရရှိထားသောဆင်ဖြူ တော် တွေထက် ဖြူ ပြီး ၀ါဂွမ်း ကဲ့သို့ အရောင်ရှိသော ဆင်ဖြူ တော်မ ကို လိုင်မြို့  တောစပ်တွင် ဖမ်းမိထားကြောင်း လျှောက်တင်လာသဖြင့် ဘိုးတော်ဘုရားသည် ဟံသာဝတီမြို့ ဝန်ကို သွားရောက် ပင့်ဆောင်လာစေလေသည်။ ဘိုးတော်ဘုရားသည် ထို ဆင်ဖြူ တော်ကို စစ်ကိုင်းအထိ သွားရောက်ကြို ဆိုလေ၏။

ထို ဆင်ဖြူ တော်မ သည် ၀ါဂွမ်းကဲ့သို့ အရောင်ရှိသဖြင့် မင်းတရားသည် ယခင် ဆင်ဖြူ  တွေထက် ပိုမို ဂရုစိုက် လေ၏။ သို့သော်လည်း ဆင်ဖြူ တော်သည် ကျွေးသမျှကို အငမ်းမရ စားသဖြင့် ၃ လ အကြာတွင် သေဆုံး လေသည်။ ထို ဆင်ဖြူ  သေဆုံးသော် ဘိုးတော်ဘုရားမှ ဆင်ဖြူ တော် သေသည်ဟု မပြောရန် အမိန့်ထုတ် ပြီး ဆင်ဖြူတော် ဥပေါသထ ဆင်ဖြူ မျိူး ဖြစ်သည့်အတွက် မိမိနေရပ်သို့ ကောင်းကင်ခရီးဖြင့် သွားသည်ဟု ပြောရန် အမိန့်ထုတ်လေ၏။ (ဆင်ဖြူ ကြိုဆိုပွဲ ကို ကိုယ်တိုင်တွေ့ခဲ့သော အီတာလျံ ဘုန်းတော်ကြီး Sanagarmano (စန်ဂါမနို)၏ မှတ်တမ်းကို နောက်ပိုင်း တင်ပြပါမည်) 

နိဗ္ဗာန်ရွာမှ ရသော ဆင်ဖြူ တော် ပန်းချီ ဟု ဆို၏

ဘိုးတော်ဘုရား စိတ်မကောင်းဖြစ်ပြီး ၂ နှစ်အကြာ ၁၈၀၆ ခုနှစ် ၁၀ လ၊ ၁၁ ရက်တွင် နိဗ္ဗာန်ရွာတွင် ပိတ်ဖြူ ကဲ့သို့ ဖွေးဖွေးဖြူ စွတ်နေသော ဆင်ဖြူ တော်ကို တွေ့ကြောင်း သတင်းရလေ၏။ ထိုဆင်ဖြူ တော် ကို တွေ့ချိန် တွင် အခြွေအရံဆင်မည်းများမှ ရွံများဖြင့် သုတ်လိမ်းပေးကြောင်း တွေ့ရှိရလေသည်။

ဆင်မုဆိုးများ လည်း ခက်ခဲစွာ ဖြင့် ၃ ရက်တိုင်အောင် ဖမ်းရလေ၏။ ဖမ်းမိလျှင် ဘိုးတော်ဘုရားသည် ပိတ်ဖြူ ကဲ့သို့ ဖြူ သော ဆင်ကို ပုဂံအထိ လာရောက် ကြိုဆိုလေသည်။ နိဗ္ဗာန်ရွာတွင် ဖမ်းမိသော ဆင်ဖြူ တော်ကို ဆဒ္ဒန်ဆင်ဖြူ တော်ဖြစ် သည် ဟု ပညာရှိအမတ်များမှ လျှောက်လဲချက် တင်သဖြင့် နိဗ္ဗာန်ရွာ ကို ဘေးမဲ့ရွာ(မုဆိုးများ သားလိုက်လို့မရ) အဖြစ် ဘိုးတော်ဘုရားမှ အမိန့်တော်ပြန်လေသည်။ ထိုအပြင် နိဗ္ဗာန်ရွာ ရှိ ဘုန်းတော်ကြီး ကျောင်းများအတွက် ကျွန်းသစ်များကို အသုံးပြု ရန် လိုအပ်ပါက ဘုရင့်ထံ ခွင့်တောင်း စရာ မလိုဘဲ အလိုရှိသမျှ ခုတ်နိုင်ခွင့်ကိုလည်း ရရှိလေ၏။

ထိုဆင်ဖြူ သည် ယခင် ဖမ်းမိသော ဆင်ဖြူတော် ၈ စီးထက် ကြီးကျယ်သော ပူဇော်မူကိုလည်း ခံရလေ၏။ ဘိုးတော်ဘုရားသည် ထိုဆင်ဖြူ တော်ကို မိမိစံရာ မင်းကွန်းယာယီစံနန်းတော် အထိ ပင့်ဆောင်လေ၏။ ပုဂံမြို့ မှ မင်းကွန်းအထိ ဆင်ဖြူ ပင့်ဆောင်ရာ လမ်းတလျှောက်တွင် ရာဇမတ်ကာလျက် သစ်ပင်များ စိုက်ထူရလေ၏။ ဆင်ဖြူ တော် ရပ်နားရာ မြို့ ရွာတွင် ရွှေအတိပြီးသော ပြဿ      ဒ်များ ဆောက်လုပ်ရသည်။ ထိုဆင်ဖြူ တော်ကို မင်းဆွေမင်းမျိူး များမှ ရွှေငွေရတနာ ပေါင်းများစွာ လက်ဖွဲ့ကြလေ၏။

