ဘိုးတော်ဘုရား မှ မင်းကွန်းပုထိုးတော်ကြီးကို စတင်ဆောက်လုပ်ခြင်း

ဘိုးတော်ဘုရားသည် ဒုတိယအကြိမ် ယိုးဒယားကို ချီတက်စေရာတွင် ဇင်းမယ်နယ်ဘက်ကို အရင် ချီတက် တိုက်ခိုက်စေလေ၏။ ၀န်ကြီး မဟာဇေယျသူရ ဦးဆောင်ပြီး ချီတက်ခြင်းဖြစ်သည်။ ကျိူ င်းတုံမှတဆင့် ဘားသင်မြို့ ကို စတင်တိုက်ခိုက်လေသည်။ သို့သော်လည်း ယိုးဒယားဘက်မှ အပြင်းအထန် ခုခံသဖြင့် မြို့ ကို မသိမ်းပိုက်နိုင်ပေ။ ၀န်ကြီး မဟာဇေယျသူရ တပ်များသည် ဇင်းမယ်ရှိ မြို့ တော်တော်များများကို တပ်ကြောင်း ကြီးများ ခွဲကာ တိုက်ခိုက်သော ဗျူ ဟာကို သုံးကာ ၃ လနီးပါး တိုက်သော်လည်း တမြို့ မှ မသိမ်းပိုက်နိုင်ခဲ့ပေ။

ဘန်ကောက်မှလည်း တပ်ကူများပို့ပေးနေသဖြင့် ဇင်းမယ်ရှိမြို့ များ အခိုင်အမာ ရပ်တည်နိုင်လေ၏။ AD 1788၊ 2 လပိုင်း၊ 15 ရက်နေ့တွင် နေပြည်တော်မှ ပြန်လာရန် အမိန့်စာ ရောက်သဖြင့် ၀န်ကြီး မဟာဇေယျသူရ လည်း နယ်စပ်နားတွင် အစောင့်များ ထားခဲ့ပြီး ပြန်လှည့်ပြန်ရလေသည်။

ဘိုးတော်ဘုရားသည် ထိုနှစ် ၅ လပိုင်း ၂၅ ရက်တွင် အောင်ပင်လယ်ကန် ကို ပြန်လည် ပြုပြင်လေသည်။ ထိုနှစ် ၈ လပိုင်း အရောက်တွင် နောက်ထပ် ကလေးတောမှ ဆင်ဖြူ တော်တစီး ထပ်မံရပြန်လေ၏။ ထိုဆင်ဖြူ ကို ဘိုးတော်ဘုရား ကိုယ်တိုင် ရေကြောင်းဖြင့် ထွက်ကြို လေသည်။ ရတနာမုဒ် ဟူသော ဘွဲ့ကို ချီးမြင့်လေ၏။ ဘိုးတော်ဘုရားတွင် စုစုပေါင်း ဆင်ဖြူ တော် ၃ စီး ရှိနေပြီဖြစ်၏။

AD 1789၊ 5 လပိုင်း 2 ရက်နေ့တွင် တရုတ်ပြည် ချန်လုံမှ ဘိုးတော်ဘုရားပူဇော်ရန် မြတ်စွာဘုရားဆင်းတုတော်၊ စွယ်တော်ပွားများကို အမတ်များဖြင့် ပင့်ဆောင်လာစေရာ ဘိုးတော်ဘုရား ကိုယ်တော်တိုင် နန်းတော်မှ ထွက်ပြီး ပင့်ဆောင်လေသည်။ လာရောက်ပို့ဆောင်သော တရုတ်သံများကိုလည်း ငွေခွက်များ ချီးမြင့်လေ၏။
ဘိုးတော်ဘုရားသည် ဟံသာဝတီပဲခူးရွှေမော်ဓောဘုရားကို ထီးတော်အသစ် တင်ရန်အတွက် နေပြည်တော် မှ ရွှေဖောင်တော်ဖြင့် ထီးတော်အသစ်ကို ပင့်ခဲ့ပြီး ပွဲသဘင်စုံလင်စွာဖြင့် ရွှေမော်ဓောဘုရားကို ထီးတော် အသစ် ကပ်လှူ လေသည်။ ကလေးစော်ဘွားမှလည်း မိမိ၏ နယ်တွင်ဆင်ဖြူ ကို ဖမ်းမိသဖြင့် ဘိုးတော်ဘုရား ထံ ဆက်သလာလေ၏။

