ရှမ်းကိုးပြည် တွင်ပါဝင်သော မိုးညှင်းပြည် နှင့် မိုးမိတ်ပြည် ကို ဘုရင့်နောင် သိမ်းပုံ

အေဒီ ၁၅၅၆ တွင် အုန်းပေါင်စော်ဘွားကြီး စ၀်ဆိုင်လုံ နှင့် မိုးနဲစော်ဘွား တို့ စစ်မက်အကြီးအကျယ် ဖြစ်ကြ
ပြီး မိုးနဲစော်ဘွားမှ အနိုင်ရကာ အုန်းပေါင်စော်ဘွားလည်း စစ်ပွဲတွင် ကျလေသည်။ ထိုအကြောင်းကို ဘုရင့်နောင်ကြားရာ နံနက်မင်းညီလာခံတွင် အင်းဝပြည်၊မွန်ဟံသာဝတီတို့ကို သိမ်းပိုက်ပြီးပြီ၊ ရှမ်းစော်ဘွား ကိုးပြည်ထောင်၊ ယွန်းပြည် ( ယခု ချင်းမိုက်တစ်ဝိုက်)၊ ဂုံပြည် (ယခု ကျို င်းတုံနယ် ဂုံရှမ်းများ နေထိုင်ရာ ) ၊ ကသည်းပြည် ၊ များကို သိမ်းပိုက်ပြီး လက်အောက်ခံ အဖြစ် ထားလိုကြောင်း စသဖြင့် မိမိသဘောကို မိန့်လေ၏။

အမတ်နှင့် စစ်သူကြီးများကလည်း စစ်ရေးအမြင်များကို အကြိတ်အနယ် လျှောက်တင်ကြလေ၏။ စစ်သူကြီး တစ်ဦးဖြစ်သော ဗညားဒလမှ ဘုရင့်နောင်မင်းတရား အား ရေကြောင်းမှ ချီတက်သင့်၊ မိမိနှင့် အိမ်ရှေ့မင်းသား၊ ညီတော်၊သမက်တော် နှင့် အမှူးအမတ်များကမူ ကုန်းကြောင်း နှစ်ကြောင်း ဖြင့် မြေပြင် အနှံ ချီတက်ပြီး မြို့ ရွာများကို တိုက်ခိုက် သိမ်းပိုက်ပါက ကျရူံးစရာမရှိကြောင်း စသဖြင့် လျှောက်ထားကြရာ စစ်ချီတက်လိုသော အမတ်များမှ ၀ိုင်းဝန်းထောက်ခံကြသဖြင့် ရှမ်းပြည်ကို သိမ်းပိုက်ရန် အမိန့်တော် ထုတ်လေသည်။ အေဒီ ၁၅၅၆ နိုဝင်ဘာလ ၉ ရက်တွင် နေပြည်တော်မှ စစ်အင်အား တစ်သိန်းရှစ်သောင်း ဖြင့် ထွက်တော်မူလေ၏။

 ထိုသို့ ချီတက်လာရာ တွင် မိုးညှင်းစော်ဘွား၏ ယောက်ဖမှ ဘုရင့်နောင်ထံ အခစားဝင်လာပြီး မိုးညှင်းမြို့ အနေအထား မှန်သမျှ ကို လျှောက်တင်လေ၏။ ဘုရင့်နောင်လည်း မိမိ၏ သားတော်၊ညီတော်၊သမက်တော် ကို မိုးညှင်းအား သိမ်းပိုက်စေပြီး မိမိကိုယ်တော်မှာမူ မိုးမိတ်မြို့ ကို တိုက်လေသည်။

မိုးမိတ်စော်ဘွားလည်း စစ်အင်အား ၄သောင်းဖြင့် လမ်းခရီးတွင် ကြိုကာ တိုက်လေသည်။ ဘုရင့်နောင်၏ ရှေ့ပြေးမြင်းတပ်နှင့် တိုက်ရင်း ဘုရင့်နောင်တပ်မခံနိုင်ကာ ဆုတ်ရလေ၏။ မြင်းတပ်ပြေး
သည်ကို စော်ဘွားမြင်လျှင် စည်တော်ကို တီးစေပြီး နောက်မှ လိုက်စေလေ၏။ ဘုရင့်နောင်လည်း ချွန်းဖွင့်ကာ စစ်ရဲမက်အားလုံးကို တိုက်ရန် စည်တီးစေလေ၏။ နှစ်ဦးနှစ်ဖက် အလုံးလုံးအထွေးထွေး တိုက်ကြရာ မိုးမိတ်စော်ဘွား နှင့် ဘုရင့်နောင်တို့ ဆင်စီးချင်းထိုးရာ မိုးမိတ်စော်ဘွားဆင်မှ မခံနိုင် ဖြစ်လာ နေရာ မိုးမိတ်စော်ဘွား၏ သားမက်မှ ကြားဖြတ်ဝင်ပြီး စီးချင်းထိုးကာ စော်ဘွားအား နောက် ဆုတ်ရန် အချက်ပေးလေသည်။ မိုးမိတ်စော်ဘွားလည်း တပ်ကို ဆုတ်ကာ မြို့ တွင်းသို့ ၀င်လေ၏။

ထိုအချိ်န်တွင် မြို့ တွင်းတွင် ဘုရင့်နောင်၏ သူလျှိူ  များဖြစ်သော ဗညားလောနှင့် ဗညားကျန်းထော တို့မှ အသေခံရဲမက် ၂၀၀ ဖြင့် စော်ဘွား၏ လက်ကျန် တပ်များကို စတင်တိုက်ခိုက်လေ၏။ မြို့ တွင်း ရုတ်ရုတ် ရုန်းရုန်း ဖြစ်နေချိန် သူလျှိူ  များမှ မြို့ တံခါးကို ဖွင့်လိုက်ရာ ဘုရင့်နောင်တပ်များ အလုံးအရင်းဖြင့် ၀င်တိုက် သဖြင့် မိုးမိတ်မြို့ ကျလေသည်။ စော်ဘွားလည်း ပြေးတော်မူလေ၏။ ဘုရင့်နောင်လည်း မိုးမိတ်တွင် တပ်စခန်းချကာ မိုးညှင်းမြို့ ကို အနိုင်တိုက်လာသော မိမိ၏ သားတော်ကို စောင့်တော်မူလေသည်။


Share:

No comments:

Post a Comment