အင်းဝဘုရင် မဟာသီဟသူရ

အင်းဝဘုရင် နရပတိ သည် မြေးတော်လုပ်ကြံခြင်းမှ ခံရပြီးသည့်နောက် နေပြည်တော်သို့ မပြန်တော့ဘဲ သားတော် အိမ်ရှေ့မင်းအား အင်းဝထီးနန်းကို လွှဲအပ်ပေးလိုက်လေ၏။ သားတော် အိမ်ရှေ့မင်းလည်း အေဒီ ၁၄၆၈ ဇူလိုင် ၂၄ တွင် မဟာသီဟသူရ ဟူသောဘွဲ့ကို ခံယူပြီး အင်းဝထီးနန်း ကို သိမ်းပိုက်လေသည်။ 
နန်းတက်ပြီး အေဒီ ၁၄၇၀ အရောက်တွင် တောင်ငူစားမှ ပုန်ကန် သဖြင့် စစ်အင်အား ၁ သိန်းဖြင့် သားတော် အိမ်ရှေ့မင်း ကို ဦးဆောင်စေပြီး ချီတက်စေလေသည်။ တောင်ငူစားလည်း ဟံသာဝတီတွင် အုပ်စိုးနေသော မွန်ဘုရင်မ ရှင်စောပုထံ စစ်ကူတောင်းရာ ရှင်စောပုမှ မြင်းတစ်ထောင်၊စစ်သည် 
လေးသောင်း၊ တိုက်ဆင် နှစ်ရာ စစ်ကူပို့လေသည်။ 

အ၀ဘုရင့်တပ်များသည် တောင်ငူမြောက်တံခါးဘက်တွင် တပ်စခန်းချပြီး အခြေအနေကို စောင့်ကြည့် 
နေလေ၏။ ဟံသာဝတီမှ စစ်ကူလွှတ်ကြောင်း သတင်းရသဖြင့် အိမ်ရှေ့မင်းမှ အင်းဝဘုရင့်တပ် တစ်ဝက် ကို ဟံသာဝတီစစ်ကူချီတက်လာသော လမ်းကြောင်းသို့ လွှတ်ပြီး တိုက်ခိုက်စေလေ၏။ 

ထိုသို့ လမ်းခုလတ်တွင် စစ်တပ်နှစ်တပ် တွေ့ကြပြီး အပြင်းအထန် တိုက်ကြလေ၏။ ထို တိုက်ပွဲတွင် အင်းဝ ဘုရင့်တပ်မှ အနိုင်ရလေရာ စစ်သုံ့ပန်းနှင့် တိုက်ဆင်များစွာ ရလိုက်လေသည်။ မွန်တပ်ပျက်ကြောင်း တောင်ငူစား သိလျှင် လက်ဆောင်များစွာဖြင့် အိမ်ရှေ့မင်းသားထံ အသက်ချမ်းသာ ခွင့် ပြုပါဟု အညံခံလေ၏။

အိမ်ရှေ့မင်းသားလည်း တောင်ငူစားကို အသက်ချမ်းသာခွင့်ပြု လေ၏။ ထိုနောက် မိမိ၏ သွေးသောက်ဖြစ် သော ညောင်ရမ်းစားကို တောင်ငူမြို့ကို ပေးလေ၏။ 

အေဒီ ၁၄၇၁ အရောက်တွင် ဟံသသာဝတီတွင် မွန်ဘုရင်မ ရှင်စောပု နတ်ရွာစံပြီး ဓမ္မစေတီမင်း နန်းတက် လေသည်။ အေဒီ ၁၄၇၃ တွင် အင်းဝဘုရင် မဟာသီဟသူသည် သီရီလင်္ကာဘုရင် Bhuvanekabahu VI (1473-80) ထံသို့ သံအဖွဲ့စေလွှတ်ပြီး ဘုရင် နှင့် မိဖုရား၏ ဆံတော်ကို စွယ်တော်မြတ်တွင် တံမြက်တလင်း သုတ်သင်စေရန်အတွက် န၀ရတ်ကိုးပါးဖြင့် ကောင်းစွာ စီရင် စေပြီး အထူးထူးသော လက်ဆောင် များဖြင့် စေလွှတ်လေသည်။ 

သီရီလင်္ကာဘုရင်လည်း အင်းဝသံအဖွဲ့ကို ကောင်းမွန်စွာ ကြိုဆိုပြီး အထူးထူးသော နံ့သာ၊ကရမက် နှင့် လက်ဆောင်ပစ္စည်းများစွာတို့ကို သဘောင်္ဖြင့် အင်းဝဘုရင်ထံ ပြန်လည် ပို့ဆောင်ပေးလေ၏။ အင်းဝဘုရင် လည်း သဘောကျသဖြင့် သံအဖွဲ့ခေါင်းဆောင်ဖြစ်သော အမတ်ရာဇဗလ ကို ကျေးရွာအဆောင်အယောင် 
ပေးတော်မူလေသည်။ 
Share:

No comments:

Post a Comment