အလောင်းမင်းတရားမှ ရွှေဘိုအရပ်တွင်နေပြည်တော်တည်ခြင်း

ဟံသာဝတီနှင့် မုဆိုးဘိုတို့၏ တိုက်ပွဲသည် တနေ့တခြား ပြင်းထန်လာလေ၏။ ဦးအောင်ဇေယျသားတော်
နှစ်ပါးဖြစ်သည့် သခင်ကြီး နှင့် သခတ်လတ် တို့သည် မူးအနောက်ရွာဘက်ရှိ ဟံသာဝတီမွန်တပ်ကို တိုက်ခိုက်ရာ အနိုင်ရပြန်လေ၏။ ခင်လတ်တပ်ကြီး အမည်ရှိ မွန်တပ်ကိုလည်း အောင်နိုင်ပြန်လေသည်။ ထိုသို့ အဘက်ဘက်မှ အနိုင်ရနေသော ဦးအောင်ဇေယျ၏ တပ်များကို ဟံသာဝတီမှ အောင်မြင်စွာ ပြန် လည်တွန်းလှန်နိုင်ခြင်းမရှိပေ။

အေဒီ ၁၇၅၂၊ ၁၀ လ၊ ၁၁ ရက်တွင် အလောင်းမင်းတရားသည် ခင်ဦးမြို့ကို တိုက်ခိုက်လေသည်။ လက်နက် ကြီးများဖြင့် ပစ်ခတ်တိုက်ခိုက်လေ၏။ သို့သော် ထိုတိုက်ပွဲတွင် အလောင်းမင်းတရား၏ နောင်တော်ကျရူံး ရာ တပ်ကို ပြန်လည် ဆုတ်ခွာရလေသည်။ ထိုနောက် ၁၅ ရက်နေ့တွင် သားတော်၊ ညီတော်တို့မှ ပြန် လည် ဦးဆောင်ပြီး တိုက်ရာ ခင်ဦးမြို့ကို အနိုင်ရလေသည်။ ခင်ဦးစားလည်း မိမိ၏ မိသားစုနှင့် ပြေးလေ၏။

ခင်ဦးစားကို အကူအညီပေးရန် လာသော မွန်တပ်ကိုလည်း ဆက်လက်ပြီး တိုက်ရာ ပျက်လေသည်။ ထိုနောက် ခင်ဦးစားသည် မူးအနောက်ရွာဘက်ရှိ ကျွန်းတောကြီးတွင် တပ်တည်ပြီးနေလေ၏။ မင်းကြီးသည် နေ့စဉ်ရက်ဆက် မနားတမ်း မွန်တပ်များကို လိုက်လံတိုက်ခိုက်လေသည်။ တိုက်ပွဲတိုင်း နိုင်
မြဲနိုင်လေ၏။ အေဒီ ၁၇၅၂၊ ၁၂ လပိုင်း၊ ၃ ရက်နေ့တွင် မုဆိုးဘိုတစ်ဝှက် တနေ့တည်း ခုနှစ်ကြိမ်တိတိ ငလူင်လူပ်လေ၏။ အခါတော်ပေးတို့မှ နမိတ်ကောင်းကြောင်း မင်းတရားကို သတင်းပေးကြလေသည်။

မင်းတရားသည် အားတက်ကာ အထက်မြန်မာပြည်အနှံတက်ပြီး သစ္စာပေးခြင်း၊ သစ္စာမခံသော မြို့စား များကို တိုက်ခြင်းများလုပ်ကာ သိမ်းသွင်းလေသည်။ မင်းတရားအထက်ပြည်သို့ ထက်နေစဉ် သေနတ်ဝန် မင်းကြီးမှ ပဒုံကျေးညောင်ကန်တွင် တပ်စခန်းချကာ မွန်တပ်များ မင်းတရား၏ တပ်များကို ကြားဖြတ်မ တိုက်ရန် စောင့်နေလေသည်။ ထိုသို့ တပ်စခန်းချနေစဉ် ကွေ့ဂုဏ္ဏအိန်ညီ ငနက်မှလာပြီး သေနတ်ဝန် မင်းကြီးထံ သစ္စာလာခံလေ၏။

ရာဇာဓိရာဇ် ဘွဲ့ခံ မွန်စစ်သူကြီးတဦးမှ မင်းကင်းတွင် တပ်စခန်းချပြီး သေနတ်ဝန်မင်းကြီး၏ အသွားအလာ ကို စောင့်ကြည့်နေလေသည်။ သေနတ်ဝန်သည် ရုတ်တရုက် ကျွန်းတောကြီးတွင် တပ်စခန်းချနေသော ခင်ဦးစားကို ၀င်တိုက်ရာ ခင်ဦးစားမခံနိုင်ဘဲ ရာဇာဓိရာဇ်ထံ ပြေးလေ၏။ သေနတ်ဝန်လည်း မင်းကင်းသို့ အပြင်းချီလာရာ ရာဇာဓိရာဇ်နှင့် ခင်ဦးစားတို့သည် သစ်ခေါက်ခံတပ်သို့ ဆုတ်ခွာလေ၏။ သစ်ခေါက်ခံတပ် သည် ခိုင်ခံ့လွန်းသဖြင့် သေနတ်ဝန်မှ မထိုးဖောက်နိုင်ဘဲ တပ်ကို ဆုတ်ခွာရလေ၏။

မင်းကြီးသည် စစ်ခင်းနေရင်း အေဒီ ၁၇၅၃၊၆ လ၊ ၂၁ ရက်တွင် ရွှေဘိုတွင် နေပြည်တော်ကို စတင် တည် ဆောက်လေသည်။ ထိုကာလတွင် ထိုးစစ်မဆင်ဘဲ တဘက်မှ တိုက်လာပါက ခုခံရန်သာ အမိန့် ထုတ်ထားလေ၏။ နွားသတ်ခြင်း၊နတ်ကိုးကွယ်ခြင်း၊ ထန်းရေသောက်ခြင်းကို နေပြည်တော်အတွင်း တားမြစ်လေ၏။ 


Share:

No comments:

Post a Comment