နောင်တော်ကြီးမင်း၏ နောက်ဆုံးည

နောင်တော်ကြီးမင်းမှ မင်းခေါင်နော်ရထာပုန်ကန်မူကို တိုက်ခိုက်နေစဉ် မသိလိုက်သော အဖြစ်အပျက်တခုမှာ သူ၏ညီတော် မြေဒူးမင်းသားမှ ယိုးဒယားမှ အပြန်တွင် သစ္စာဖောက်ခြင်းကိစ္စဖြစ်သည်။ မြေဒူးမင်းသားသည် အလွန်ရည်ရွယ်ချက်ကြီးသော မင်းသား တဦးဖြစ်ပြီး ခမည်းတော် ဦးအောင်ဇေယျနှင့် စစ်ပွဲတိုင်းတွင် ၀င်တိုက်ခိုက်ဖူးပြီး မိမိကိုယ့်ကို အလွန်အထင်ကြီးသော မင်းသားတဦးလည်းဖြစ်၏။ ယိုးဒယားမှ ဆုတ်ခွာလာချိန် မုတ္တမအရောက်တွင် မိမိနှင့်အတူတကွ ပါလာသော စစ်ဗိုလ်မှူးများကို သစ္စာပေး၏။ စစ်ဗိုလ်မှူးများလည်း သစ္စာခံသည်။ သို့သော် မင်းခေါင်နော်ရထာမှ သဘောမတူဘဲ နောင်တော်ကြီးကိုသာ သစ္စာခံရန် တိုက်တွန်း၏။


မြေဒူးမင်းသား ရန်ကုန်ရောက်သော် မှူးမတ်များနှင့် တိုင်ပင်ပြန်၏။ သို့သော်လည်း မှူးမတ်များမှ သဘောမတူသဖြင့် နေပြည်တော်သို့ ခမည်းတော်နတ်ရွာစံခြင်းသတင်းကို ပို့လိုက်ရခြင်းဖြစ်သည်။ ထိုအကြောင်းကို မသိသော နောင်တော်ကြီးသည် မိမိ၏ ညီတော်ကို အိမ်ရှေ့စံခန့်လေ၏။ ထိုအဖြစ်အပျက်ကို နောင်တော်ကြီးသည် မင်းခေါင်နော်ရထာ၏ ပုန်ကန်မူကို နှိမ်နင်းပြီးမှ သိရသဖြင့် အလွန်ဒေါသထွက်ပြီး ညီတော်ကို စစ်ဆေးမေးမြန်းနေစဉ်   မယ်တော်မှ ၀င်ရောက် အသနားခံသဖြင့် မြေဒူးမင်းသား အသက်ဘေးမှ လွတ်မြောက်ရလေ၏။

နောင်တော်ကြီးသည် သဘောထားအလွန်ကြီးသော မင်းဖြစ်သည်နှင့်အညီ မိမိညီတော်ကို မည်သို့မှ ဒဏ်မခတ်ပေ။ သို့သော် မြေဒူးမင်းသားသည် နေ့စဉ်နေ့တိုင်း ဘုရင်ဖြစ်ဖို့အရေးသာ စဉ်းစားနေသည်ကို မည်သူမှ မသိပေ။ အေဒီ ၁၇၆၁ တွင် ဦးရီးတော်တောင်ငူစား သတိုးသင်္ခသူမှ ပုန်ကန်ခြားနားလေ၏။ ထိုတိုက်ပွဲသို့ နောင်တော်ကြီးကိုယ်တော်တိုင် ဦးဆောင် ချီတက်၏။ နေပြည်တော်တွင် မိမိအား သစ္စာဖောက်ခဲ့သော ညီတော်ကို အိမ်ရှေ့စံမင်းသားကို အစောင့်အရှောင်အဖြစ် ယုံကြည်စွာထားခဲ့လေသည်။

နောင်တော်ကြီးသည်ထိုနှစ် ၉ လပိုင်းတွင် ရေကြောင်း၊ကြည်းကြောင်းဖြင့် ချီတက်ပြီး တောင်ငူမြို့ ကို တိုက်ခိုက်လေသည်။ ထိုတိုက်ပွဲတွင် ဗဒုံမင်းသား(ဘိုးတော်ဘုးရား) သည် နောင်တော်ကြီးနှင့် လိုက်ပါသွား၏။ ထိုနောက် တောင်ငူကို အပြင်းအထန် တိုက်ရာ အေဒီ ၁၇၆၂၊ ၂လ၊ ၃ ရက်နေ့တွင် တောင်ငူမြို့ ကို သိမ်းပိုက် နိုင်လေသည်။ နောင်တော်ကြီးသည် မိမိ ဦးရီးတော်ကို မည်သည့်အပြစ်ဒဏ်မှ မပေးသဖြင့် ဦးရီးတော်မှ သံဝေဂ ရပြီး ရဟန်းဝတ်သွားလေ၏။