ကုန်းဘောင်ခေတ် ပန်းချီ 
ကလေးမှရသော ဆင်ဖြူ တော်ကို ရတနာကုမုဒ် ဟု ချီးမြင့်လေ၏။ နောက်နှစ် ၁၇၉၀ စက်တင်ဘာလ တွင် ချန်လုံမှ ဘိုးတော်ဘုရားအတွက် မိမိ၏ မြေးတော် မင်းသမီးများကို ပို့ဆောင်ပေးခဲ့ လေ၏။ ဘိုးတော်ဘုရားသည် ချန်လုံ ၏ မြေးတော်မင်းသမီး ကို အခမ်းအနားဖြင့် ကြီးကျယ်စွာ ကြိုဆိုခဲ့လေသည်။ ရွှေနန်းတော် တွင် လည်း ထို မင်းသမီး ၃ ပါး နေထိုင်ရန် သုံးထပ်ဆောင် ကို ချက်ခြင်း ဆောက်လုပ်စေလေ၏။

ထိုမင်းသမီး ၃ ပါးကို မိထွေးတော် ဒလမြို့ စား မှ  ဦးဆောင်ပြီး ကြပ်မဆောင်ယူရလေ၏။ ထိုမင်းသမီး သုံးပါး ကို ဘိုးတော်ဘုရားမှ အခြွှေအရံများဖြင့် မိဖုရား အရာ ထားလေသည်။ ထိုချိန်တွင် ဘိုးတော်ဘုရားသည် မိဖုရားပေါင်း ၄၀ ကျော် ရှိနေပြီ ဖြစ်ပြီး၊ မိဖုရား ရာထူး မရသေးသော ကိုယ်တော် မောင်းမတို့မှာ ၂၀၀ ကျော် ရှိနေပြီ ဖြစ်၏။

ဘိုးတော်ဘုရား သည်  မိမိ၏ ပိုင်နက်တွင် အလွန်ကြီးကျယ် ဆန်းကျယ်သော ပုထိုးတော်ကြီး တဆူကို ဆောက်လုပ်ရန် အကြံပေါ်လာလေသည်။ ပေါ်သည့်အတိုင်း စတင် ဆောက်လုပ်ရန် နေရာ ဒေသ ကို ရှာရန် အမတ်များကို တာဝန်ပေးလေ၏။ အယူတော်မင်္ဂလာဦးနိုး၏ အကြံပေးမူဖြင့် အညာမင်းရွာ(ယခုမင်းကွန်းဒေသ) တွင် ပုထိုးတော်ကြီး ကို တည်ရန် အတည်ပြုလေသည်။

၁၇၉၁ ဇန်န၀ါရီလ ၉ ရက်တွင် ပုထိုးတော်ကြီးတည်မည့်နေရာတွင် ရွှေအုတ် ငွေအုတ်ခင်းတော် မူလေသည်။ မင်းရွာကိုလည်း မင်းကွန်း ဟု နာမည်ပြောင်းလေသည်။ ဘိုးတော်ဘုရား သည် မင်းကွန်းပုထိုးတော်ကြီး ကို အလွန် အာရုံစိုက်ရာ သားတော် အိမ်ရှေ့စံရွှေတောင်မင်းသားကို တိုင်းပြည်ကို စီမံစေပြီး မိမိမှာမူ မင်းကွန်း တွင် ယာယီနန်းတော် ဆောက်ကာ မိမိကိုယ်တိုင် မင်းကွန်းပုထိုးတော်ကြီး တည်ဆောက်နေမူ ကို ကြီးကြပ်လေ၏။

