အလောင်းမင်းတရား၏ စကားကိုပယ်သော မောင်ရွ (ခေါ်) ဆင်ဖြူ ရှင်

မြေဒူးမင်းသားသည် အေဒီ ၁၇၆၃၊ ၁၁ လ ပိုင်း၊ ၂၃ ရက်နေ့တွင် ရွှေဘိုထီးနန်းကို တရားဝင် သိမ်းပိုက်ကာ ဘိသိတ်ခံတော်မူလေ၏။ ၆ လကြာမှ တရားဝင် နန်းတက်ခြင်းဖြစ်လေ၏။ ထို ၆ လအတွင်း ရွှေမြို့ တော်တွင် မိမိ၏ တန်းခိုးသြဇာကြီးမားလာအောင် တည်ဆောက်နေရ၏။ နောင်တော်မင်းကြီး ရုတ်တရက် နတ်ရွာစံ မူကြောင့် အနယ်နယ်အရပ်ရပ်ရှိ မြို့ စားရွာစားများ မပုန်ကန်အောင် မြေဒူးမင်းသားမှ ဆောင်ရွက်၏။ နန်းတော်အတွင်းအပြင် အကုန်လုံး မိမိယုံကြည်ရသူများကိုသာ ခန့်အပ်၏။


မိမိကို သစ္စာမခံဟု ထင်သူမှန်သမျှ ကို ပြည်နယ်နှင်ဒဏ်ပေးခြင်း၊ ရာထူးချခြင်း၊ သေဒဏ်ပေးခြင်း အစရှိသဖြင့် ဆောင်ရွက်လေသည်။ ထိုအပြင် တိုင်းပြည်တွင် စစ်တပ်၏ အရေးပါအရာရောက်မူကို သိရှိထားသူ ဖြစ်သည်နှင့် အညီ လက်အောက်ခံ ဗိုလ်မှူးများကို မြှောက်စားကာ မိမိ လူဖြစ်အောင် သိမ်းသွင်းလေ၏။ စစ်တပ်ကို လည်း အင်အားကြီးအောင် ပြုမူဆောင်ရွက်လေသည်။

ထိုသို့ ၆ လကြာအောင် ပြုလုပ်ပြီးမှ မြေဒူးမင်းသားသည် ဘုရင်အဖြစ် ဘိသိတ်ခံတော်မူလေ၏။ ဘွဲ့တော်မှာ သီရိပ၀ရသုဓမ္မမဟာရာဇာဇီန္ဒာဓိပတိ ဖြစ်၏။ ရွှေဘိုတွင် စံနေရာ မိမိ၏ လုပ်ရပ်များ အိပ်မက်ဆိုး ပေးဟန်တူ၏။ ၂ နှစ်မျှ စံမြန်းပြီး မင်းနေပြည်တော်ကို အင်းဝသို့ပြောင်းရွှေ့စံစားလေသည်။ မြေဒူးမင်းသည် ဘုရင် ဖြစ်သော် ခမည်းတော်မှာကြားထားသည်ကို မလိုက်နာဘဲ ညီတော် အမြင့်မင်းသားကို ထီးနန်းပေးမည့် အစား မိမိ၏ သားတော် စဥ့်ကူးမင်းသားကို အိမ်ရှေ့စံဘွဲ့ ပေးအပ်လေ၏။

အမြင့်မင်းသားမှ စိတ်ကွပ်သော်လည်း ကြမ်းကြုတ်သည့် နောင်တော်ဖြစ်သဖြင့် ဘာမှ မလုပ်နိုင်ခဲ့ပေ။ အမြင့်မင်းသား နှင့် ဗဒုံမင်းသားတို့သည် နေ့စဉ်နေ့တိုင်း သွားရေးလာရေး အလွန်သတိထားရ၏။ တချက်မှားလျှင် မြေဒူးမင်းမှ သေဒဏ်ပေးရန် ၀ံ့မလေးသောကြောင့် ဖြစ်သည်။ ၁၇၆၄ နှစ် ၃ လ ၃ ရက်တွင် မင်းလှနော်ရထာ ကြီးမှူးပြီး အင်းဝမြို့ ကို ပြန်လည်ဆောက်တည်ရသည်။ ၅ လပိုင်းတွင် ပြီးစီးသဖြင့် မဟာသင်္ကြန် ခေါ်ပြီး နောက်ထပ် ရာဇာဘိသေက ခံတော်မူလေ၏။

