နန္ဒမင်းသား ဟံသာဝတီထီးနန်းကို သိမ်းခြင်း

ဘုရင့်နောင်ကျော်ထင်နော်ရထာ နတ်ရွာစံသော် သားတော်အိမ်ရှေ့မင်း နန္ဒမင်းသားမှ ဟံသာဝတီထီးနန်း ကို အေဒီ ၁၅၈၁ အောက်တိုဘာလ  ၁၄ ရက်နေ့တွင် သိမ်းတော်မူလေသည်။ ယင်းနေ့တွင် သားတော်အကြီးကို အိမ်ရှေ့စံအဖြစ် ခန့်အပ်လေ၏။ ဘုရင်ဖြစ်ပြီး တစ်နှစ်အကြာ ၁၅၈၂ စက်တင်ဘာ တွင် သောင်သွပ်စားသည် စန္ဒားစားနှင့်ပူးပေါင်းကာ ပုန်ကန်ကြောင်း သတင်းကြားရသဖြင့် တိုက်ဆင် ငါးရာ၊ မြင်း ခြောက်ထောင်၊ စစ်သည်သူရဲ ရှစ်သောင်း ဖြင့် ပြည်စားကို ဗိုလ်မှူးခန့်ကာ ချီတက်စေလေ၏။ စန္ဒားရောက်လျှင် မြို့စားမှ မတိုက်ဝံ့ဘဲ မြို့ကိုသာ အခိုင်အမာ လုပ်ထားလေသည်။ 
ပြည်စား သတိုးဓမ္မရာဇာလည်း စန္ဒားကို ငါးလတိုင်အောင် ၀ိုင်းရံထားရာ မြို့သူမြို့သားတို့ မခံနိုင်သဖြင့် မြို့ တွင်း ပုန်ကန်မူဖြစ်ရာ စန္ဒားစားကို ဖမ်းဆီးကြပြီး ပြည်စားထံ အပ်ကြလေ၏။ ပြည်စားလည်း စန္ဒားစား နှင့်
တကွ သုံ့ပန်းများကို ဖမ်းယူကာ နေပြည်တော်ဟံသာဝတီသို့ ပြန်လေသည်။ ထိုနှစ်တွင် ရခိုင်ပြည် ဘုရင် မှ နန္ဒမင်း ထံ နှစ်ပြည်ထောင် မင်းနှစ်ပါး မဟာမိတ် ဖြစ်လိုကြောင်း လက်ဆောင်များဖြင့် စာစေလာလေသည်။

ထိုနှစ်တွင် အိမ်ရှေ့စံမင်းသားနှင့် ကြင်ယာတော် မိဖုရား နတ်ရှင်မယ်တော် တို့ ရန်ဖြစ်ကြပြီး အိမ်ရှေ့မင်းသားမှ တွန်းရာ နတ်ရှင်မယ်တော် လှဲကျပြီး သလွန်တော်စွန်း နှင့် နဖူးတော်တို့ ထိပြီး သွေးထွက် လေ၏။ အိမ်ရှေ့မင်းသားလည်း ဒေါသထွက်သဖြင့် စံနန်းတော်မှ ထွက်လေ၏။ ထိုအခါ နတ်ရှင်မယ်တော်သည် ပုဝါတွင် ထိုသွေးကို သုတ်ပြီး ဘူးတွင်ထည့်ပြီး တံဆိပ်လက်ရာ ခတ်ကာ ခမည်းတော် အင်းဝဘုရင် သတိုးမင်းစောထံ ပို့လိုက်လေ၏။ ထိုစာ တွင် ဥပရာဇာသည် ဇင်းမယ်ဘုရင့်နှမ ဓာတုကလျာသို့သာ နှလုံးတိမ်းညွတ်ပြီး မပြတ် အစေအပါးပြုလေသည်။ မိမိကိုယ်ကား မချစ်မနှစ်လို၊ သွေးထွက်သံယိုဖြစ်သည်အထိ နှိပ်စက်သည်ဟု ရေးကာ ပို့လိုက်လေ၏။ 

အင်းဝဘုရင်လည်း ထိုစာကို ရလျှင် ဒေါသထွက်ကာ ရှမ်းကိုးပြည်ရှိ စော်ဘွားများကို စာပို့ကာ ဟံသာဝတီကို တိုက်မည်၊ အင်းဝဘက်လော၊ ဟံသာဝတီဘက်လော ဟု စာပို့မေးရာ၊ စော်ဘွားတို့မှ အင်းဝ ဘက်ကသာ ညီမည် ဟု စာပြန်သဖြင့် အင်းဝ ဘုရင်လည်း ဟံသာဝတီကို တိုက်ရန် ပြင်လေသည်။ ဟံသာဝတီနေပြည်တော်တွင် မွန်ရဟန်းတော် အများအပါးကိုလည်း ၀ိနည်းနှင့်မညီဟု ဆိုကာ စစ်ကြောပြီး လူထွက်စေလေ၏။ ထိုအရေးကြောင့် မွန်လူမျိူးအများအပြား ဘုရင်ကို မကျေမနပ်ဖြစ်ကြလေ၏။ 

ထိုနှစ်တွင် ငလူပ်ကြီးလူပ်ပြီး နေပြည်တော်ရှိ ဘုရားပုထိုးများစွာ ပြိုပျက်လေ၏။ ထိုအခါ ပြည်သူပါးစပ်ဖြား တွင် ဘုရင်နှင့် နီးကပ်သည့် ရဟန်းတော်တချို့ ၏ မတရားလုပ်ရပ်ကြောင့် လောကနတ်များ သတိပေးခြင်း ဖြစ်ကြောင်း ပြောဆိုရသဖြင့် ဘုရင်မှ ထိုကောလဟာလ များမပြောရန် အမိန့်ထုတ်ရလေ၏။ အေဒီ ၁၅၈၃ ဖေဖော်ဝါရီ ၁၆ တွင် အပူချိန်သည် ယခင်နှစ်များထက် ပူပြင်းလွန်း လာသဖြင့် ပြည်သူအများမှ နေလုံးသည် နေပြည်တော်နားကပ်နေပြီဟု ပြောသည်အထိ ဖြစ်လာလေ၏။ အပူချိန်ကြောင့်လည်း နေပြည်တော်တွင် လူများစွာ သေကြေရလေသည်။ 

နန္ဒဘုရင်လည်း ဘာမှတတ်နိုင်ခြင်း မရှိခဲ့ပေ။ ထိုနောက် ဇွန်လအရောက်တွင် မိုးရွာတော့မှ အပူချိန် သက်သာရလေသည်။ ထိုလတွင် အင်းဝသတိုးမင်းစောမှ ဟံသာဝတီကို ချီတက်တိုက်ခိုက်မည့်အရေးကို မှူးမတ်များနှင့် တိုင်ပင်လေသည်။ ထိုအခါ အင်းဝလွှတ်တော်ရှိ အမတ်တချို့သည် ဟံသာဝတီသို့ သတင်း ပို့လေသည်။ နန္ဒဘုရင်လည် ထိုသတင်းကိုကြားလျှင် ပြန်လည် တိုက်ရန် စစ်ပြင်လေသည်။ 





Share:

No comments:

Post a Comment