ထိုသို့ ဘိုးတော်ုဘုရား နေပြည်တော်တွင် မစံဘဲ နေသည်ကို သတင်းကြားသော ယိုးဒယားတို့မှ ထားဝယ်မြို့  ကို စတင်တိုက်ခိုက်လာလေ၏။ ထိုသတင်းကို ၀န်ကြီး သတိုးသီရိဥဇနာ နှင့် အိမ်ရှေ့မင်းသားတို့မှ မင်းကွန်း ထိ သွားရောက်ကာ ဘိုးတော်ဘုရားကို လျှောက်တင်လေသည်။ ဘိုးတော်ဘုရားမှ ၀န်ကြီး နေမျိူးသင်္ခယာ နှင့် နန်းတွင်း အတွင်းဝန်မင်းကြီး မဟာသက်တော်ရှည် ( မဟာသက်တော်ရှည် အမတ်ကြီးကို ဘိုးဘိုးဟု ခေါ်ကြ ၏၊ ထိုစစ်ချီစဉ်တွင် အသက် ၇၉ ရှိနေပြီ ဖြစ်၏) တို့ကို စစ်သည် ၂ သောင်း ဖြင့် သွားရောက် အလျင်အမြန် ခုခံတိုက်ခိုက်စေလေသည်။

ထိုနောက် သားတော်အိမ်ရှေ့မင်းသားကို စစ်သည် ၃ သောင်းဖြင့် နောက်မှ စစ်ကူသဘောဖြင့် ထပ်မံ ချီတက် စေလေ၏။ ယိုးဒယားအိမ်ရှေ့မင်သားတို့သည် ထားဝယ်မြို့ ကို အပြင်းအထန်တိုက်ကြ၏။ သို့သော် ထားဝယ်စားမှ အသေအကျေ ခုခံသဖြင့် မြို့ ကို အောင်မြင်အောင် မတိုက်နိုင်ပေ။ ထို့ကြောင့် ယိုးဒယားတပ် များသည် ထားဝယ်မြို့ ကို ၀ိုင်းရံထားကြလေသည်။

ဝန်ကြီး နေမျိူးသင်္ခယာ တပ်များ ရောက်လာသည့်အခါ ယိုးဒယားတပ်များနှင့် အကြီးအကျယ် စစ်ပွဲ ဖြစ်လေသည်။ ယိုးဒယားတပ်များ အင်အားကြီးသဖြင့် နေမျိူးသင်္ခယာ၏ တပ်များ ထားဝယ်မြို့ တွင်းသို့ ဆုတ်ရလေ၏။ ထိုနောက် အိမ်ရှေ့စံမင်းသား၏ တပ်များ ထပ်မံရောက်လာသည့်အခါ ဗျူ ဟာ အသစ်ချ ပြီး တိုက်ကြလေ၏။

ယိုးဒယားဘက်မှလည်း အပြင်းအထန် ပြန်တိုက်လေ၏။ မြိတ်မြို့ ကိုလည်း ယိုးဒယားတို့မှ စစ်ကြောင်း နောက်တခု ဖြင့် ထပ်မံ တိုက်ခိုက်သဖြင့် အိမ်ရှေ့မင်သားမှ အကောက်ဝန် သီရိရာဇဓမ္မရတ် ကို အချူ ပ်ပြု ပြီး မြိတ်စား ကို ကူညီရန် သဘောင်္ာ ၆ စီး ရေကြောင်း ဖြင့် အပြင်းချီတက်စေလေ၏။ ၀န်ကြီး မဟာဇေယျသူရ တို့တပ် မှ ထားဝယ်တွင် တိုက်နေသော ယိုးဒယားတပ်ကို အောင်မြင်အောင် တိုက်နိုင်လေသည်။

ထားဝယ်ရှိ ယိုးဒယားတပ်များ နောက်ဆုတ်လျှင် အိမ်ရှေ့မင်းသား၏ တပ်များသည် ယိုးဒယားနယ်ထဲ အထိ လိုက်လံ တိုက်ခိုက်ကြလေသည်။ ထားဝယ်တွင် ယိုးဒယားကျရူံးကြောင်း သတင်းရသော် မြိတ်ရှိ ယိုးဒယားတပ်များလည်း ဆုတ်ခွာကြလေ၏။

အိမ်ရှေ့မင်းသားသည် ထားဝယ်နှင့် မြိတ်တွင် ၃ လခန့် နေရာ ရပ်ရွာအေးချမ်းစေရန် စီမံပြီး စစ်သည် ၁ သောင်းကျော် ကို အစောင့် အဖြစ် ထားခဲ့ကာ နေပြည်တော်သို့ ပြန်လည် ဆန်တက်လေသည်။


Share:

No comments:

Post a Comment