Skip to main content

ဦးအောင်ဇေယျမှ ကုန်းဘောင်မင်းဆက်တည်ဆောက်ခြင်း အစ

ဦးအောင်ဇေယျသည် တိုင်းပြည်အခြေအနေကို နေ့စဉ်လေ့လာနေလေ၏။ ဦးချစ်ညို နဲ့ တိုက်ခိုက်ပြီး ကတည်းက မိမိ၏ ခံတပ်အပြင်သို့ သိပ်ထွက်လေ့မရှိတော့ပေ။ ထန်းတပ်ခံတပ်ကိုသာ အခိုင်အမာဖြစ်အောင်ပြုလုပ်ထားလေသည်။ ဟံသာဝတီမွန်များသည် အင်အား တနေ့ထက်တနေ့ကြီးလာလေသည်။ ကမ်းရိုးတန်း များမှ အခွန်အတုန် များစွာရသဖြင့်လည်း
 ငွေကြေးအင်အားအလွန်တောင့်တင်းနေလေသည်။ ထိုကြောင့် ပေါ်တူဂီများထံမှ လက်နက်ကြီးများကို ၀ယ်ယူနိုင်ကြလေ၏။ ဦးအောင်ဇေယျဘက်မှလည်း ယခင် အင်းဝနန်းတွင်း အမတ်ဟောင်းများ ကူညီမူဖြင့် နိုင်ငံခြားမှ လက်နက်ကြီးများကိုလည်း အတော်အသင့် ၀ယ်ယူထားနိုင်လေ၏။


ခရစ်နှစ် ၁၇၅၂ တွင် ဟံသာဝတီမှ သစ္စာလာပေးလေသည်။ ဦးအောင်ဇေယျမှ လက်မခံသဖြင့် မွန်သံ များ ပြန်ကြလေသည်။ ထိုအခါ ဦးအောင်ဇေယျသည် ဟန်လင်းမြို့တောင်ဘက်မှ ဆီးကြိုတိုက်ခိုက်သဖြင့် မွန်သံ တို့ သေဆုံးရလေ၏။ ဟံသာဝတီ၏ အိမ်ရှေ့စံမင်းသားသည် ထိုသတင်းကို ကြားလျှင် အလွန်ဒေါသထွက်ကာ ဦးအောင်ဇေယျကို လက်နက်ချအညံခံရန် ရာဇသံပေးလာလေ၏။ ဦးအောင်ဇေယျမှ ထိုသတင်းလာပေးသော သံအမတ်များကို ထပ်မံလိုက်တိုက်သဖြင့် ကျဆုံးကြပြန်လေသည်။

ဟံသာဝတီအိမ်ရှေ့ဥပရာဇသည် ထိုအကြောင်းစုံကို ဟံသာဝတီရှိ ခမည်းတော်ကို အကြောင်းစုံတင်ရန် စုန်လေ၏။ အင်းဝတွင် စစ်သူကြီးဒလပန်းကို စစ်အင်အား ၅ ထောင်ဖြင့် အစောင့်ထားလေသည်။ စစ်သူကြီး ဒလပန်းသည် ထိုနှစ် ၂၈ ရက် ၄ လပိုင်းတွင် မိမိတပ်ကို မုဆိုးဘိုသို့ ချီတက်စေလေ၏။ အင်းဝမှ ချီတက်လာသော ဟံသာဝတီတပ်များ မုဆိုးဘိုသို့ ၅ ရက် ၅ လ ၁၇၅၂ တွင် ရောက်လာလေသည်။

ထိုတိုက်ပွဲကို တိုက်ရန် ဦးအောင်ဇေယျသည် မိမိကိုယ်ကို ဘိသိတ်ခံလေ၏။ အလောင်းမင်းတရားကြီးဟု ဘွဲ့တော်ခံယူတော်မူပြီး ဘုရင်အဖြစ် ခံယူတော်မူလေ၏။ ထိုနောက် မုဆိုးဘိုကို ၀ိုင်းရံလာသော စစ်သူကြီး ဒလပန်း ဦးဆောင်သော တပ်ကို မိမိကိုယ်တော် ထွက်တိုက်တော်မူရာ မွန်တို့ ထောင်းထောင်းကျေပျက်စီး ကာ ဆုတ်ခွာကြရလေ၏။

ထိုနေ့မှစပြီး ဦးအောင်ဇေယျသည် မိမိကိုယ့်ကို ဘုရင်ဖြစ်ကြောင်း ကြေဌာလိုက်ပြီး အင်းဝမင်းဆက်၏ နယ်ပယ်များကို ပြန်လည် သိမ်းပိုက်မည်ဖြစ်ကြောင်း သစ္စာဆိုကာ ကြုံးဝါးလေသည်။ ထိုသတင်းကို ဟံသာဝတီဘုရင်ကြားလျှင် မိမိ၏ စစ်သူကြီး ဒလပန်းကို ပြန်လည်ခေါ်ယူလေသည်။ တောင်ငူ ငွေခွန်ဝန်ကို အင်းဝတွင် စောင့်ခိုင်းထားလေသည်။

