တရုတ်ဧကရာဇ် ချန်လုံ ၏ ပထမကျူးကျော်စစ်

ဆင်ဖြူ ရှင်မင်းမှ ယိုးဒယားကိုမဟာဗျူ ဟာအသစ်ဖြင့် ချီတက်စေသည့်အချိန် AD 1765 နှစ်တွင် ဂုံရှမ်းတို့ ဌာနေဖြစ်သော ကျို င်းတုံမြို့ သို့ မန်ချူးတရုတ်တပ်များ စတင်ကျူးကျော်လေ၏။ တရုတ်ပြည်ကို အုပ်စိုးနေသော မင်းမှာ ဧကရာဇ် ချန်လုံ (Qianlong 1735-1796) ဖြစ်သည်။ သူ့လက်ထက်တွင် တရုတ်ပြည်သည် အလွန်အမင်း တိုးတက်ဖွံ့ဖြိုးနေပြီး ဘုရင့်ရွှေတိုက်သည်လည်း အခွန်များကြောင့် ရွှေငွေရတနာများ အလွန်အမင်း များပြားနေသည်။ ချန်လုံ၏ အိပ်မက်သည် အာရှတခွင်လုံးကို မန်ချူးအင်ပါယာသို့ သွတ်သွင်းလိုသည်။ ထိုကြောင့် ငွေကြေးအရလည်း အင်အားကြီး၊ စစ်ပွဲတိုင်းလည်း အနိုင်ရနေသဖြင့် ချန်လုံသည် မြန်မာနယ်စပ်တွင် ပြဿနာ ဖြစ်သော် ထိုအကြောင်းပြချက်လေးတခုဖြင့်  မြန်မာကို ချီတက်ရန် ဆုံးဖြတ်လေ၏။


ဗန်းမော်စော်ဘွား၊သိန္ဒီစော်ဘွား များကို ဆင်ဖြူ ရှင်မှ ရာထူးချသဖြင့် မကျေနပ်ကြဘဲ ယူနန် နယ်စား ဆီသို့သွားရောက်ကာ လက်ဆောင်များပေးပြီး ပြန်လည်တိုက်ခိုက်ယူပေးရန် တောင်းဆိုကြ လေ၏။ ထိုအချိန်တွင် ကျို င်းတုံနယ်အတွင်း တရုတ်ကုန်သည် နှင့် မြန်မာကုန်သည်များ အချေအတင်ဖြစ်ကြပြီး တရုတ်ကုန်သည် တဦး သေဆုံးမူ ကိုလည်း အခွင့်ကောင်းယူပြီး ယူနန် နယ်စားသည် ချန်လုံ ထံ ရှေ့တော်မှောက် ၀င်ရောက်ခစားချိန်တွင် မြန်မာပြည်ကို ချီတက်ရန် လျှောက်တင်လေသည်။

ချန်လုံသည် နယ်ဝေးနယ်ဖျားကို အုပ်ချူ ပ်သော နယ်စားများကို မိမိ အလွန်ယုံကြည်သူ၊အရည်အချင်းရှိသူ ဟု မိမိ ထင်မှတ်သူများကိုသာ ရွေးပြီး စေလွှတ်လေ့ရှိ၏။ ယူနန်နယ်စားသည် ဘုရင်၏ ယုံကြည်ရသူတဦးဖြစ်သဖြင့် ဘုရင့်ကို အနီးကပ်ကာ မြန်မာကို စစ်ချီတက်ရန် ရအောင် လျှောက်တင်နိုင်ခြင်းဖြစ်သည်။ ဘုရင့် အစည်းအဝေးတွင် လျှောက်တင်လျှင် တခြားသော အမတ်များ ကန့်ကွက်နေသဖြင့် ဘုရင်စိတ်ပြောင်းသွား နိုင်သေး၏။ တိုင်းပြည်တခုကို စစ်ချီတက်ရခြင်းသည် ပြောသလောက်မလွယ်ပါ။

ယူနန် နယ်စား၏ အလျှောက်အတင်ကောင်း မူကြောင့် ဧကရာဇ်ချန်လုံမှ မြန်မာကို စစ်ချီတက်ရန် စစ်အင်အား ရဲမက် ၂ သောင်း၊ မြင်း ၂ထောင် ကျော်ဖြင့် ကျိုင်းတုံမြို့ ကို တိုက်ခိုက်ရန် ချီတက်စေလေ၏။ထို စစ်ချီလာသော သတင်းကို ကျိုင်းတုံစော်ဘွားကြားသိလျှင် မိမိမြို့ အတွင်းရှိနေသော ဆင်ဖြူ ရှင်၏ ကိုယ်စားလှယ် ဗိုလ်မှူး စစ်ကဲရွှေတောင် နှင့် တိုင်ပင်ရတော့လေသည်။ စစ်ကဲရွှေတောင်လည်း စာပို့လုလင်ကို နေပြည်တော်သို့ မြင်းဖြင့် အပြင်းစေလွှတ်ပြီး လျှောက်တင်ရလေ၏။ ( တချို့ မှတ်တမ်းများသည် စစ်သည် ထောင်ဂဏန်းဖြင့် ချီတက်သည်ဟု ပြကြ၏၊ မြန်မာ့မှတ်တမ်းတွင် သောင်းဂဏန်းပြသည်။ချန်လုံဆီမှ လာသော အမိန့်သည် ထောင်ဂဏန်း မည်သို့မျှ မဖြစ်နိုင်ပေ၊ ထိုကြောင့်  အနည်းဆုံး သောင်းဂဏန်းမှ သာလျှင် ဘုရင့်ဆီမှာ အခွင့်တောင်းရသည်။ ထောင်ဂဏန်းဆိုလျှင် ယူနန်ဘုရင်ခံ အချိန်ရှိတိုင်း ထတိုက်လို့ရ၏။)

