ဘုရင့်နောင် မဏိပူရသို့ စစ်ချီခြင်း

အေဒီ ၁၅၅၉ တွင် ဘုရင့်နောင် လက်အောက်ခံ အင်းဝနယ်အပိုင်ဖြစ်သော မြောက်ဘက် ကျေးရွာများကို မဏိပူရပြည်မှ ထိပါးဖျက်ဆီး လာသည်ဟု ကလေးစော်ဘွားမှ နေပြည်တော်သို့ သတင်းပို့လေ၏။ ဘုရင့်နောင်လည်း နန်းတော်ရှိလွှတ်တော်တွင် ကသည်းပြည်ကို တိုက်သင့်၊မတိုက်သင့်ကို ဆွေးနွေးလေ
သည်။ မှူးမတ်၊၀န်ကြီး တချို့ မှ ရှမ်းစော်ဘွားများကို အမိန့်တော်ပို့ကာ သွားတိုက်စေပါက မိမိတို့ ရဲမက်တော် များ ပင်ပန်းရမည် မဟုတ်ကြောင်းလျှောက်လေသည်။

ထိုအခါ ဗိုလ်မှူးဗညားဒလမှ ကသည်းပြည်သည် သာမန်တိုင်းပြည်နိုင်ငံ မဟုတ် ဘုရင်ကား ထီးတစ်စင်းဆောင်း မင်းဖြစ်၏။ အင်အားလည်း ကြီး၏။ ဘ၀ရှင်မင်းတရား ကိုယ်တိုင်ချီလျှင် ဘုန်းအရှန်အ၀ါ အကျော်အစော ဖြစ်ပြီး ရန်သူအပေါင်း အလွန်ကြောက်ရွံခြင်း ဖြစ်လိမ့်မည် ဟု လျှောက်ပြန်လေသော် ဘုရင့်နောင်မှ သဘောကျကာ ကုန်းကြောင်းအား မြင်း သုံးထောင်၊ စစ်သည်ရဲမက် ငါးသောင်း ၊ ရေကြောင်းမှ တိုက်လှေ ငါးထောင်၊ စစ်သည်ရဲမက် ငါးသောင်းဖြင့်
နေပြည်တော်မှ အေဒီ ၁၅၅၉ ဒီဇင်ဘာတွင် ထွက်တော်မူလေသည်။


ဗညားဒလကိုလည်း ရှေ့တော်ပြေးစေကာ ရာဇသံအဖြစ်လွှတ်လေသည်။ ကသည်းဘုရင်လည်း ဗညားဒလ ၏ ရာဇသံအမိန့်ကို ဖတ်ပြီး မိမိ၏ အင်အားကို သုံးသပ်ကာ တိုက်လျှင် အရေးမသာသည်ကို တွေ့သဖြင့် မိမိ၏ ယောက်ဖတော်ကို ဗညားဒလနှင့် လိုက်စေကာ ဘုရင့်နောင်အမျက်တော်ပြေရန် လက်ဆောင်များစွာ
ဖြင့် ဆက်သလေသည်။

ဘုရင့်နောင်လည်း လက်ဆောင်များကို လက်ခံလေလျှင် ကသည်းဘုရင်မှ မိမိ၏ သမီးတော်အား ဘုရင့်နောင်ကို ဆက်သပါမည် မြို့ တော်သို့ ကြွတော်မူကာ လက်ခံပါရန် လျှောက်သဖြင့် ဘုရင့်နောင် လည်း မိမိ၏ တပ်တော် ခုနှစ်တပ်လုံးဖြင့် ကသည်းမြို့ သို့ ချီတက်လေသည်။ မြို့ သို့ ရောက်လျှင် အမျိူးမျိူးသော ဆင်ရေး မြင်းရေး၊ ဒိုင်းရေး၊ ကာရေးများကို ကစားစေရ၏။ အမြောက်သေနတ်များကိုလည်း ပဲ့တင်ထပ်သမျှ ပစ်စေပြီးမှ မြို့ တွင်းသို့ အခမ်းအနားဖြင့် ၀င်တော်မူလေသည်။

ဘုရင့်နောင်လည်း ကသည်းမဏိပူရအရေး ပြီးလျှင် ကသည်းပြည်မှ ပြန်လာရာ နေပြည်တော်သို့ အေဒီ ၁၅၆၀ မေ ၂၇ တွင် ပြန်ရောက်လေ၏။
Share:

No comments:

Post a Comment