နန္ဒဘုရင် နှင့် အင်းဝသတိုးမင်းစော တို့ စစ်ပွဲ

အင်းဝရှိ သူလျှိုများ၏ သတင်းပေးမူကြောင့် အင်းဝစစ်ပြင်နေသည်ကို ဟံသာဝတီ နန္ဒဘုရင်သိလျှင် ပြန် ခုခံ တိုက်ရန် ပြင်ဆင်လေ၏။ ဟံသာဝတီမှူးမတ်တို့၏ တိုက်တွန်းအကြံပေးမူကြောင့် နန္ဒဘုရင်သည် အင်းဝစစ်မချီမီ လက်ဦးမူယူပြီး အင်းဝသို့ အပြင်းချီတက်လေသည်။ နန္ဒဘုရင်သည် သားတော်ဥပရာဇာကို ဟံသာဝတီမြို့စောင့်ရန် ထားခဲ့ပြီး အေဒီ ၁၅၈၄ မတ်လ ၁၅ တွင် အင်းဝသို့ ချီတက်လေသည်။ 

ဟံသာဝတီရှိ အင်းဝဘုရင် သတိုးမင်းစော၏ သမီးတော်ကိုလည်း အိမ်တွင်းအကျယ်ချလိုက်ရာ အင်းဝဘုရင် ထံ သတိပေးစာများ ရောက်လာခြင်းမရှိတော့ပေ။ နန္ဒဘုရင်လည်း အင်းဝပိုင်နက်ရှိ ပင်းယတွင် စခန်းချလေသည်။ ထိုအခါ ပြင်စည်စားသည် အင်းဝဘုရင်ထံ အပြေးအလွှားရောက်လာပြီး နန္ဒဘုရင်မှ အလုံးအရင်းဖြင့် စစ်ချီလာကြောင်းကို လျှောက်တင်လေ၏။ 

အင်းဝဘုရင်လည်း ဟံသာဝတီမှ ရုတ်တရုက်ချီတက်လာသည်က တကြောင်း၊ ရှမ်းပြည်မှ စစ်ကူစော်ဘွား တပ်များ ရောက်မလာသေးသဖြင့် တံတားဦးပတ်လည် တွင် ခံတပ်တခု အလျင်အမြန်ဆောက်စေလေ၏။
ထိုနောက် နန္ဒဘုရင် ရှိရာသို့ အလုံးအရင်းဖြင့် ချီတက်လေသည်။ ရောက်လျှင် နန္ဒဘုရင် နှင့် မင်းနှစ်ပါး ဆင်စီးချင်း တိုက်မည်ဟု ရာဇသံ ပေးလေ၏။ ယောက်ဖတော်ဖြစ်သူ နန္ဒဘုရင်လည်း လက်ခံပြီး ရက် အချိန်းအချက် လုပ်ကြလေ၏။ 

ရက်ချိန်းသည့်နေ့ရောက်လျှင် နန္ဒဘုရင်မှ လက်ဝဲတော်တွင် ဆင်ကူ ၃၀ ၊ လက်ယာတော်တွင် ဆင်ကူ ၃၀ ဖြင့် မင်းခန်းမင်းနား နှင့် စစ်မြေပြင်သို့ ထွက်လာလေ၏။ အင်းဝဘုရင် သတိုးမင်းစော လည်း လက်ယာ ဆင်တော် ၃၀၊ လက်ဝဲ ဆင်တော် ၃၀ ဖြင့် ထွက်လာလေ၏။ သတ်မှတ်သည့်နေ့တွင် မင်းနှစ်ပါး ချင်းသာ တိုက်မည်ဟု ဆိုသော်လည်း ဟံသာဝတီမှ နန္ဒဘုရင်မှ ဆင်ကူများဖြင့် အလုံးအရင်း စစ်မြေပြင် သို့ချီလာသဖြင့် အင်းဝဘုရင်လည်း အစီအစဉ်ပြောင်းကာ မိမိ၏ ဆင်ကူများကိုပါ ၀င်တိုက်ရန် အမိန့် ပေးလေ၏။ 

ဟံသာဝတီဘုရင်၏ ဆင်ကူများသည် ရဲစွမ်းထက်သည့် ဆင်များဖြစ်ကာ အင်းဝဘုရင်၏ ဆင်ကူများမှာမူ စစ်ဆင်ဖြစ်သော်လည်း ဟံသာဝတီဘက်ကဲ့သို့ အထူးတလည် ရွှေးထားခြင်းမရှိပေ။ တဘက်နှင့်တဘက် စာပြန်ရာတွင် မင်းနှစ်ပါးသာ တိုက်မည်ဟု သဘောတူကြသဖြင့် အင်းဝဘုရင်မှ ယုံကြည်ကာ မိမိ ဆင်ကိုသာ လျှင် အကောင်းဆုံးရွေးထားခဲ့လေ၏။ 

ထိုကြောင့် ထိုတိုက်ပွဲတွင် အင်းဝဘုရင်ဘက်မှ အထိနာလေ၏။ ဟံသာဝတီဘက်မှ ဆင်တပ်များ အပြင်း ဖိတိုက်လေရာ အင်းဝဘုရင်၏ စီးတော်ဆင် သည် သေဆုံးလေ၏။ အင်းဝဘုရင် သတိုးမင်းစောလည်း 
နောက်ဆင်တစီးဖြင့် တံတားဦးခံတပ်ဘက်သို့ အပြင်းဆုတ်လေသည်။ အင်းဝဘုရင် သတိုးမင်းစောလည်း ယခု တိုက်ပွဲတွင် ဟံသာဝတီဘက်မှ ကောက်ကျစ်သောကြောင့်သာ ငါတို့ ကျရူံးရသည်၊ ရှမ်းပြည်စော်ဘွား
များထံသွားမည်၊ ရှမ်းပြည်တွင် အင်အားထပ်စုပြီးမှ ဟံသာဝတီသို့ အပြင်းချီမည်ဟု ကြုံးဝါးပြီး ရှမ်းပြည် သို့ စစ်အင်အား ၂၀၀၀ ကျော်ဖြင့် ချီတက်လေသည်။ သို့သော်လည်း စစ်ပွဲတွင် ရသော ဒဏ်ရာကြောင့် ခန္တီး အရောက်တွင် ကံကုန်တော်မူလေသည်။ 
Share:

No comments:

Post a Comment