သာလွန်မင်း၏ အင်းဝရွှေနန်းတော် ဆောက်လုပ်ပုံ

သာလွန်မင်းသည်ဘိသိတ်ထပ်မံခံရန်အင်းဝနေပြည်တော်သို့ ပြန်ကြွတော်မူလေ၏။ရတနာပူရ အ၀ရွှေပြည်တော်သို့ သက္ကရာဇ်(၉၉၆)ခုနှစ်၊ပြာသိုလပြည့်ကော်ျ ၁ရက် (အေဒီ ၁၆၃၄ ဒီဇင်ဘာ) မှာ ပြန်ရောက်တော်မူလေ၏။ ရောက်တော်မူလျှင်ယခင်ရှိခဲ့သော် နန်းတော်ဟောင်း သို့ဝင်တော်မမူဘဲ ယာယီနန်းတော်တွေနေကာ နန်းတော်အသစ်ဆောက်ရန် ပြင်ဆင်လေ၏။(ဗဟုသုတအဖြစ် ရှေးမြန်မာမင်း များ နန်းတော်ဆောက်လျှင် ပြင်ဆင်ပုံတို့ကို ဖော်ပြပါမည်။ ယခုဖော်ပြပါ အချက်များသည် သာလွန်မင်း၏ ရွှေနန်းတော်ဆောက်လုပ်ခြင်းအပြင်အဆင်ဖြစ်ပါသည်။ )
ရွှေနန်းတော်အသစ်ဆောက်ရန် ဘုရင်မှမိန့်ကြားပြီးလျှင် ၀န်မင်းတို့မှ လွှတ်တော်အစည်းအဝေးပြီးသည်နှင့် အဖွဲ့များဖွဲ့ကာ သစ်ကောင်းများကိုရှာရန် စစ်ကိုင်း၊စကု၊ကျော်မော်ဒေသများသို့ အမတ်များကြီးကြပ်ပြီး သွားရ၏။ သစ်များကိုရွေးချယ်ပြီးသော် အေဒီ ၁၆၃၄ သြဂုတ်လ ၇ ရက်နေ့တွင် ဗေဒင်ပုရောဟိတ်များ၏ အခါတော်အတိုင်း သစ်များကိုရေချကာ တဘက်ကမ်းမှ မင်းသား၊မှူးကြီးမတ်ရာတို့မှ သဘင်ကြီးစွာစီရင်ပြီး မြို့စောင့်နတ်များကို ပူဇော်ပွဲကျင်းပထားနှင့်လေ၏။ ထိုပူဇော်ပွဲကျင်းပနေစဉ် မင်္ဂလာစည်တော်တီးစေပြီး ထိုသစ်များကို လှေငယ်များဖြင့် ဆွဲလာရလေ၏။ လှေကြီးဖြင့် မတင်ရပေ။ ထိုအခါ မြင်ကွင်းမှာ လှေငယ်ပေါင်းများစွာဖြင့် သစ်ပေါင်းများစွာ တို့ မြစ်ရေပေါ်တွေ ပေါလောပေါလောဖြင့် တဘက်ကမ်းသို့ ရောက်လာလေ၏။

ထိုသစ်များကိုထဲမှ အကြီးဆုံးသစ်တလုံး ကို ကျမ်းဂန်များနှင့်အညီ ကြံ၊ငှက်ပျော၊အုန်းသီး၊ပန်းနံ့သာ၊ဆီးမီး တို့ဖြင့် အစောင့်အရှောက် ဘီးလူးမင်းအား မန္တန်ရွတ်ကာပူဇော်ပြီးမှ ရွှေလွ၊ငွေလွတို့ဖြင့် အရင်း လက်လေးသစ်၊ အဖျားလက်လေးသစ်ဖြတ်ကာ ထိုဘီးလူးမင်းအား ဖြတ်ထားသော သစ်များကို ဆက်သထားလေ၏။ ဘီးလူးမင်းသည် မင်းတို့၏ အိမ်တော်နန်းတော်ကို စောင့်ရှောက်သည်ဟု ယုံကြည်ကြသဖြင့် ပြုလုပ်ခြင်းဖြစ်လေ၏။ 

ထိုဘီလူးပူဇော်ခြင်းအစီအရင်ပြီးသော် ပုရောဟိတ်တို့ပေးသော အခါတော်အတိုင်း သြဂုတ် ၁၄ရက် တွင် တိုင်းပြည်ကိုစောင့်ရှောက်သောနတ်များကို ပူဇော်ပွဲကျင်းပလေ၏။ ထိုပူဇော်ပွဲကျင်းပရာနေရာသို့ ဘုရင်ကိုယ်တိုင်ကြွမည်ဖြစ်ရာ လမ်းတလျှောက် နတ်ဝတ်တန်ဆာဝတ်ပြီး ကပွဲများမရပ်မနား ကနေရ၏။ ထိုပူဇော်ပွဲသို့ မင်းညီမင်းသားများ၊မှူးမတ်များ၊ရဲမက်များဖြင့် ဘုရင်ကိုယ်တိုင်ကြွလာပြီး စောင့်ရှောက်သော နတ်များကို ပူဇော်လေ၏။ 