ပုံမှန်အားဖြင့် ၂ လမှ နေပြည်တော်သို့ စာရောက်လေ့ရှိ၏။ သို့သော် စာပို့လုလင်သည် အပြင်းအထန် ဒုန်းစိုင်းစီးလာသဖြင့် ၂ ပတ်အတွင်း နေပြည်တော်သို့ ရောက်လေ၏။ ဆင်ဖြူ ရှင်လည်း ထိုစာကို နံနက်လွှတ်တော်တွင် ဖတ်ရူ စေလေသည်။ စစ်ကဲရွှေတောင်၏ လျှောက်တင်စာကြောင့်မှူးမတ်များမှ ဆင်ဖြူ ရှင်ကို ယိုးဒယားကို တိုက်နေသော တပ်တချို့ ကို ကျို င်းတုံဘက်သို့ ပို့ပြီး ခုခံရန် အကြံများ လျှောက်တင်ကြလေ၏။ သို့သော် ဆင်ဖြူ ရှင်သည် လက်မခံဘဲ ဗိုလ်မှူးနေမျိူးစည်သူ ကို အချူ ပ်ပြု ပြီး စစ်သည်ရဲမက် ၁ သောင်းဖြင့် ကျိူ င်းတုံကို အလျင် ချီတက်စေပြီး ခုခံစေလေ၏။

မြန်မာကို ချီတက်စဉ် အသုံးပြုသော မန်ချူးစစ်တပ်

နေမျိူးစည်သူသည် အလျင်ချီတက်ရာ ထိုနှစ် ၁၂ လပိုင်း၂၇ ရက်နေ့တွင် ကျို င်းတုံသို့ရောက်သည်။ ရောက်သော် ကျို င်းတုံကို ၀ိုင်းရံနေသော မန်ချူးတပ် နှင့် အကြီးအကျယ်စစ်ဖြစ်ပွားလေသည်။ မန်ချူးတပ်သည် မိမိ၏ စစ်တပ်အရေအတွက်ကို အထင်အလွန်ကြီးပြီး မြန်မာတပ်ကို အထင်သေးသဖြင့် အရူံးကြီးရူံးပြီး ဆုတ်ခွာ ရလေသည်။ နေမျိူးစည်သူသည် ယူနန်နယ်ထဲအထိ ၀င်ရောက်ပြီး မန်ချူးတပ်များကို တိုက်လေ၏။  မန်ချူးတပ်များ ကစဥ့်ကလျား ထွက်ပြေးသွားမှ နေမျိူးစည်သူ တပ်ကို ပြန်သိမ်းပြီး ကျိူ င်းတုံသို့ ပြန်လာခဲ့လေသည်။

ယူနန်နယ်စား သည် မိမိဦးဆောင်သော စစ်ပွဲ ရူံးနိမ့်သွားသဖြင့် အလွန်အရှက်ရပြီး၊ ဆွေစဉ်မျိူးဆက် အသတ်ခံရမည်ကို စိုးသဖြင့် ဘုရင့်အမိန့်မချခင် မိမိကိုယ်ကို အဆုံးစီရင်ကာ ဘုရင့်အပေါ်သစ္စာရှိကြောင်း မိမိ၏ သွေးဖြင့် ရေးသားစေလျက် ဘုရင့်ဆီကို စာရေးသားပို့လေသည်။ ထိုသို့ မန်ချူးစစ်တပ် စစ်ရူံးကြောင်း သတင်းကို ချန်လုံကြားလျှင် ဒေါသလည်း ထွက်၊ သိက္ခာလည်း ကျသဖြင့် မြန်မာကို အနိုင်တိုက်ရန်  ကြိုးပမ်းလေတော့သည်။ ထိုကြောင့် ချန်လုံသည် စစ်ပွဲတွင် အတွေ့အကြုံ များပြီး၊ အရည်အချင်း ရှိသည်ဟု ယူဆသူ Yang Yingju အမည်ရသော စစ်ဗိုလ်မှူးဟောင်း တဦးကို ယူနန် နယ်စား(ဘုရင်ခံ) အဖြစ် ခန့်အပ်လေ၏။

Yang သည် သည်အတိုင်း လာသူမဟုတ်ပေ၊ ဒုတိယကျူးကျော်စစ် အစီအစဉ်ကိုပါ သယ်ဆောင်လာသူ ဖြစ်လေ၏။ ယူနန်ဘုရင်ခံ အသစ်သည် ကျိုင်းတုံဘက်မှ မတိုက်ခိုက်လိုပဲ ဗန်းမော်ဘက်မှ ၀င်ရောက်တိုက်ခိုက် လို၏။ ထိုမှတဆင့် ဧရာဝတီမြစ်အတိုင်း စုန်ဆင်းကာ အင်းဝကို သိမ်းပိုက်မည် ဖြစ်သည်။ သူ၏ ဗျူ ဟာကို ဘုရင်ထံ တင်ပြလျှောက်တင်ပြီးမှ ဘုရင်သဘောကျသဖြင့် ယူနန်နယ်စား အဖြစ် ခန့်အပ်ခံရသူဖြစ်၏။

AD 1766 ဧပြီလပိုင်းလောက်တွင် ယူနန်ကို ဘုရင်ခံ အသစ် Yang Yingju ရောက်ရှိလာပြီး ဒုတိယအကြိမ် ကျူးကျော်စစ် ဆင်နွဲရန် ပြင်ဆင်လေတော့သည်။





Share:

No comments:

Post a Comment