သာလွန်မင်းလက်ထက် အမြင့်မင်းသားအရေးတော်ပုံ

သာလွန်မင်းသည် ဘုရင်မဖြစ်မီက ပြည်မြို့တွင် တာဝန်ကျနေစဉ် ဒွတ္တပေါင်မင်းကြီး ကောင်းမူတော် သရမာ စေတီကို ဖူးမြင်သောအခါ မိမိ အထွတ်အမြတ်သို့ ရောက်ခဲ့ပါလျှင် သည်စေတီကဲ့သို့ တည်မည် ဟု အဓိဌာန်ခဲ့သည့်အတိုင်း ဘုရင်ဖြစ်သော် ရာဇမဏိစူဠာ စေတီတော်ကို တည်ရန် မိမိ၏ အမတ်များကို မိန့် ကြားလေ၏။ 

ထိုကြောင့် အမတ်များ၊ပရောဟိတ်များလည်း အေဒီ ၁၆၃၆ ဧပြီလ ၁၆ တွင် စေတီတော်တည်မည့်မြေနေရာ ကို မြေညှိကြလေ၏။ ဇူလိူင် ၁၃ တွင် ဌာပနာတိုက် တည်ဆောက်ပြီးလေ၏။ အေဒီ ၁၆၃၈ ဇန်န၀ါရီလ ၂၃ တွင် စေတီတော်ကြီးကို ပြီးစီးသည့်နှင့် စေတီတော်ပတ်လည်တွင် ရဟန်းတော်များအား ဆွမ်းကပ်လေ၏။ သာလွန်မင်းသည် ဘာသာ သာသနာကို အလွန်အလေးထားတော်မူရာ ရဟန်းတော်များ၏ နှစ်သက်မူကို လည်းခံရလေ၏။

တိုင်းရေးပြည်ရေးတိုးတက်အောင်လည်း မနားမနေလုပ်ဆောင်လေ၏။ အေဒီ ၁၆၃၈ ဇူလိူင် ၁၈ တွင် ညီတော်မင်းရဲကျော်စွာ နတ်ရွာစံလေ၏။ သာလွန်မင်းလည်း အိမ်ရှေ့မင်းသားတို့ သဂြိုဟ်သည့်အတိုင်း ခမ်းခမ်းနားနား ပြုလုပ်တော်မူလေ၏။ မင်းရဲကျော်စွာ မရှိလျှင် သားတော် အမြင့်မင်းသားသည် ရှင်တရုပ် ဟု အမည်ရသော လူဆိုးလူသွမ်းခေါင်းဆောင်နှင့် ပေါင်းပြီး ဘုရင်ကို ပုန်ကန်ရန် နားချလေ၏။ ရှင်တရုပ် လည်း အမြင့်မင်းသားပြောသမျှကို သဘောကျသဖြင့် ကူညီရန် သဘောတူလေ၏။ 

အမြင့်မင်းသားလည်း ဇူလိုင် ၂၀နံနက်စောစောအချိန်တွင် ရှင်တရုပ်အုပ်စု၊ ပုန်ကန်လိုသူထားဝယ်သားတစု၊ စသဖြင့် စုဆောင်းမိသော လူသူစုစုပေါင်း ၂ ထောင်ကျော်ဖြင့် နန်းတော်တံခါးကို ရုတ်တရုက်ဖျက်ဝင်လာလေ၏။ တံခါးမှူးတို့လည်း ရုတ်တရုက် ၀င်လာသဖြင့် အချက်ပေးခေါင်းလောင်းကို မတီးနိုင်ဘဲ ပြေးကြလေ၏။ 

ထိုအခါတွင် သာလွန်မင်းမှ လွှတ်တော်တွင်အစည်းအဝေးတက်နေချိန်ဖြစ်၏။ လူသူအများ၏ အော်သံကို ကြားရသဖြင့် ဘာကြောင့်နည်းဟု မေးရာ အရှေ့တော်ပြေးများမှ အမြင့်မင်းသားမှ သူပုန်များကို ဦးဆောင်ပြီး
မင်းကြီးရှိရာကို အလုံးအရင်းဖြင့် ၀င်လာသည်ဟု လျှောက်ကြသဖြင့် သာလွန်မင်းနှင့်တကွ အမတ်များလည်း အနောက်တံခါးမှ မြင်းကိုယ်စီဖြင့် ထွက်တော်မူကြလေ၏။ 

