Skip to main content

သားတော်လုပ်ကြံသဖြင့် အနောက်ဘက်လွန်မင်း နတ်ရွာစံခြင်း

အနောက်ဘက်လွန်မင်းသည် ရခိုင်ဘုရင်၏ စာသံကြောင့်ဒေါသအမျက်ထွက်ကာ ရခိုင်သို့ ချီရန် ရာဇသင်္ကြ ဘွဲ့ရအမတ်ကို စစ်ကဲမှူးခန့်ပြီး စစ်အင်အား ငါးသောင်းဖြင့် သံတွဲသို့ချီတက်စေလေ၏။ သံတွဲစားလည်း ချီတက်လာသော အင်းဝတပ်များကို ခုခံလေ၏။သို့သော်လည်း အင်အားမမျှတသဖြင့် သံတွဲမြို့ရိုးပျက်ကာ သံတွဲကို ရလေ၏။ အနောက်ဘက်လွန်မင်းလည်း သံတွဲစားကိုသာ ဖမ်းပြီး ပြန်လာရန် အမိန့်ထုတ်ပြန်လေ၏။

အနောက်ဘက်လွန်မင်းသည် စစ်သည်များစစ်ပန်းနေသဖြင့် စစ်ချီခြင်းမပြုဘဲ ဟံသာဝတီမြို့ ဟောင်းရှိ
စေတီတော်များကို ပြုပြင်လေ၏။ ပုညစေတီ ဘုရားရှင်ကိုလည်း ရွှေသင်္ကန်းကပ်တော်မူ၏။ အေဒီ ၁၆၁၇ ဒီဇင်ဘာ ၁၂ တွင် မဏိပူရအနောက်ဘက်ရှိ ကချာပြည်ထောင် မှ သံအဖွဲ့များ သံလျင်သို့ရောက်လာ
ကြောင်း နေပြည်တော်သို့သတင်းပို့သဖြင့် အခမ်းအနားဖြင့် ကြိုရန် အမိန့်တော်ပြန်လေ၏။

ထိုနောက် ဂေါ်ကွန်းဒါး ပြည်ထောင် (Golconda Kingdom-India) မှ သံအဖွဲ့လည်းထပ်မံ
 ရောက်လာပြန်၏။ ထိုနှစ်ထဲတွင် ဂိုအာရှိ ပေါ်တူဂီဘုရင်ခံ Goa Viceroy ၏သံအဖွဲ့လည်း အင်းဝ သို့ ရောက်လာပြန်၏။ အနောက်ဘက်လွန်မင်းလည်း သံအမတ်များကို အခမ်းအနားဖြင့် ကြိုဆိုလေ၏။

အနောက်ဘက်လွန်မင်းသည် ကျိုင်းတုံစော်ဘွား၏ ပန်ကြားမူဖြင့် ကျိုင်းရုံးနှင့်ကျိုင်းခေါင်းကို ချီတက်တိုက်ခိုက် သိမ်းပိုက်လေ၏။ ထိုနောက် ထိုနယ်များကို ကျိုင်းတုံစော်ဘွားလက်အောက်တွင်ထားကာ
နေပြည်တော်သို့ ပြန်လေ၏။ ကျိုင်းတုံစော်ဘွားလည်း မိမိ၏သမီးတော်မင်းသမီးကို အနောက်ဘက်လွန်မင်း
နှင့်လက်ဆက်စေလေ၏။

ထိုနောက်နေပြည်တော်သို့ ပြန်လေ၏။ မင်းကြီး၏ ဗေဒင်တတ်တို့မင်းကြီးဇာတာမကောင်းဟု ဟောကြ သဖြင့် ဇာတာကောင်းစေရန် ဟံသာဝတီတွင် ယာယီနန်းဆောက်ကာ နေလေ၏။ ထိုအချက်ကို အခွင့်ကောင်းယူပြီး သားတော် မင်းရဲဒိဗ္ဗမှ လုပ်ကြံသဖြင့် နတ်ရွာစံလေ၏။ လုပ်ကြံရခြင်းအကြောင်းမှ မင်းကြီးကျိုင်းတုံမှအပြန် လက်ထပ်လာသော ဂုံရှမ်းမင်းသမီးကို မင်းရဲဒိဗ္ဗမှ ချစ်ကြိုက်ကာ မင်းသမီးနှင့် နီးစပ် အောင်ကြိုးစားလေ၏။ 