ဆင်ဖြူ တော် ကို စတင်တွေ့ရှိသူ ငပန်းဦး ကို ဗျတ္တသီရိဘွဲ့ ပေးကာ ရွာစား ခန့်လေ၏။ ငတော်ကို ဗျတ္တသူရိန် ဘွဲ့ ပေးကာ ရွာစား အဖြစ် ခန့်လေ၏။ ရွှေစင် ၅၀၀၊ ရွှေဖလား ၅၀၀ ၊ ပိတ်အုပ် ၅၀၀၊ ပိုး ပုဆိုး ၅၀၀ ကို နှစ်ဦး စလုံးအား ချီးမြင့်လေသည်။ ထိုဆင်ဖြူ မှာ ငယ်ရွယ်သော အရွယ်သာ ရှိသေးသော ဆင်ဖြစ်လေ၏။ ဆင်ဖြူ တော်ကို နာဂရာဇ ဟူသော ဘွဲ့ ချီးမြင့်လေသည်။

ဘိုးတော်ဘုရားလည်း အလွန် ၀မ်းမြောက်ဝမ်းသာ ပီတိဖြစ်နေလေ၏။ ထိုဆင်ဖြူ ရပြီးနောက် ယိုးဒယားမှ လက်ဆောင်များဖြင့် လာရောက်ဆက်သကြကာ မဟာမိတ်ဖြစ်လိုကြောင်း လျှောက်တင်ကြလေ၏။ ၁၈၀၇ ခုနှစ် ၂ လပိုင်း၊ ၁၂ ရက်တွင် အမတ်ငယ်များ ကို ရာဇသံအဖြစ်ခန့်ကာ အိန္ဒိယသို့ လောကီကျမ်း၊ ဗေဒင်ကျမ်းများကို သွားရောက်ယူစေရန် လွှတ်လေသည်။ ထိုလ ၂၄ ရက်တွင် ဘိုးတော်ဘုရား၏ မိဖုရားခေါင်ကြီး နတ်ရွာစံသဖြင့် ဘိုးတော်ဘုရားမှာ အလွန် ကြေကွဲ ပြီး မည်သူကိုမှ အတွေ့မခံဘဲ မိဖုရားခေါင်ကြီး၏ ရုပ်အလောင်းဘေးတွင်သာ ၃ ရက်တိုင်အောင် နေလေ၏။

ထိုအချက်ကို အခွင့်ကောင်းယူကာ မဏိပူရစော်ဘွားမှ မိမိ၏ သမီးတော်ကို ဆက်သလေ၏။ မဏိပူရစော်ဘွား ညီတော်လည်း သမီးတော် ဆက်သလေရာ လမ်းခုလတ်တွင် အချင်းများကြလေသည်ကို ဘိုးတော်ဘုရား ထံ သတင်းပို့ကြသဖြင့် ဘိုးတော်ဘုရားသည် မင်းသမီး နှစ်ဦးလုံးကို သိမ်းတော်မူမည့်အကြောင်း မိန့်သဖြင့် မင်းသမီး နှစ်ဦးလုံး အမရပူရ နန်းတော်သို့ ရောက်လေသည်။

မဏိပူရစော်ဘွား နှင့် ညီတော်ကိုလည်း ညီညွတ်ရန် မိန့်ကြားသည့်စာ နှင့် ဆင်ပေါက် နှစ်စီး ဖြင့် မဏိပူရ သို့ ရာဇသံ လွှတ်လေသည်။ ၁၈၀၈ ခုနှစ် ၄ လ၊ ၂၉ ရက်တွင် မင်းကွန်းခေါင်းလောင်းတော်ကြီးကို စတင် သွန်းလုပ်လေသည်။

၁၈၀၉ ခုနှစ် ၃ လပိုင်း၊ ၂၉ ရက်တွင် ဘိုးတော်ဘုရား၏ သားတော်ကြီး အိမ်ရှေ့မင်းသား ရွှေတောင်ကိုယ်တော်ကြီး နတ်ရွာစံလေ၏။ ဘိုးတော်ဘုရားသည် မင်းကွန်းမှ အမရပူရသို့ ပြန်တော်မူပြီး သားတော်ကို ဘုရင်ကဲ့သို့ သဂြိုဟ် လေသည်။ နတ်ရွာစံချိန်တွင် သက်တော် ၄၇ သာ ရှိသေး၏။

ထိုနှစ် ၄ လပိုင်း ၆ ရက်နေ့တွင် လွှတ်တော်အစည်းအဝေး ခေါ်ကာ မိမိ၏ မြေးတော် စစ်ကိုင်းမင်းသား(ဘကြီးတော်မင်း) ကို အိမ်ရှေ့အရာ အပ်နှင်းလေသည်။

Share:

No comments:

Post a Comment