အလောင်းမင်းတရားမှ ဒဂုံကို ရန်ကုန်ဟု အမည်ပြောင်းတော်မူခြင်း

အလောင်းမင်းတရားဦးအောင်ဇေယျ၏ ရွှေဘိုတပ်ကြီးသည် အေဒီ ၁၇၅၅၊၄လ၊၁၄ ရက်တွင် ဟံသာဝတီ တပ်ဖြစ်သော ပန်းလိူင်ဝခံတပ်ကို စတင် တိုက်ခိုက်လေသည်။ ဟံသာဝတီတပ်များ မခုခံနိုင်တော့သဖြင့် ခံတပ်မှ ဆုတ်ခွာပြီး ဒဂုံ၊ဒလ တိုင်အောင် ဆုတ်ခွာလေ၏။ ထိုမှ မခံနိုင်တော့မှန်း ရိပ်မိသဖြင့် မင်းညီမင်း သားနှင့် ဗိုလ်မှူးများ ဟံသာဝတီမြို့ တော်သို့ အပြင်းဆုတ်ခွာလေရာ ဒဂုံမြို့ စားနှင့်တကွ မြို့ သူမြို့ သားအများ လည်း ကြောက်ရွံသဖြင့် တမြို့ လုံး ထွက်ပြေးကြလေ၏။

အလောင်းမင်းတရားသည် ဒဂုံရောက်သော် လူသူကင်းမဲ့နေပြီး မပြေးနိုင်သော ဆင်းရဲသားအများစုသာ တွေ့ရှိပြီး မိမိ၏ ရန်သူများကို မတိုက်ရဘဲ အောင်နိုင်သည့် အထိမ်းအမှတ်ဖြင့် ဒဂုံ ရှိ နေအိမ်များကို ဖြို ဖျက်စေပြီး ရန်ကုန်ဟု အမည်သမုတ်လေသည်။ ထိုနောက် ရန်ကုန်ကို ၇ ရက်တိုင်တိုင် မရပ်မနား မြို့ အင်္ဂါ နှင့် ညီညွှတ်အောင် ဆောက်လုပ်စေလေ၏။

ရန်ကုန်မြို့ သစ်တည်ပြီးသော် နောက်မှ ချီတက်လာသော တပ်တော်များ ရောက်ရှိလာလေသည်။ သန်လျင် တွင် ရှိနေသော ပေါ်တူဂီတပ်များလည်း အလောင်းမင်းတရားလက်အောက်သို့ ၀င်ရောက်အမူထမ်းလေ၏။ ဟံသာဝတီနေပြည်တော်မှ တပ်ကြီး တတပ် စေလွှတ်ပြီး တာမွေအရပ်တွင် အခိုင်အမာ နေလေ၏။ မင်းတရားကိုယ်တော်တိုင် ထို တာမွေအရပ်က ရန်သူတပ်ကို တိုက်ရာ အောင်နိုင်ပြန်လေသည်။

မင်းလှစည်သူ(စည်သာမင်းကြီး) ဦးဆောင်သော တပ်များသည် အမိန့်တော်အရ သန်လျင်ကို ချီတက် တိုက်ခိုက်လေသည်။ သို့သော် ဗိုလ်မှူးမင်းကျော်ရဲလှမှ အချိန်အခါကို မကြည့်ဘဲ ခံတပ်ကို သိမ်းရန် အချက်ပြ ရာ သန်လျင်မြို့ မှ အမြှောက်ကြီးများဖြင့် အဆက်မပြတ်ပစ်ခတ်သဖြင့် တပ်သားများစွာ ကျရူံး ပြီး ထိုတိုက်ပွဲတွင် မင်းလှစည်သူ ကျဆုံး ရလေသည်။ ဗိုလ်မှူး မင်းလှမင်းခေါင် နှင့် တပ်သား ရာကျော် ခန့်သာ ရန်ကုန်သို့ ပြန်လည် ဆုတ်လာနိုင်၏။

မင်းကြီးလည်း စည်သာမင်းကြီး ကျဆုံး ကြောင်းသိရလျှင် ၀မ်းနည်းပြီး အမျက်လည်း ထွက်သဖြင့် စည်သာ မင်းကြီး၏ အလောင်းကို ယူရန် ချက်ခြင်း စစ်တပ်ကြီးဖြင့် ချီတက်လေ၏။ မှူးမတ်များမှ အချိန်အခါ ကောင်း မဟုတ်ကြောင်း လျှောက်သော်လည်း မရ၊ ထိုကြောင့် သားတော်များမှ အလျင်အမြန် စီစဉ်ရလေ၏။ ချီတက်ရာ တွင် ဟံသာဝတီတပ်မှ တပ်ကူများ သန်လျင်သို့ ရောက်နေပြီး ဖြစ်ရာ အလောင်းမင်းတရား ချီတက် လာကြောင်းသိလျှင် လမ်းတလျှောက်တွင် ပုန်းနေပြီး ချုံ ခိုတိုက်ရာ အလောင်းမင်းတရား၏ တပ်မ တချို့  ဖရိုဖရဲ ဖြစ်ပြီး တပ် ဆုတ်ရလေသည်။

အလောင်းမင်းတရားသည် အမျက်အလွန်ထွက်ပြီး ဗိုလ်မှူး၊တပ်မှူးတချို့  မင်းအမျက်တော်သင့်ကာ
ထောင်သွင်းကျလေ၏။ ထိုအချိန်တွင် ရဲမွန်အရပ်တိုက်ပွဲတွင် စစ်ရူံးပြီး ပြန်လာသော ဗိုလ်မှူးရဲခေါင်စံကျော် ကို တပ်ဦးထုတ်ပြီး လက်သုံးတော်ဓါးဖြင့် ကွပ်မျက်လေသည်။ ထိုသို့ မင်းကြီးသည် အမျက်အလွန် ထွက် နေသည်အတွက် အမျက်တော်ပြေအောင် မိဖုရားခေါင်မှ တပါး မည်သူမှ မစွမ်းနိုင်သဖြင့် မိဖုရားခေါင်ကို အလျင်အမြန် ပင့်ရလေ၏။

မြန်အောင်တွင် စံနေသော မိဖုရားခေါင်ကြီးသည် ရန်ကုန်သို့ရောက်လာကာ  မင်းကြီးကို အမျက်တော် ပြေအောင် လျှောက်တင်လေမှ အမျက်တော်ပြေကာ အကျဉ်းချထားသော မှူးမတ်များကို လည်း လွှတ်လေသည်။

ထိုနှစ် ၆ လပိုင်းတွင် ဒလဘက်တွင် စခန်းချနေသော အင်အား တစ်သောင်းရှိ ဟံသာဝတီတပ်ကို မင်းကျော်စည်သူမှ တိုက်ရာ အောင်မြင်လေ၏။ ၂၇ ရက်နေ့တွင် မင်းကြီးသည် ရန်ကုန်မြို့ ကို မင်းလှမင်းခေါင်အား မြို့စောင့်အဖြစ်ခန့်ပြီး နေပြည်တော်သို့ ရေကြောင်းဖြင့် ဆန်တက်လေသည်။


Share:

No comments:

Post a Comment