မင်းကြီးသည် တောင်ငူကို အောင်နိုင်ပြီးနောက် နေပြည်တော်သို့ ပြန်ကြွလေသည်။ ထိုသို့ တောင်ငူကို တိုက်နေစဉ် နေပြည်တော်တွင် ကျန်ရှိနေသော မြေဒူးမင်းသားသည် အမတ်ကြီးများ၊မှူးမတ်များကို မိမိဘက် ပါနိုင်သမျှ ပါအောင် စည်းရုံးသိမ်းသွင်း၏။ နောင်တော်ကြီးမင်းသည် တောင်ငူရန်ကို နှိမ်နင်းပြီးသော် ကောင်းမူကုသိုလ်များကို ပြုလုပ်နေလေ၏။ စစ်ကိုင်းမြို့ တွင် နန်းတော်အသစ် ဆောက်လုပ်လေသည်။

ထိုအချိန်တွင် နောင်တော်ကြီး၏ မိဖုရားခေါင်မှ သားတော် မောင်နု ကို ဖွားမြင်တော်မူလေသည်။ နောင်တော်ကြီး သည် ထိုသားတော်ကို အလွန်ချစ်တော်မူလေသည်။ အလွန်လည်း ယုယတော်မူလေရာ နန်းတော်တွင် ကောလဟာလ ထွက်လေ၏။ နောင်တော်ကြီးမင်းသည် မိမိသားတော် အရွယ်ရောက်လျှင် အိမ်ရှေ့စံ ရာထူး ပေးအပ်လိမ့်မည် ဟုသော စကားပင်ဖြစ်လေ၏။ ထိုကောလဟာလ သတင်းကို မြေဒူးမင်းသားမှ အလွန် ကြောက်လန့်၏။ ဘုရင်အလွန်ဖြစ်ချင်သူဖြစ်လေရာ မိမိ၏ နောင်တော်မှ အမှန်တကယ် ထိုသို့ ပြုလုပ်မည်ကို အလွန်ကြောက်လန့်နေလေသည်။

ထိုကြောင့် မကြံစဉ်အပ်သော အရာများကို ပြုလုပ်ကြံစဉ်လေတော့၏။ အကြံကြီးကြံစည်နေသူအဖို့ အခွင့်ကောင်းကို အမြဲတမ်း စောင့်မျှော်နေလေ၏။ နောင်တော်ကြီးသည် လသာတဲ့ညတိုင်းမှာ လေညင်းခံတော်မူလေ့ရှိ၏။ မိဖုရားကြီးငယ်များကို အနားမှာ ခစားစေပြီး ကျီစယ်လေ့ရှိ၏။ ထိုအကြောင်းကို သိသော မြေဒူးမင်းသား သည် မိမိ၏ လူယုံတချို့ ကို သေနတ်များဖြင့် လေ့ကျင့်ထားစေပြီး နောင်တော်ကြီး စံမြန်းမည့် လသာဆောင်ထဲသို့ ၀င်နိုင်အောင် စီစဉ်ထားပြီးဖြစ်၏။

အေဒီ ၁၇၆၃၊ ၅ လပိုင်း၊ ၁၂ ရက်နေ့တွင် နောင်တော်ကြီးသည် လုပ်နေကြအတိုင်း လသာဆောင်တွင် စံစားပြီး မိဖုရားများကို ကျီစယ်နေလေ့၏။မိဖုရားခေါင်ကြီးလည်း သားတော်လေးကို ရင်ခွင်တွင် ကိုယ်တိုင် ချီမ ထား၏။ နောင်တော်ကြီးလည်း ၃ လသားသာ ရှိသေးသော သားတော်ကို ကိုယ်တော်တိုင် ချီတော်မူပြီး ကျီစယ်နေရာ သားတော်မှ ရယ်နေရင်း ထငိုသဖြင့် နောင်တော်ကြီးလည်း မတ်တပ်ရပ်လိုက်ပြီး အငိုတတ်အောင် ပြုလုပ်ပါသော်လည်း မတိတ်သဖြင့် မိဖုရားခေါင်ကို လှမ်းပေးလေ၏။ မိဖုရားခေါင်မှ အထိန်းတော်ကို လှမ်းပေးလေ၏။

ထိုသို့ မတ်တပ်ရပ်နေသော နောင်တော်ကြီးသည် လအလင်းရောင်နှင့် ပတ်ဝန်းကျင် မီးအလင်းရောင်များကြောင့် အလွန်ထင်ရှားနေလေရာ ထိုအခွင့်အရေးကို စောင့်နေသော မြေဒူးမင်းသားသည် အဝေးမှ လှမ်းပစ်လေသည်။ အတ္တကြီးသော မြေဒူးမင်းသားကြောင့် နှလုံးကောင်းစိတ်ခံရှိသော နောင်တော်ကြီးသည် ထိုနေရာတွင် လှဲကျသွားလေသည်။ မိဖုရားခေါင်ကြီးလည်း ယောင်ယောင်ယမ်းယမ်းနှင့် လှမ်းဖမ်းလေ၏။ ထိုသေနတ်သံကြောင့် ကိုယ်လုပ်တော်များလည်း စူးစူးဝါးဝါး အော်ဟစ်ကြကုန်လေ၏။ သက်တော်စောင့်တို့လည်း အလျင်အမြန် ၀င်လာကြသော်လည်း အသင့်စောင့်နေသော မြေဒူးမင်းသား၏ တပ်သားများ၏ သေနတ်များကြောင့် ကျရူံးသွားရလေ၏။

