ယူနန်သြဇာခံနယ်စားများ နှင့် တိုက်ပွဲ

အေဒီ ၁၅၆၂ တွင် ယူနန်သြဇာခံဖြစ်သော ဟိုသာ၊လာသာ၊မိုးနား နယ်စားများမှ မိုးမိတ်စော်ဘွား၏ ကျေးရွာ အပိုင်ကို ထိပါးလာသဖြင့် မိုးမိတ်စော်ဘွားမှ ဘုရင့်နောင်ထံ စာပို့လေသည်။ ဘုရင့်နောင်လည်း မိမိ၏ ပိုင်နက်ကို ထိပါးလာသော နယ်စားများကို တိုက်ရန် ပြင်ဆင်ပြန်လေ၏။ ထိုအခါ မှူးမတ်များမှ ထိုနယ်များ သည် မင်တရုတ်၏ သြဇာခံနယ်များဖြစ်ပြီး စစ်ဖြစ်လျှင် ယူနန်ဘုရင်ခံမှ စစ်ကူလွှတ်လိမ့်မည်။ ထိုသို့ စစ်ကူ လွှတ်လျှင်လည်း ကျွန်တော်တို့က နိုင်အောင်တိုက်မည် ဟု လျှောက်ကြလေ၏။

မှူးမတ်များ၏ လျှောက်တင်ချက်အားရတော်မူပြီး ကိုယ်တော်တိုင် ချီမည်ဟု မိန့်လျှင် ဗညားဒလမှ မင်းတရား သည် နှစ်တိုင်း စစ်ချီရသည်မှ ကိုယ်တော်ပင်ပန်းလှသည် ယခု တစ်ချီတွင်မူ ညီတော်၊သားတော် များကိုသာ ချီစေပါ၊ ကျွန်တော်တို့မှ အရေးတော်ကို အောင်မြင်အောင် ကြံဆောင်မည်ဟု လျှောက်တင်လေ၏။ ဘုရင့်နောင်လည်း သဘောတော်ကျလျက် စစ်အင်အား တစ်သိန်းနှစ်သောင်း နှင့် ရှမ်းစော်ဘွားများ၏ အင်အား ၄ သောင်းကျော်ဖြင့် ချီတက်စေလေသည်။

အေဒီ ၁၅၆၃ ဇန်န၀ါရီ ၂၅ တွင် ဟံသာဝတီနေပြည်တော်မှ အလုံးအရင်းဖြင့် ချီတက်လေ၏။ ထိုနှစ်တွင် တရုတ်ပြည်တွင် တရုတ်မင်း Jiajing ( ၁၅၂၁- ၁၅၆၇ ) အုပ်ချူ ပ်နေစဉ်ဖြစ်သည်။ ချီတက်ပြီး စစ်ကြောင်း ၂ ကြောင်းခွဲကာ မဟာဥပရာဇမှ မိုးနား၊ အင်းဝစားမှ ဟိုသာ၊လာသာ ကို ချီတက်လေသည်။ နယ်စားတို့လည်း ဟံသာဝတီတပ်များ အလုံးအရင်းဖြင့် ချီလာသည်ကို သိသဖြင့် ယူနန်ဘုရင်ခံ ထံ စစ်ကူတောင်းလေသည်။

ယူနန်ဘုရင်ခံထံမှ သတ်မှတ်သည့်အချိန်တွင် စစ်ကူရောက်လာခြင်းမရှိသဖြင့် နယ်စားတို့လည်း ကြံရာမရ ဖြစ်နေလေသည်။ ဟံသာဝတီတပ်များလည်း ဟိုသာကို စတင်တိုက်ခိုက်လေ၏။ ဟိုသာနယ်စားမှ မခံနိုင်ဘဲ မြို့ ပြင်ထွက်ပြီး ခုခံလေသည်။ ဟံသာဝတီတပ်များလည်း လိုက်ကာ အပြင်းအထန်တိုက်လေ၏။

ထိုနယ်တစ်ဝိုက်တွင်ရှိသော မိုင်းဝန်း၊ကိုင်းမား၊မိုင်းလျဉ်း တို့လည်း ဟိုသာနယ်စားဘက်မှ ကူကာ တိုက်ခိုက် ပေးလေသည်။ သို့သော် ဟံသာဝတီဘက်မှ အပြင်းအထန် တိုက်သဖြင့် နယ်စားများ မခံနိုင်တော့ဘဲ လက်နက်ချလေသည်။ ဟိုသာနယ်စား လက်နက်ချသည်ကို ကျန်နယ်စားများ ကြားလျှင်
ရွှေငွေလက်ဆောင်များဖြင့် လက်အောက်သို့ ၀င်လာလေသည်။

ဟံသာဝတီနေပြည်တော်တွင်မူ ဘုရင့်နောင်မှ မင်းဆရာ သီတင်းသုံးသော အရပ်တွင် ကျောင်းပေါင်း ၄၀ ဆောက်ကာ အလှူ အဒါန်း ပြု လေသည်။လွန်ပြီဖြစ်သော ရွှေနန်းကြော့ရှင် နရပတိ၏ တူမတော် ကိုလည်း ရာဇဒေ၀ီ ဟူသော အမည်တော်ဖြင့် မိဖုရားကြီး အဆောင်အယောင်ဖြင့် ထားလေသည်။ မိမိ၏ သားတော် အရေးတော်အောင်မြင်ကြောင်း သတင်းရလျှင် အလွန်အားရတော်မူလေသည်။

ထိုအောင်ပွဲကို နန်းတွင်းတွင် ကျင်းပနေစဉ် မှူးမတ်တစ်ဦးမှ ဘုရင့်နောင်အား ဆင်ဖြူ အကြောင်း လျှောက် တင်လေသည်။ ဘုရင့်နောင်လည်း ဆင်ဖြူ ကို ဘယ်မှာရနိုင်သနည်းဟု မေးလေသော် မှူးမတ်တို့မှ ယိုးဒယားပြည်တွင် ဆင်ဖြူ  ၄ စင်းရှိသည်ဟု ကုန်သည်များမှ ကြားသိရပါသည်၊ ရာဇသံများဖြင့် စေလွှတ် လျှင် ဘုန်းတော်ကြောင့် ဆင်ဖြူ ဆက်သလာမည် ဖြစ်သည်ဟု လျှောက်တင်ကြလေရာ ဘုရင့်နောင် လည်း စာပေတွင် ကျွမ်းကျင်တော်မူသော ဗညားဒလကို စာပေစီကုံးစေပြီး ယိုးဒယားသို့ သံအဖြစ် စေလွှတ်လေ သည်။
Share:

No comments:

Post a Comment