အနောက်ဘက်လွန်မင်းသည် အသက်ကြီးသူဖြစ်ရာ တိုင်းပြည်အရေးများပြားပြီး မိမိ၏ မိဖုရားများအရေးကို သိပ်ဂရုမပြုမိချေ။ မင်းသားမှ နေ့တိုင်းလာပြီး ပိုးပန်းသဖြင့် မင်းသမီးနှင့် ချစ်ကြိုက်ကြပြီး ၀မ်းတွင် ကိုယ်ဝန်ရှိ လေ၏။ မ်ိန်းမစိုးတို့လည်း ထိုအကြောင်းကို ဘုရင်ထံ လျှောက်တင်ကြလေ၏။ မင်းကြီးလည်း ဂုံရှမ်းမင်းသမီးကို ခေါ်ကာ အကြောင်းအမှန်ကို မေးလေ၏။ မင်းသမီးလည်း ကြောက်သဖြင့် အမှန်အတိုင်း လျှောက်တင်၏။ 

ထိုအခါ မင်းကြီးလည်း သားတော်ကို ခေါ်ပြီး စစ်ဆေးရာ သားတော်မှ ထိုမင်းသမီးကို မိမိ၏ နှလုံးသား ဖြင့် ချစ်ကြိုက်ကြောင်း စသဖြင့် လျှောက်တင်ရာ မင်းကြီးမှ ဘာမှမပြောဘဲ အတွင်းတော်သို့ ၀င်လေ၏။ ထိုသည်ကို မင်းရဲဒိဗ္ဗမှ မင်းကြီးအပြစ်ပေးမည်ကို ကြောက်သဖြင့် မင်းကြီး ယာယီနန်းတွင် စံနေစဉ် မိမိ၏ တပ်သားများကို တိတ်တဆိတ် မင်းကြီးအဆောင်ကို ၀င်ရောက်စီးနင်းစေပြီး လုပ်ကြံစေသဖြင့် နတ်ရွာစံလေ၏။ 


Comments

Popular posts from this blog

ကုန်းဘောင်မင်းဆက် ကို မျိူးဖြုတ်မည့်သူ

မယ်နု သည် အင်းဝတွင် မွေးဖွားသူဖြစ်ပြီး ဖခင်မှာ ထောင်မှူးကြီး ဦးလွှတ် ဖြစ်၏။ မွေးချင်း ၂ ယောက်ရှိပြီး အစ်ကိုဖြစ်သူမှာ မောင်အို ဖြစ်သည်။ မယ်နု ငယ်စဉ်က မိသားစု ခရီးထွက်ကြရာ လမ်းခရီး တခု တွင် အနားယူ ကြ၏။ မယ်နု မှ ထမင်းဟင်းချက် တာဝန်ယူကာ လူကြီးများကို ပြုစုသည်။ နံနက်လင်းသော် သူ ထမင်းချက်သည် နေရာတွင် မိူပွင့်ကြီး တခု လှပစွာ ပေါက်ရောက်နေသဖြင့် သတင်းပြန့်ကာ အနီးအနားမှ ရွာသား၊ရွာသူ များ ရင်သပ်ရူမောစွာ လာရောက် ကြည့်ရူကြကုန်သည်။

ဆရာတော် ဦးဗုဓ် နှင့် နန်းမတော် မယ်နု

နန်းမတော် မယ်နု သည် ရည်မှန်းချက် အလွန်ကြီးသူဖြစ်ပြီး အလွန်လည်း ထက်မြက်သူဖြစ်သည်။ သို့သော် နန်းမတော် မယ်နု သည် ဒါန အလှူ များကို ရက်ရောစွာ လှူ ဒါန်းလေ့ရှိ၏။ ( တချိူ့  ဆရာများကမူ နိုင်ငံရေး ပြည်သူများ ၏ ထောက်ခံမူ ကို ရချင်လို့ လှူ ဒါန်းမူတွေ လုပ်ကြောင်း ကောက်ချက်ချကြ၏။ ) အထူးသဖြင့် ဆရာတော် ဦးဗုဓ် ကို ဘကြီးတော် နှင့် နန်းမတော် မယ်နု တို့က နန်းမြို့ တွင်း အုတ်ကျောင်းတော်ကြီး ကို လှူ ဒါန်းကာ ကိုးကွယ်ထား၏။

မယ်နု နှင့် မောင်အို အုပ်စု တန်ခိုးထွားခြင်း

ဘကြီးတော်၏ နန်းတက်ပွဲကို အနယ်နယ်အရပ်ရပ်မှ မြို့ စားများ ၊ စော်ဘွားများ တက်ရောက်ကြပြီး လက်ဆောင် များစွာ ဆက်သကြလေ၏။ သို့သော် မဏိပူရစော်ဘွားမှာမူ တက်ရောက်ခြင်း မရှိသည့်အပြင် သံအမတ် ကိုလည်း လွှတ်ခြင်းမရှိသဖြင့် ပုန်ကန်သည်ဟု ဘကြီးတော် မှ ယူဆလေသည်။ ထို့ကြောင့် မဏိပူရ ကို စစ်ခင်းရန် ပြင်ဆင်စေလေသည်။