မြေဒူးမင်းသားသည် နောင်တော်ကြီးဆီကို အလျင်အမြန်ပြေးသွားပြီး နောင်တော်အသက်မရှိကြောင်း သေချာသည်နှင့် မိမိ၏ တပ်သားများကို နန်းတော်ကို သိမ်းပိုက်စေလေသည်။ နောင်တော်ကြီးမင်း လုပ်ကြံ ခံရ သော သတင်းကို အပြေးအလွှားသတင်းပို့သော ကိုယ်လုပ်တော်များကြောင့် ဘုရင့်သက်တော်စောင့် ဗိုလ်မှူး မင်းလှမဟာ သည် မိမိရုံးစုနိုင်သမျှ ရဲမက်များဖြင့် ခုခံရန် ကြိုး ပမ်းသော်လည်း နန်းတော်တခုလုံး မြေဒူးမင်းသား၏ ရဲမက်များ နေရာယူပြီး ဖြစ်သဖြင့် မခုခံနိုင်တော့ပေ။

နောက်ဆုံးတွင် ပဒေသရာဇ်ခေတ်၏ အာဏာသိမ်းပွဲကား ပြီးဆုံးသွားခဲ့လေ၏။ ထိုညတွင် ဘုရင့်ရဲမက်ဘက်မှ အမြှောက်ငယ်များဖြင့် အိမ်ရှေ့မင်း၏ တပ်များကို တ၀ုန်းဝုန်းဖြင့် ပစ်ခတ်သေး၏။ ထိုကြောင့် နေပြည်တော်တွင် အမြှောက်သံများ ကျယ်လောင်စွာ ကြားရလေသည်။ ထိုအမြောက်အသံများကို နောက်တနေ့တွင် မြေဒူးမင်းသားမှ နောင်တော်ဘုရား နတ်ရွာစံသောကြောင့် ထွက်ပေါ်လာသော တော်လဲသံ ဖြစ်ကြောင်း သတင်းလွင့်သေးလေ၏။ ထိုသတင်းကို မသိသော ပြည်သူအများမှ ယုံကြည်ကြလေ၏။ ထိုလုပ်ကြံမူသတင်း ကိုနောင်တော်ကြီးကို သစ္စာရှိသူများမှ တန်ပြန် သတင်းပြန်ဖြန့်လေရာ မြေဒူးမင်းသားသည် ထိုသတင်းနှင့် ပတ်သက်ပြီး မင်္သကာသူ မှန်သမျှ ကို သေဒဏ်ပေးသဖြင့် မည်သူမျှ မပြောဆိုရဲကြတော့ပေ။

နောင်တော်ကြီး နတ်ရွာစံချိန်တွင် သက်တော်မှာ ၂၉ နှစ်သာ ရှိသေးသည်။ တချို့ သော မှတ်တမ်းများသည် နောင်တော်ကြီးကို အသဲရောင်အသားဝါရောဂါဖြင့် နတ်ရွာစံကြောင်း ရေးသားကြလေသည်။ သို့သော်လည်း ထိုညတွင် အမြှောက်အသံကြီးများ ကျယ်လောင်စွာကြားရကြောင်းကိုမူ အားလုံးမှ မှတ်တမ်းတင်ထားကြလေ၏။ ထိုအမြှောက်အသံများအပြီး နောက်တနေ့တွင် မြေဒူးမင်းသားမှ ရွှေဘိုထီးနန်းကို သိမ်းပိုက်ပြီး နန်းစဉ်မှတ်တမ်းတွင်လည်း နတ်များမှ ဗုံသံများဖြင့် နောင်တော်ကြီးကို ပူဇော်ကြောင်း မှတ်တမ်းတင်ထားလေရာ လုံးဝ မဖြစ်နိုင်သော လုပ်ကြံမူ တခုသာဖြစ်ကြောင်း သုံးသပ်မိပါသည်။

(မှတ်ချက်။  ။ မြေဒူးမင်းသားသည် နောက်တချိန်တွင် တရုတ်၏ ကျူး ကျော်စစ်ကို အောင်မြင်စွာ တွန်းလှန်နိုင်သော ဆင်ဖြူ ရှင်မင်းဖြစ်သည်။ မြန်မာ့သမိုင်းတလျှောက် စစ်ရေးအရာတွင် အတော်ဆုံး မင်းအဖြစ် သမိုင်းဆရာများက ချီးကျူးကြလေ၏။ )


Share:

No comments:

Post a Comment