ထိုနှစ် ၆ လပိုင်း ၁၉ ရက်တွင် အလောင်းမင်းတရား၏ သားတော် သခင်ကြီး နှင့် သခင်လတ်တို့မှ မုဆိုးဘို မြောက်ဘက်တွင် မြောင်းဝန်းအရပ်တွင် ခံတပ်ဆောက်ထားသော ဟံသာဝတီစစ်သူကြီး အဲကန်ကောင်း၏ ခံတပ်ကို တိုက်ခိုက်လေ၏။ အဲကန်ကောင်းမခံနိုင်ဘဲ ဆုတ်ရလေသည်။ ထိုနောက် အလောင်းမင်းတရားသည် ခင်ဦးစား ဦးချစ်ညိုကို ထပ်မံ သိမ်းသွင်းပြန်လေသည်။ ခင်ဦးစား လက်မခံ သဖြင့် တိုက်ရာ ခင်ဦးမြို့ခံကောင်းသဖြင့် မတိုက်နိုင်ဘဲ ရှိနေလေသည်။ထိုတိုက်ပွဲတွင် ခင်ဦးစား အစ်ကို ဦးချစ်ဝ ကျရူံးလေသည်။

အလောင်းမင်းတရား မှ ခင်ဦးမြို့ကို လုပ်ကြံနေစဉ် ဒီပဲယင်းမြောက်ဘက်ရှိ ရွှေပေါင်လောင် မွန်တပ်ကြီးကို နေမျိုးရွှေတောင် ဘွဲ့ခံ အလောင်းမင်းတရား၏ လက်ရုံးတော်မှ တိုက်ခိုက်အောင်မြင်လေ၏။ ဟံသာဝတီသည် အလောင်းမင်းတရား၏ အောင်မြင်နေသော စစ်သတင်းကို ကြားသိသည်မှစပြီး စစ်အင်အားကို အပြင်းအထန်ပြန်လည် ဖြည့်တင်းပြီး အလောင်းမင်းတရားကို အရှင်ရရ အသေရရ တိုက်ရန် အမိန့်ထုတ်ပြန်ထားလေသည်။


Comments

Popular posts from this blog

ကုန်းဘောင်မင်းဆက် ကို မျိူးဖြုတ်မည့်သူ

မယ်နု သည် အင်းဝတွင် မွေးဖွားသူဖြစ်ပြီး ဖခင်မှာ ထောင်မှူးကြီး ဦးလွှတ် ဖြစ်၏။ မွေးချင်း ၂ ယောက်ရှိပြီး အစ်ကိုဖြစ်သူမှာ မောင်အို ဖြစ်သည်။ မယ်နု ငယ်စဉ်က မိသားစု ခရီးထွက်ကြရာ လမ်းခရီး တခု တွင် အနားယူ ကြ၏။ မယ်နု မှ ထမင်းဟင်းချက် တာဝန်ယူကာ လူကြီးများကို ပြုစုသည်။ နံနက်လင်းသော် သူ ထမင်းချက်သည် နေရာတွင် မိူပွင့်ကြီး တခု လှပစွာ ပေါက်ရောက်နေသဖြင့် သတင်းပြန့်ကာ အနီးအနားမှ ရွာသား၊ရွာသူ များ ရင်သပ်ရူမောစွာ လာရောက် ကြည့်ရူကြကုန်သည်။

ဆရာတော် ဦးဗုဓ် နှင့် နန်းမတော် မယ်နု

နန်းမတော် မယ်နု သည် ရည်မှန်းချက် အလွန်ကြီးသူဖြစ်ပြီး အလွန်လည်း ထက်မြက်သူဖြစ်သည်။ သို့သော် နန်းမတော် မယ်နု သည် ဒါန အလှူ များကို ရက်ရောစွာ လှူ ဒါန်းလေ့ရှိ၏။ ( တချိူ့  ဆရာများကမူ နိုင်ငံရေး ပြည်သူများ ၏ ထောက်ခံမူ ကို ရချင်လို့ လှူ ဒါန်းမူတွေ လုပ်ကြောင်း ကောက်ချက်ချကြ၏။ ) အထူးသဖြင့် ဆရာတော် ဦးဗုဓ် ကို ဘကြီးတော် နှင့် နန်းမတော် မယ်နု တို့က နန်းမြို့ တွင်း အုတ်ကျောင်းတော်ကြီး ကို လှူ ဒါန်းကာ ကိုးကွယ်ထား၏။

မယ်နု နှင့် မောင်အို အုပ်စု တန်ခိုးထွားခြင်း

ဘကြီးတော်၏ နန်းတက်ပွဲကို အနယ်နယ်အရပ်ရပ်မှ မြို့ စားများ ၊ စော်ဘွားများ တက်ရောက်ကြပြီး လက်ဆောင် များစွာ ဆက်သကြလေ၏။ သို့သော် မဏိပူရစော်ဘွားမှာမူ တက်ရောက်ခြင်း မရှိသည့်အပြင် သံအမတ် ကိုလည်း လွှတ်ခြင်းမရှိသဖြင့် ပုန်ကန်သည်ဟု ဘကြီးတော် မှ ယူဆလေသည်။ ထို့ကြောင့် မဏိပူရ ကို စစ်ခင်းရန် ပြင်ဆင်စေလေသည်။