မြေဒူးမင်း ခေါ် ဆင်ဖြူ ရှင် သည် ယိုးဒယားကို အပြတ်သိမ်းပိုက်နိုင်ရန်အတွက် ဗိုလ်မှူးမဟာနော်ရထာ ကို စစ်သည် နှစ်သောင်း ဦးစွာပထမ ချီတက်စေလေသည်။ မိမိမှာမူ နောက်မှ တပ်မကြီးကို ဦးဆောင် ချီတက်ရန် စီစဉ်နေရာ ကသည်းမှ ပုန်ကန်ခြားနားကြောင်း စာရောက်သဖြင့် မိမိအစီအစဉ်ကို ဖျက်ပြီး ကသည်းသို့ ချီတက် လေ၏။ မဟာနော်ရထာကို ထားဝယ်တွင် စခန်းချစေလေသည်။

ဆင်ဖြူ ရှင်သည် စစ်သည် နှစ်သောင်း ကျော်ဖြင့် ကသည်းမြို့ ကို တိုက်ခိုက်လေသည်။ ကသည်းစော်ဘွားမှ အပြင်းအထန် ခုခံသော်လည်း ဆင်ဖြူ ရှင်၏ တပ်ကို မတိုက်နိုင်ဘဲ ထွက်ပြေးကြရလေ၏။ ကသည်းကို အောင် မြင်ပြီးလျှင် နေပြည်တော်သို့ ခေတ္တ ပြန် နားတော်မူလေသည်။ အင်းဝနေပြည်တော်သည်  တနေ့တခြား လူသူများစွာ ထူထပ်လာသဖြင့် ၁၇၆၇ ၊ ၁ လပိုင်း၊ ၉ ရက်နေ့တွင် မြို့ ဟောင်းကို ဆက်ပြီး မြို့ သစ်တည်ကာ နေရာ ချဲ့ တော်မူလေ၏။

ဆင်ဖြူ ရှင်မင်းသည် အင်းဝနေပြည်တော်တွင် ခေတ္တ အနားယူပြီးသော် ယိုးဒယားကို ချီတက်ရန် ပြင်ဆင်လေတော့သည်။ ထားဝယ်ရှိ မဟာနော်ရထာမှ စစ်သည် ၁ သောင်းကျော် စုဆောင်းမိကြောင်း ပေစာရောက် လာသဖြင့် အားရတော်မူလေ၏။ ဆင်ဖြူ ရှင်သည် ယိုးဒယားကို ချီတက်တော်မူရာတွင် စစ်ဗျူ ဟာ ပြောင်းပြီး ချီတက်၏။ ရှေးယခင်ဘုရင်များမှာ တပွဲထိုး မြို့ တော်ကိုသာ သိမ်းပိုက်ပြီး ပြန်သွားလေ့ရှိသည်။

ဆင်ဖြူ ရှင်မှာမူ ထိုသို့ မလုပ်၊ မိမိ၏ ဗိုလ်မှူးများကို အရင်ဆုံး ယိုးဒယားမြောက်ပိုင်းနယ်များအားလုံး သိမ်းပိုက်စေလေသည်။ ရောက်ရာအရပ်တွင် စနစ်တကျ အားဖြည့်ကာ လယ်ယာသီးနှံများပင် စိုက်ပျိူးကြစေလေ၏။ ဆင်ဖြူ ရှင် ၏ ဗျူ ဟာအတိုင်း ဇင်းမယ်ကြောင်းကို နေမျိူးသီဟပတေ့မှ ချီတက်လေ၏။ နေမျိူးသီဟပတေ့သည် မြောက်ပိုင်း ယိုးဒယားကို သိမ်းပိုက်ရန် တာဝန်ပေးထားခြင်းခံရသူဖြစ်သည်။

ဆင်ဖြူ ရှင်သည် ယိုးဒယားသို့ ကိုယ်တော်တိုင် ချီတက်ရန် ပြင်ဆင်ထားသော်လည်း မိမိ၏ ဗျူ ဟာဖြစ်သည့် မြောက်ပိုင်းတလွှားကို နေမျိူးသီဟပတေ့ သိမ်းပိုက်ပြီးမှ ချီတက်မည်ဟု သဘောထား ပြင်ကာ နေပြည်တော်တွင်ပင် ပြန်လည် စံမြန်းနေတော့၏။ ထားဝယ်ဘက်တွင် စခန်းချနေသော မဟာနော်ရထာကိုလည်း ထားဝယ်ဘက်မှ ယိုးဒယားနယ်များကို သိမ်းရန် အမိန့်တော်ချ လေ၏။



Share:

No comments:

Post a Comment