နန်းတော်အပြင်ရောက်လျှင် အတွင်းဝန်မှ ကလေးတံခါးမှ ထွက်တော်မူပါ လေးထပ်ကျောင်းတော်သို့ သွားပါဟု လမ်းညွန်ပြီး မိမိမှာမူ ကလေးတံခါးတွင် နေခဲ့လေ၏။ သာလွန်မင်းလည်း မိမိအား သစ္စာစောင့်သိသော သားတော်များဖြင့် လေးထပ်ကျောင်းသို့ အပြင်းသွားလေ၏။ 

လေးထပ်ကျောင်းရောက်သော် ကျောင်းထိုင်ဆရာတော်မှ ဘုရင်၏ဖြစ်ပုံကိုကြည့်ပြီး ဆရာတော်မှ သဘောကျကာ တခဏ ရယ်ပြီးသော် ငါးဆူ၊လယ်ကြီး၊တောင်ဘီလူး အရပ်တွင် ရှိသော ရဟန်းအပေါင်းတို့ကို လေးထပ်ကျောင်းလာရန် ချက်ခြင်း ခေါ်လေ၏။ ရဟန်းတော်များလည်း အလျင်အမြန်
ရောက်လာကြသော ရဟန်းတော်များ  စုစုပေါင်း ၁ သောင်းနီးပါးလောက်ရှိလေ၏။ ထိုရဟန်းတော်များကို ဆရာတော်မှ ကျောင်းတော်တံခါးလေးမျက်နှာတွင် ချထားပြီး တုတ်၊တောင်ဝှေးများဖြင့် ကျောင်း တံခါးများကို ပိတ်ဆို့ထားကြလေ၏။ 

နန်းတော်တွင်မူ ရှင်တရုပ်၏ လူများမှ အဖိုးတန်ပစ္စည်းများကို လုယူနေကြသဖြင့် အမြင့်မင်းသားမှ မနည်းတားပြီး ဘုရင်ကို လိုက်ရန် မနည်းပြောဆိုနေရသဖြင့် အချိန်ကြာမြင့်နေလေ၏။ နန်းတော်တွင် အမြင့်မင်းသား၏ ပုန်ကန်မူကို သားတော်ကြီးများဖြစ်သော ပင်းတလဲမင်းသားကြီး၊တိုင်းတာမင်းသားကြီး၊ စည်ပုတ္တရာမင်းသားကြီးများမှ ကြားသိရာ မိမိ၏ လူယုံကိုယ်ရံတော်တပ်များဖြင့် ဘုရင်ရှိရာသို့ အပြင်းချီတက် လာကြလေ၏။ 

လေးထပ်ကျောင်းတွင် ဘုရင်ရှိနေကြောင်းသိလျှင် လေးထပ်ကျောင်းသို့ အပြင်းချီတက်ကြရလေ၏။ ရောက် 
သော် ဘုရင်မှ သားတော်များကို ပုန်ကန်သူများကို အပြတ်ချေမူန်းရန် ရာဇသံပေးလေ၏။ ဘုရင့်အနောက်မှ လိုက်လာသော မှူးမတ်များလည်း ရဲမက်အများဖြင့် ရောက်လာလေ၏။စစ်ကိုင်းတွင်ရှိနေသော ဘုရင်၏ စစ်သူကြီး ဗညားကျန်းထောကိုလည်း စစ်တပ်အများဖြင့် အမြန်ချီတက်လာရန် အမိန့်တော်ရှိသဖြင့် ဗညားကျန်းထောမှ အကြောင်းအရင်းကို အတပ်မသိဘဲ လူသူအများစုရုံးကာ စစ်အင်အား ၃ သောင်းကျော်ဖြင့် အင်းဝနေပြည်တော်သို့ အပြင်းချီတက်လာလေ၏။ 

အမြင့်မင်းသားလည်း သာလွန်မင်းမှ လူသူအများ စုရုံးမိကြောင်းကြားသဖြင့် မြို့တံခါးကို ပိတ်ကာ အင်းဝမြို့ကို သိမ်းပိုက်ထားလိုက်လေ၏။ သာလွန်မင်းမှမူ လေးထပ်ကျောင်းတော်ကြီးတွင် စခန်းချကာ အင်းဝမြို့ကို ပြန်သိမ်းရန် ပြင်ဆင်နေလေ၏။ အမြင့်မင်းသားလည်း မြို့တော်အတွင်းရှိ ဆွေတော်မျိုးတော် များကို သစ္စာပေးလေ၏။
Share:

No comments:

Post a Comment