ဓည၀တီ( ရခိုင် ) နှင့် မဟာမိတ်ပြုခြင်း

အေဒီ ၁၄၄၈ (သက္ကရာဇ် ၈၁၆) တွင် ရခိုင်ပြည်မှ သံအမတ်များ အင်းဝနေပြည်တော်သို့ ရောက်ရှိလာ၏။ ရခိုင်မင်းမှ အင်းဝဘုရင်နှင့် ဖူးတွေ့ပြီး မဟာမိတ်ပြုလိုကြောင်း သံအမတ် လျှောက်ထားလေ၏။ ဘုရင်နရပတိလည်း လွှတ်တော်အစည်းအဝေးခေါ်ပြီး သွားသင့်မသွားသင့် ဆွေးနွေးလေသည်။

အမတ်များမှ ရခိုင်ပြည်တွင် ပညာအမြော်အမြင်နှင့် ပြည့်စုံသော အမှူးအမတ် များ၏။ ဆင်ကောင်း၊ မြင်းကောင်း စသဖြင့် အလုံးအရင်းလည်း များ၏။ အကောက်ကြံသော အစီအစဉ်မဖြစ် စေရန် မိမိတို့ဘက်မှ လည်း အလုံးအရင်းဖြင့် သေချာစွာ ချီတက်ကာ တွေ့ဆုံသင့်ကြောင်း လျှောက်ကြလေသည်။

(ဒတ်(ခ်ျ) ပန်းချီဆရာ ရေးဆွဲခဲ့သော ရခိုင်နေပြည်တော်)

အင်းဝဘုရင်နရပတိလည်း နောက်တနေ့တွင် ရခိုင်သံအမတ်ကို လက်ခံကြောင်း မိန့်ကြားပြီး နွယ်ငန်းတော တွင် တွေ့ဆုံမည် ဟု အကြောင်းပြန်စေလေသည်။ ရခိုင်သံအမတ်တို့ ပြန်လျှင် အင်းဝဘက်မှ စစ်အင်အား နှစ်သိန်း၊ တိုက်ဆင် တစ်ထောင့်ငါးရာ၊ မြင်းတပ် ၅ ထောင်၊ အလုံးအရင်းဖြင့် ချိန်းသည့် နေရာ သို့ အေဒီ ၁၄၅၅ ဖေဖော်ဝါရီ ၁၇ တွင် အင်းဝမှ ချီတော်မူလေ၏။

၁၄၅၅ မတ်လ ၂၀ တွင် ချိန်းထားသည့်နေရာဖြစ်သော ဘိုးခေါင်နွယ်ငန်းတော သို့ ရောက်ပြီး ကြီးကျယ်လှပ သော ယာယီနန်းတဲကို ဆောက်ကာ ရခိုင်ဘုရင်ကို စောင့်နေလေ၏။ ရခိုင်ဘုရင်လည်း အင်းဝနရပတိရောက်ပြီး နောက်နှစ်ရက်တွင် ရောက်လာလေသည်။

ရောက်လျှင် မင်းနှစ်ပါး တွေ့ဆုံရန် နေရာသတ်မှတ်ပြီး နန်းတဲ ဆောက်ကာ အဆောင်အယောင် ခန်းခန်း နားနား ဖြင့် တွေ့ဆုံကြလေသည်။ ထိုတွေ့ဆုံပွဲတွင် အင်းဝနှင့်ရခိုင် နယ်နိမိတ်ကို အတိအကျ သတ်မှတ် နိုင်ခဲ့လေသည်။ မင်းနှစ်ပါး လည်း ထီးဖြူ  အစရှိသော မင်းတို့၏ အဆောင်အယောင် ကို အချင်းချင်း လှဲလှယ်ကြပြီး မဟာမိတ်ပြု လေသည်။


Share:

No comments:

Post a Comment