အမြင့်မင်းသား အင်းဝထီးနန်းရရန်ကြိုးပမ်းမူ

သာလွန်မင်းသည် သားတော်အမြင့်မင်းသား၏ ပုန်ကန်မူကြောင့် မြို့ပြင်ရှိ လေးထပ်ကြီးကျောင်းတွင် စခန်း ချကာ အင်းဝမြို့ကို ပြန်လည်သိမ်းပိုက်နိုင်ရေးအတွက် ကြိုးပမ်းလေ၏။ သားတော်အမြင့်မင်းသားမှ လာ မတိုက်နိုင်စေရန် ကျောင်းပြင်ရှိ လေးဘက်လေးလံတွင်ရှိသော လမ်းဆုံများတွင် သေလုတ်လုလင်တပ် များကို ထားစေလေသည်။ အင်းဝနန်းတော်တွင် အမြင့်မင်းသားမှ သစ္စာများလိုက်ပေးနေခိုက် ဖြစ်၏။ ထိုအခါ ဘုရင့်နန်းတွင်တပ်မှ လက်ဝဲ၀င်းမှူး နှင့် လက်ဝဲဓားမှူးတို့သည် အရေးတော်ပုံဖြစ်သည်ကို မသိ သဖြင့် အမြင့်မင်းသားအား ဘုရင်ဘယ်မှာ ရှိသလဲ ဟု မေးခွန်းထုတ်ရာ ထိုနေရာတွင်ပင် လှံဖြင့် ထိုးသတ် ခံရလေ၏။

အမြင့်မင်းသားသည် နန်းတော်ကို အသေအချာ မိမိလူများဖြင့် စီရင်ပြီးလျှင် မြို့တံခါးမှူးများ အားလုံးကို လည်းမိမိလူများဖြင့် အစားထိုးခန့်ထားလေ၏။ သာလွန်မင်းနန်းတော်မှ ထွက်ပြေးချိန်တွင် လွှတ်တော်တွင် မပြေးဘဲ နေခဲ့သော အမတ်တဦး ဖြစ်သည့် နန္ဒယော်ဓာထံ ချဉ်းကပ်လေ၏။ အမြင့်မင်းသားလည်း နန္ဒယော်ဓာအမတ်ကို သက်တော်ရှည်ရာထူး ပေးမည် ကူညီပါ ဟု ချဉ်းကပ်လေရာ နန္ဒယော်ဓာမှ စိတ်မပူ နှင့် မိမိစီရင်မည်ဟု ကတိပေးလေ၏။

နန္ဒယော်ဓာလည်း ဆင်သုံးစီး နှင့် စစ်သည် ၁ ထောင်ကျော်ကို ညောင်စည်လယ်သို့ ချီစေ၏။ ထိုနေရာ၏ မလှမ်းမကမ်းတွင် လေးထပ်ကြီးကျောင်းတည်ရှိလေရာ ညောင်စည်လယ်မှ အခြေအနေအရပ်အရပ်ကို ကြည့်ပြီးလေးထပ်ကြီးကျောင်းကို တိုက်ရန် အမိန့်ပေးထားလေ၏။ နန္ဒယော်ဓာ စေလွှတ်သော စစ်တပ် သည် ညောင်စည်လယ်သို့ ရောက်သော် သာလွန်မင်း၏ ကင်းပုန်းများဖြစ်သော သေနတ်လုလင်တပ် မှ အဆက်မပြတ်ပစ်ခတ်ကြလေ၏။

ထိုအခါ ဆင်စီးလာသော ဦးဆောင် အမတ်တဦးကျဆုံးရာ ကျန်ရှိနေသော စစ်သားများလည်း အင်းဝမြို့သို့ ပြန်ပြေး ကြကုန်၏။ အမြင့်မင်းသားလည်း ဒေါသထွက်သဖြင့် နန္ဒယော်ဓာအမတ်ကို သံချင်းခတ်ပြီး ထောင်သွင်းထားလေသည်။ အမြင့်မင်းသား၏ အပေါင်းအပါများ နှိပ်စက်သဖြင့် ထောင်တွင်း တွင် ကွယ်လွန်လေသည်။ အမြင့်မင်းသားလည်း နောက်တမျိုး ကြံပြန်သည်။ မိမိ၏ ညီတော် သခင်ဗညား ကို ခေါ်ပြီး သာလွန်မင်းကို လုပ်ကြံနိုင်လျှင် အိမ်ရှေ့ပေးမည်ဟု ကတိပေးလေ၏။

သခင်ဗညားလည်း သာလွန်မင်းရှိရာသို့ သွားကာ နန်းတော်မှ ခိုးထွက်လာပုံဖမ်းပြီး ဘုရင့်ရှေ့မှောက်သို့
ရောက်လာနိုင်လေ၏။ သာလွန်မင်းကို အကျိုးအကြောင်းလျှောက်တင်သဖြင့် ဘုရင်လည်း ယုံကာ လေးထပ်ကျောင်းဆောင်ပေါ်တွင် ညအိပ်စေလေ၏။ ညရောက်သော် အားလုံးအိပ်မောကျ နေစဉ် သခင်ဗညားသည် ဘုရင့်သက်တော်စောင့်၏ ဓားကို ယူကာ ဓားအိမ်မှ ဓားကိုထုတ်ရာ ဓားထုတ်သံ ကို ကြားသဖြင့် မင်းရဲအောင်ထင် (သက်တော်စောင့်မှူး) နိုးလာရာ ဓားကိုလုလေ၏။

အသံများဆူညံသဖြင့် အားလုံးနိုးလာပြီး သာလွန်မင်း၏ သားတော်များဖြစ်သော ပင်းတလဲမင်းသား၊ တိုင်တားမင်းသားတို့မှ လေးထပ်ကြီးကျောင်းဆောင်ထံ အပြေးအလွှားရောက်လာရာ အကြောင်းစုံ သိရကာ ဒေါသထွက်သဖြင့် သခင်ဗညားကို ကျောင်းဆောင်ပေါ်မှ သခင်ဗညား၏ ဦးသျှောင်ကို ကိုင်ပြီး တွန်းချလေရာ ထိုနေရာတွင် အနိစ္စ ရောက်သွားလေ၏။
Share:

No comments:

Post a Comment