မင်းရဲကျော်ထင် (၁၆၅၁ - ၁၆၉၈ )

အေဒီ ၁၆၇၃ ဖေဖော်ဝါရီလ ၁၆ တွင် ရမည်းသင်းမင်းကြီး မင်းရဲကျော်ထင်သည် အင်းဝအမတ်များ၏
တောင်းပန်ချက်ကြောင့်  အင်းဝထီးနန်းကို သိမ်းပိုက်လေ၏။ ဘုရင်ဖြစ်သော် နောင်တော်၏ အလောင်း ကို စကြ၀တေးမင်းကဲ့သို့ ကောင်းမွန်စွာ သဂြိုဟ်လေ၏။ ဘုရင်ဖြစ်သော် သီရိဓမ္မာသောက အမည်ရသော မင်းသား မှ မလေးမစားပြုသဖြင့် သောင်သွပ်သို့ နယ်နှင်ဒဏ်ပို့လေ၏။ ထိုနောက် ယခင်ဘုရင်ကို အခစားခဲ့သော မှူးမတ်များရဲမက်များကို ရွှေငွေရတနာများပေးပြီး ရှိမြဲရာထူးအတိုင်းသာ ထားလေသည်။

Share:

ထီးနန်းအတွက် လက်မတွန့်သော ပြည်မင်းသား

ပင်းတလဲမင်းသည် သက်တော် ၅၄ တွင် ညီတော်ပြည်မင်းသား နန်းချပြီး ရေချသတ်သဖြင့် ကံကုန် လေ၏။ ပြည်မင်းသားသည် အင်းဝထီးနန်းကို အလျင်အမြန်သိမ်းနိုင်ပြီး စလင်းရှိ အိမ်ရှေ့မင်းသား ကိုလည်း ချက်ခြင်းဖမ်းဆီးလေသည်။ ထိုမှ မိုးကောင်းသို့ ပို့ထားလေ၏။(နောက်ဆုံး ကွပ်မျက်ခံရ၏) ပင်းတလဲမင်း၏ နတ်ကွန်းဥယျာဉ်ကိုလည်း ဖျက်စီးစေပြီး နတ်ကွန်းကိုလည်း ရေထဲမျောစေလေသည်။

Share:

စစ်ပြေး ဧကရာဇ် ယုံလီ နှင့် ပင်းတလဲမင်း

သက္ကရာဇ် (၁၀၁၀) ခုနှစ်၊ အေဒီ ၁၆၄၈ သြဂုတ်လ ၁၇ တွင် သာလွန်မင်း၏ သားတော် ပင်းတလဲမင်းသား မှ အင်းဝထီးနန်းကို တက်တော်မူလေ၏။ ပင်းတလဲမင်းနန်းတက်ချိန်တွင် တရုတ်ပြည်မှာ မန်ချူးမင်းဆက်မှ တရုတ်တပြည်လုံးကို သူ့တို့လက်အောက်တွင် ထိန်းချုပ်နိုင်ချိန်ဖြစ်လေ၏။ ထိုနှစ်က တရုတ်ပြည်တွင် ဧကရာဇ် Sunzhi (1638-1661) မင်းလုပ်နေချိန်ဖြစ်လေ၏။ သူ့လက်ထက်တွင် တရုတ်တပြည်လုံးကို ထိန်းချုပ်နိုင် ခဲ့ ၏။ အင်္ဂလန်တွင်လည်း နာမည်ကြီး ဘုရင်ဖြစ်သော Charles I မှ မင်းလုပ်နေချိန်ဖြစ်သည်။ Charles I ဟာ ပါလီမန်နှင့်ဘုရင့်နန်းတော်တို့ အာဏာပြိုင်ကြရင်း ဘုရင်မှ ရုံးနိမ့်သဖြင့် အေဒီ ၁၆၄၉ မှာ လူထု ရှေ့တွင် ခေါင်းဖြတ်သတ်ခံခဲ့ရသော ဘုရင်ဖြစ်သည်။

Share:

အမြင့်မင်းသားရန်က လွတ်သော်လည်း ကံတရားကို မလွန်ဆန်နိုင်သော သာလွန်မင်း

သားတော်အမြင့်မင်းသား လူလွှတ်ပြီးလုပ်ကြံသည်ကို  သာလွန်မင်းမှ အလွန်ဒေါသဖြစ်ပြီး စိတ်လည်း အလွန်မကောင်းဖြစ်တော်မူလေ၏။ ထို့ကြောင့် လေးထပ်ကျောင်းတွင် ကြာကြာနေရန် မဖြစ်ဟု ဆုံးဖြတ် ပြီး အင်းဝမြို့ကို တိုက်ရန် စစ်ပြင်ဆင်လေ၏။ သာလွန်မင်း၏ စစ်သူကြီး ဗညားကျန်းထောဦးဆောင်သော တပ်တော်ရောက်လာလေသည်။ သာလွန်မင်းလည်း တိုင်းတားမင်းသားနှင့်တကွ ကျန် မင်းသားများကို စစ်ကိုင်း ကြက်ယက်တွင် စခန်းတည်နေစေလေ၏။ မိမိမှာမူ ဗညားကျန်းထောတပ်ကို ဦးဆောင်ပြီး အင်းဝသို့ ချီတက်လေ၏။

Share: