မင်းကြီး ရန်နောင် ၏ အကြံ

မင်းကြီးရန်နောင်သည် အင်းဝရွှေနန်းကြော့ရှင်၏ ညီတော်ဖြစ်ပြီး အင်းဝမြို့ကျချိန်တွင် တောထဲသို့ ရှောင် ရှား နေခဲ့သည်။ ထိုသို့ ရှောင်ရှားနေသော မင်းကြီးရန်နောင်ကို အင်းဝမှူးမတ်တို့ တိုက်တွန်းချက်ဖြင့် မိုးညှင်းစော်ဘွားမှ သွားရောက်ခေါ်စေပြီး ပြင်စည်မြို့ကို ပေးစားကာ မိမိ၏ သားတော်ဖြစ်သော စ၀်ဆေဟန်ဖ (ခေါ်) သိုဟန်ဘွား အား အစစအရာရာတွင် သွန်သင်ပေးရန် မိန့်ကြားကာ မိုးညှင်းသို့ 
ပြန်လေသည်။ 
သိုဟန်ဘွားလည်း ဖခမည်းတော်စီမံမူ့ဖြင့် အင်းဝထီးနန်းကို သိမ်းကာ ဘုရင်လုပ်လေ၏။ အင်းဝဘုရင် စ၀်ဆေဟန်ဖ သည် ဘုရင်ဖြစ်သော် ပြည်၊တောင်ငူ သို့ ချီတက်သိမ်းပိုက်လိုကြောင်း မင်းကြီးရန်နောင် နှင့် တိုင်ပင်သည်။ မင်းကြီးရန်နောင်လည်း အကယ်၍ စ၀်ဆေဟန်ဖ ချီတက်လျှင် ပြည်နှင့်တောင်ငူ တို့ ခံနိုင် မည်မဟုတ်၊ နောင်တချိန် အင်းဝကို ပြန်လည်သိမ်းမည့် အစီအစဉ်လည်း ပျက်သွားနိုင်သဖြင့် ဘုရင်ဖြစ်သည် မကြာသေး ဘုန်းတော်ကြောင့် အလိုလို ညွတ်လှာလိမ့်မည် ဟု စသဖြင့် စကားအလိမ္မာသုံး ကာ လျှောက်သဖြင့် သိုဟန်ဘွားလည်း မချီတက်တော့ဘဲ နေလေ၏။

အေဒီ ၁၅၃၀ တွင် တောင်ငူစား အနိစ္စရောက်ကာ သားတော် မင်းတရားရွှေထီး မှ မြို့ကို အုပ်ချူပ်လေ၏။ 
အေဒီ ၁၅၃၂ အရောက်တွင် မိုးညှင်းစော်ဘွားမှ အင်းဝသို့ ချီလာပြီး သားတော်သိုဟန်ဘွားကို ခေါ်ကာ စစ်အင်အား တစ်သိန်းနှစ်သောင်းဖြင့် ပြည်သို့ ချီတက်လေသည်။ ပြည်စားလည်း မြို့ကို သေချာစီမံကာ အခိုင်အခံပြုထားလေ၏။ 

မင်းကြီးရန်နောင်လည်း ပြည်စားဆီသို့ လျှို့ဝှက်စာ ပို့ကာ မိုးညှင်းမင်းထံ အညံခံစေလေ၏။ ပြည်စားလည်း မင်းကြီးရန်နောင် စာကို ဖတ်ပြီး မိုးညှင်းမင်းထံ အညံခံလေ၏။ မိုးညှင်းစော်ဘွားလည်း ပြည်မြို့ကို ရသော် အလိုပြည့်ပြီး မိုးညှင်းသို့ပြန်လေသည်။ 

မင်းကြီးရန်နောင်သည် မိမိ၏ မြို့ ရှမ်းလက်အောက် ရောက်သည်ကို မလိုလားသဖြင့် လွတ်မြောက်ရေးကို သာ အမြဲတမ်းကြံနေလေ၏။ သိုဟန်ဘွားမှာမူ မင်းကြီးရန်နောင်ကို မိမိ ညီအကို ကဲ့သို့ ယုံကြည်ကာ အတွင်းတော်သို့ အမြဲတမ်း အစစ်အဆေးမရှိ ၀င်စေလေ၏။ ရှမ်းအမတ်များမှ သတိထားရန် အမျိုးမျိုး လျှောက်တင်ပါမှ လက်နက်မကိုင်စေပဲ ၀င်စေလေ၏။ 

အင်းဝတွင် ရှမ်းများကြီးစိုးနေသည်ကို မလိုလားသော အင်းဝသား များမှ အောက်ပြည်သို့ စုန်ဆင်းကြရာ 
တောင်ငူတွင် အများဆုံး အခြေချမိလေ၏။ မင်းကြီးရန်နောင်လည်း မိမိလူများကို လွှတ်ကာ အောက်ပြည် ရှိ မြို့စားများနှင့် အမြဲတမ်း ဆက်သွယ်ကာ အင်းဝကို ပြန်လည်ရရှိရန် ကြိုးပမ်းလေ၏။



Share:

No comments:

Post a Comment