မင်တရုတ် (Ming Dynasty) မှ ရှမ်းစော်ဘွားများ ပိုင်နက် သို့ ချီတက်လာခြင်း

မိုးညှင်းမင်း၏ သားတော်အငယ်ဆုံး သီဟသူ သည် နရပတိ ဟု အမည်ခံယူပြီး အင်းဝတွင် မင်းလုပ်
အုပ်ချူ ပ်လေ၏။ ဘုရင်ဖြစ်သော် ရမည်းသင်းမြို့  နှင့် ပင်လယ်မြို့ ကို  ခြေလျင် စစ်သည် ၈ သောင်း၊ မြင်းတပ် ခြောက်ထောင်၊ ဆင်တပ် သုံးရာ ဖြင့်တိုက်ခိုက်စေ၏။ ရမည်းသင်းစားလည်း အင်းဝတပ် များ စစ်မတိုက်ခင် လက်နက်ချကာ အညံခံလေ၏။

ပင်လယ်မြို့ ကို ၀ိုင်းရံပြန်လေသည်။ ပင်လယ်မြို့ သည် ရှမ်းစော်ဘွားများ၏ ပံ့ပိုးမူကို အထူးရရုံသာမက လက်နက်စိန်ပြောင်းကြီး များကလည်း ထူထပ်သဖြင့် အင်းဝတပ်များ မြို့ အနီး ကပ်လို့ မရဘဲ မြို့ နှင့် မနီးမဝေး နေရာတွင် စခန်းချကာ ၀ိုင်းရံထားလေသည်။

ထိုသို့ ၀ိုင်းရံနေစဉ် မင်တရုတ်တပ်များ ရှမ်းစော်ဘွားများ(မောပြည်) အတွင်းသို့ ၀င်ရောက်လာလေသည်။ တရုတ်တပ်များ သည် မိုင်းမောကို သိမ်းကာ အခိုင်နေပြီး ကျန်ရှိနေသော စော်ဘွားပိုင်နယ်များကို သိမ်းရန် ပြင်ဆင်လေသည်။ ရှမ်းစော်ဘွားများလည်း အင်းဝသို့ သံစေလွှတ်ကာ စစ်ကူတောင်းလေ၏။

(ဆင်တပ်အပြင်အဆင်)

ဘုရင် နရပတိလည်း ရှမ်းစော်ဘွားများ တောင်းသော စစ်ကူကို လက်ခံလေသည်။ တရုတ်တို့လည်း အင်းဝ နှင့် မောပြည် ပူပေါင်းသည့် သတင်းရသည် နှင့် ဗန်းမော်ကိုချီတက် သိမ်းပိုက်ပြီး ဧရာဝတီမြစ်ဖြတ်ကူးရန် တံတားဆောက်လေသည်။ ထိုသို့ အင်းဝတွင် စစ်ရေးကြုံ နေသည်ကို အခွင့်ကောင်းယူပြီး အေဒီ ၁၄၄၃ တွင် ပင်လယ်စားသည် ရမည်းသင်းမြို့ ကို တိုက်ခိုက်သိမ်းပိုက်လေ၏။

အင်းဝဘုရင် နရပတိမှာမူ တရုတ်ကို တိုက်ရန် ပြင်ဆင်မူသာ ပြုလုပ်နေလေ၏။ အေဒီ ၁၄၄၄ တွင် ကျူးကျော် လာသည့် မင်တရုတ်တပ် ကို အင်းဝနှင့်မောပြည်(ရှမ်း) ပူးပေါင်းတပ်များ ဆီးကြိုတိုက်ခိုက်လေသည်။ ပူးပေါင်းအင်းအား မှာ တိုက်ဆင် ရှစ်ရာ ၊ မြင်း တစ်သောင်းငါးထောင်၊ ခြေလျင်စစ်သည် နှစ်သိန်း ငါးသောင်း၊ ရေတပ် အင်အား ရှစ်သောင်း ဖြင့် ခုခံလေ၏။

မင်တရုတ်တို့လည်း စစ်ကြောင်းလေးကြောင်း ဖြင့် ချီတက်လာသည်။ စစ်ကြောင်း တစ်ကြောင်းတွင်
သန်းချီသော စစ်သည်များဖြင့် ချီတက်လာသည်။ ကောင်းတုံတွင် အင်းဝတပ်နှင့် တရုတ် စစ်သူကြီး တစ်ဦး ဦးဆောင်သော စစ်ကြောင်း နှင့် အပြင်းအထန် တိုက်ခိုက်ကြလေသည်။ တရုတ်တပ်များသည် ဆင်တပ်ကို မမြင်ဖူးသဖြင့် ကြောက်လန့်ကြကုန်၏။

ထိုသို့ တစ်ဘက်နှင့် တစ်ဘက် အပြင်းအထန်တိုက်ရင်း တရုတ်စစ်သူကြီး ကျလေသည်။ တရုတ်စစ်သည် များလည်း အစားသောက်ရိက္ခာ မလုံလေက်သဖြင့် မိုးဝန်း သို့ ဆုတ်လေ၏။ ရှမ်းစော်ဘွား ဖြစ်သော မိုးကောင်းစော်ဘွား နှင့် မိုးနဲ့စော်ဘွား တို့သည် ဗန်းမော်တွင် အခိုင်ပြန်နေ လေ၏။ တရုတ်တို့လည်း ရိက္ခာအင်အားစုပြီး ထပ်မံတိုက်ရန် ပြင်ဆင်နေပြန်၏။ မင်တရုတ် တို့ ရည်ရွက်ချက်မှာ အာရှတခွင်ကို သိမ်းပိုက်ရန်ဖြစ်သည်။ ထိုခေတ်တွင် ကိုးရီးယားသည် မင်မင်းဆက်၏ သြဇာခံ ဖြစ်နေ၏။ မင်မင်းဆက်သည် ပိုမိုကျယ်ပြန့်သော အင်ပါယာကို ထူထောင်လိုခြင်းဖြစ်သည်။

Share:

No comments:

Post a Comment