ထီးနန်းအတွက် လက်မတွန့်သော ပြည်မင်းသား

ပင်းတလဲမင်းသည် သက်တော် ၅၄ တွင် ညီတော်ပြည်မင်းသား နန်းချပြီး ရေချသတ်သဖြင့် ကံကုန် လေ၏။ ပြည်မင်းသားသည် အင်းဝထီးနန်းကို အလျင်အမြန်သိမ်းနိုင်ပြီး စလင်းရှိ အိမ်ရှေ့မင်းသား ကိုလည်း ချက်ခြင်းဖမ်းဆီးလေသည်။ ထိုမှ မိုးကောင်းသို့ ပို့ထားလေ၏။(နောက်ဆုံး ကွပ်မျက်ခံရ၏) ပင်းတလဲမင်း၏ နတ်ကွန်းဥယျာဉ်ကိုလည်း ဖျက်စီးစေပြီး နတ်ကွန်းကိုလည်း ရေထဲမျောစေလေသည်။

ပြည်မင်း သည် မန်ချူးနှင့်ယုံလီတို့ကြောင့် ပျက်စီးသွားသော မြို့ရွာများကို ပြုပြင်ပေးလေ၏။ အေဒီ ၁၆၆၂ ဇန်န၀ါရီ ၃၀ တွင် နန်းတက်တော်မူပြီး လွှတ်တော်တက်လေ၏။ ပြည်မင်းသည် ဖခမည်းတော်ကဲ့သို့ နန်းတက်ပွဲကို ခမ်းခမ်းနားနားလုပ်ခြင်းမရှိပေ။ နန်းတက်ပြီးလျှင် မိမိလူယုံများကို ရာထူးကြီးပေးအပ် ခန့်အပ် လေ၏။

ထိုနှစ် အောက်တိုဘလ ၈ ရက်တွင် မုတ္တမကို ယိုးဒယားတို့မှ လာရောက်ထိပါးသည်ဟု သတင်းရ သဖြင့် က္ကန္ဒသီဟအမတ်ကို ရေကြောင်းဖြင့် ချီတက်စေလေ၏။ ဘယသင်္ကြကိုလည်း ကြည့်ကြောင်းဖြင့် မုတ္တမသို့ ချီတက်စေလေ၏။ ထိုသို့ စစ်သည်များကိုလွှတ်ပြီးသော် ဇင်းမယ်ကိုလည်း ယိုးဒယားတို့ လာရောက် ထိပါး သည်ဟု သတင်းရပြန်သဖြင့် သက်တော်ရှည်အမတ်ကြီးနှင့်အတူ ဇင်းမယ်သို့ ချီတက်လေ၏။ သို့သော်လည်း ဇင်းမယ်ရောက်သော် ဇင်းမယ်မြို့ကို ယိုးဒယားသို့ ရပြီးဖြစ်နေရာ ဇင်းမယ်မြို့ကို တိုက်ရာတွင် မထိုးဖောက်နိုင်ဘဲ ယိုးဒယားမှ စစ်ကူများရောက်လာသဖြင့် မနည်း တိုက်ထုတ်ရပြီး အင်းဝသို့ အပန်းတကြီး ဆုတ်ခဲ့ရလေ၏။

အင်းဝနေပြည်တော်ရောက်လျှင် ထိုနှစ်ကစပြီး နှစ်တိုင်း ရဟန်းဝတ်လေ၏။ မုတ္တမသို့ လွှတ်လိုက်သော အင်းဝတပ်များသည် ယိုးဒယားကို အောင်နိုင်ပြီး ထိုတိုက်ပွဲတွင် ယိုးဒယားအိမ်ရှေ့မင်းသား ကျရူံးလေသည်။ အေဒီ ၁၆၆၃ ဖေဖော်ဝါရီလ ၁၃ တွင် မိဖုရားခေါင်နတ်ရွာစံသဖြင့် ပြည်မင်းသည် အလွန် ကြေကွဲတော်မူပြီး ၂ လတိုင်အောင် လွှတ်တော်မတက်ဘဲ အတွင်းတော်တွင်သာ စံနေလေ၏။

အေဒီ ၁၆၆၄ ဧပြီလ ၂၁ တွင် သားတော် နရာဝရကို အိမ်ရှေ့မင်းအရာ အဖြစ် အပ်နှင်းလေ၏။ ပြည်မင်း သည် တိုင်းပြည်ကို ၁၁ နှစ် အုပ်ချုပ်ခဲ့ပြီး သက်တော် ၅၃ တွင် ကံကုန်တော်မူလေ၏။ ၁၁ နှစ်လုံး ပျက်စီး သွားသော မြို့ရွာများကို ပြုပြင်ရင်း အချိန်ကို ကုန်လွန်စေခဲ့သော ဘုရင်ဖြစ်၏။ နတ်ရွာစံလျှင် သားတော် နရာဝရ နန်းတက်လေ၏။

မဟာ သီဟသူရ သုဓမ္မရာဇ ဘွဲ့ကို ခံယူတော်မူလေ၏။ နရာဝရမင်းသည် ကျန်းမာရေးကောင်းသူ မဟုတ် သဖြင့် ထီးနန်းကို ၁ နှစ်သာ စံလိုက်ရပြီး သက်တော် ၂၃ တွင် နတ်ရွာစံတော်မူလေပြန်၏။ ထိုအခါ ထီးနန်း အရိုက်အရာ ကို ဆက်ခံမည်သူမရှိဖြစ်နေရာ အင်းဝလွှတ်တော်မှ မင်းမျိုးမင်းနွယ်လည်းဖြစ်၊ အရည်အချင်း လည်းရှိသည့် ရမည်းသင်းမင်းကြီး မင်းရဲကျော်ထင် ကို အင်းဝထီးနန်းသိမ်းရန် လျှောက်တင်သဖြင့် မင်းရဲကျော်ထင်လည်း လက်ခံကာ ဘုရင်အဖြစ် ဘိသိတ်ခံတော်မူလေ၏။

Share:

No comments:

Post a Comment