ထိုပူဇော်ပွဲပြီးလျှင် နန်းတော်ဆောက်လုပ်မည့်မြေနေရာကို ဘုရင်ကိုယ်တော်တိုင် သြဂုတ် ၂၅ ရက်တွင် ရွှေထွန်၊ငွေထွန်၊ တို့ဖြင့် ကြန်လက္ခဏာပြည့်စုံသော ရှစ်ရှဉ်းသော နွားတို့ကို ရွှေကြိုး၊ငွေကြိုး တို့ဖြင့် တန်ဆာဆင်ကာ ပုရောဟိတ် ရှစ်ဦး ခြံရံပြီး မြေကိုထွန်တော်မူလေ၏။ ပုရောဟိတ် ရှစ်ဦးတို့လည်း ထွန်နေစဉ် မင်္ဂလာမန္တန်များ ရွတ်ပွားရလေ၏။ ဘုရင်မှ မြေထွန်ပြီးလျှင် ဗိသုကာများမှ ထိုမြေမြတ်နေရာကို ရွှေနန်းတော် ဆောက်လုပ်ရန် ဘုရင်နှင့်တကွ စောင့်ရှောက်သော နတ်များကို ပူဇော်ကာခွင့်တောင်းရလေ၏။ဘုရင်မှ ခွင့်ပြုကြောင်း အမိန့်တော်ပြန်လျှင် ဗိသုကာများ စတင်ပြီး
 ရွှေနန်းတော် ကို ဆောက်လုပ်ရန် စတင်ပြင်ဆင်ရလေ၏။ 
သာလွန်မင်းနန်းတော်ပုံစံ

သာလွန်မင်းနန်းတော်ပုံစံ
(မှတ်ချက်။ ။ အထက်ဖော်ပြပါ သာလွန်မင်း၏ နန်းတော်ပုံစံကို ကျနော်မှ စိတ်ဝင်စားသဖြင့် sketchup warehouse တွင်ရှိနေပြီးသော နန်းတော်ပုံကို ဒေါက်တာတိုးလှ၏  ကိုယ့်ထီး ကိုယ့်နန်း ကိုယ့်ကြငှန်း စာအုပ်ပါ သာလွန်မင်း၏ နန်းတော်ပန္နက်ပုံစံအတိုင်း Sketchup တွင်ပြန်လည်ပုံဖွဲ့ထားခြင်းဖြစ်ပါတယ်)
 ဗိသုကာများမှ ပြင်ဆင်မူများကို ပြုလုပ်ပြီးသော် မြေနန်းပြဿဒ်တော်ကြီး၏ ဗဟိုတိုင်စိုက်မယ့်နေရာ ကို ဘုရင်နှင့်တကွ မင်းသားများ၊ ၀န်ရှင်တော်မင်းများ သစ်တိုများစိုက်ကာ ထုကြလေ၏။ထုပြီးမှ ထီးဖြူဖြင့် အုပ်ပြီး ထန်းခိုင်၊အုန်းခိုင်၊ငှက်ပျောခိုင်တို့စိုက်လေ၏။ နောက်တရက်နေမှ ဗဟိုတိုင်ကြီးများကို ဗိသုကာ များမှ စိုက်ထူလေ၏။ ဗိသုကာတို့လည်း ပုရောဟိတ်တို့ အခါတော်ပေးသည့်အတိုင်း နန်းတော် အဆောင် များကို သူ့ရက်သူ့နေ့အတိုင်းဆောက်လုပ်ကြရလေ၏။ ပေးထားသော ရက်ကာလအတိုင်းပြီးအောင် 
ဆောက်ရလေ၏။ 

အေဒီ ၁၆၃၅ မတ်လ ၁၅ ရောက်မှသာ နန်းမြို့တံခါးဆောက်လုပ်ရလေ၏။မြို့တံခါးဆောက်ပြီး ရွှေနန်းတော် အတွင်းရှိအဆောင်တော်များနီးပါး ပြီးနေလေ၏။ မေလ ၁၆ တွင်နန်းတော် ကမ္ပည်းတိုင်ထူပြီး 
 ရွှေနန်းတော်အသစ် တည်ဆောက်ခြင်းပြီးစီးလေ၏။


Share:

No comments:

Post a Comment