ဟံသာဝတီ နှင့် ယိုးဒယား ဒုတိယအကြိမ်စစ် ဖြစ်ရသည့်အကြောင်း

ဘုရင့်နောင်သည် ပုန်ကန်သော ဇင်းမယ် နှင့် ဗညားကျန်းထောကို နိုင်ပြီးနောက် နောင်အခါ သူပုန်များ မြို့ တော် အတွင်းမထကြွစေရန် ရည်ရွယ်ပြီး ဟံသာဝတီမြို့ တော်ကို အသစ်ပြန်လည်ဆောက်လုပ်စေ လေ၏။ နန်းတော်ကိုလည်း အသစ်ပြန်လည် ဆောက်စေပြီး မြို့ ရိုးကိုလည်း ပြု ပြင်စေရာ တံခါးပေါင်း ၂၀ ကို နယ်စား ၂၀ အား ဆောက်စေလေသည်။



ဟံသာဝတီမြို့တော်အသစ် တည်ပြီးသည်နှင့် အနယ်နယ်အရပ်ရပ်မှ လူများ လာရောက်ပြီး နေထိုင်ကြ သဖြင့် မြို့ တော်တွင် အစာရေစာရှားပါးလာရသည်။ ရာသီဥတု မမှန်သဖြင့် ဆန်စပါး အလုံအလောက်မရ
နိုင်ဖြစ်သဖြင့် ဘုရင့်နောင်လည်း ပုဂံမြို့ စားအား စစ်သည် နှစ်သောင်း နှင့် လင်းဇင်းသို့ ချီတက်စေပြီး စပါးများကို သိမ်းရန် အမိန့်ပေးလေ၏။ ပုံမှန်အားဖြင့် တစ်နှစ်လျှင် တစ်ခါ လင်းဇင်း အစရှိသော လက်အောက်ခံ များမှ အခွန်(ရွှေ၊ငွေ၊ဆင်၊မြင်း) ကိုသာ ဆက်သလေ၏။ စပါးများကို တင်းပြည့်ပေးခြင်းမရှိပေ။

ထိုအစာရေစာ ငတ်မွတ်နေချိန်တွင် ဟံသာဝတီတွင် နေထိုင်နေရသော ယိုးဒယားမင်း(နန်းချခံရသူ) သည် ရဟန်းပြုလိုပါသည်ဟု လျှောက်လာသဖြင့် ဘုရင့်နောင်လည်း ခွင့်ပြုလေ၏။ ရဟန်းပြု ပြီး နောက် အယုဒ္ဓယမြို့ သို့ ဘုရားသွားဖူးလိုပါသည်ဟု ခွင့်တောင်းပြန်သဖြင့် ဘုရင့်နောင်လည်း ခွင့်ပြုပြန်လေသည်။
ယိုးဒယားမင်း(ဟောင်း) လည်း အယုဒ္ဓယမြိုသို့ ရောက်လျှင် သားတော်ဘုရင် နှင့်ပေါင်းပြီး ဟံသာဝတီကို ပုန်ကန်တော့လေ၏။

ထိုအကြောင်းကို ယိုးဒယားဘုရင်သမက် ပိသလောက်မြို့စား သိလျှင် ဟံသာဝတီသို့ သွားကာ   ဘုရင့်နောင် ထံ ၀င်လေသည်။ ယိုးဒယားဘုရင်လည်း ပိသလောက်မြို့စား ဘုရင့်ခံထံ ၀င်သည်ဟု သတင်းကြားသည် နှင့် ပိသလောက်မြို့ တွင်းသို့ ချီကာ ရွှေငွေများကို ယူဆောင်ပြီး အယုဒ္ဓယမြိုသို့ ပြန်ပြီး စစ်ပြင်လေ၏။ ထိုအချိန်တွင် လင်းဇင်းသို့ စပါးသွားသိမ်းသော ပုဂံမင်းကို လင်းဇင်းစားမှ ပြန်လည် ခုခံ တိုက်ခိုက် သဖြင့် စပါးမရသည်အပြင် စစ်ရူံးပြီး ပြန်လာသည့်အတွက် ပုဂံစားကို ဘုရင့်နောင်မှ အမျက် အလွန်ထွက်ပြီး  မီးတိုက်ပြီးသတ်ရန် အမိန့်ပေးလေသည်။

ထိုအခါ မင်းဆရာတော်များမှ ထို မီးတိုက်ကွင်းသို့ လာကာ ပုဂံမင်းကို လွှတ်ပေးလေသည်။ မင်းဆရာ ဖြစ်သောကြောင့် ရဲမက်များလည်း မလွန်ဆန်ဝံဘဲ လွှတ်ပေးလေ၏။ ဘုရင့်နောင်သည် ထိုအကြောင်းကို ကြားသော်လည်း မည်သို့မျှ ဆိုခြင်းမရှိပေ။ ( မင်းဆရာများကို ဘုရင်တစ်ဦးတည်းမှ ကိုးကွယ်ခြင်း မဟုတ် အနယ်နယ်အရပ်ရပ်မှ နယ်စား၊မြို့ စားများမှလည်း ကိုးကွယ်၏၊ အရေးအကြောင်းကြုံ လျှင် မင်းဆရာများကို ကပ်ကာ မင်းဒဏ်မှ လွှတ်အောင် ကြိုးစားကြ၏၊ )

ဘုရင့်နောင်လည်း လင်းဇင်းစား မှ အာခံခြင်း၊ ယိုးဒယားမင်းမှ ပြန်လည် ပုန်ကန်ခြင်း တို့ကြောင့် ဒုတိယ အကြိမ် ယိုးဒယားသို့ ထပ်မံ ချီတက်တိုက်ခိုက်ရန် စစ်ပြင်ဆင်လေတော့သည်။ 

Share:

No comments:

Post a Comment