မိုးညှင်းမင်း၏ ငြိမ်းချမ်းရေး

မိုးညှင်းမင်း၏ တပ်များ ပြည်မြို့ အနီးတွင် ခံတပ်ဆောက်ကာ အခိုင်အမာ တပ်စွဲ ထားလေ၏။ တစ်ညသော် မိုးညှင်းမင်းသည် ရုပ်ဖျက်ကာ အင်းဝတပ်သားတဲ အနီးအနားသို့ လှည့်လည်သွားရာ တပ်သားများ၏ ပြော ဆိုသော စကားများကို ကြားပြီး နှလုံးမသာမယာ ဖြစ်လေ၏။

မိုးညှင်းမင်းသည် စစ်ကို လိုလားသူမဟုတ်၊ သို့ကြောင့် မိမိ နန်းတဲသို့ အမတ်များကို ခေါ်ပြီး၊ ဟံသာဝတီနှင့် သံတမန်အရေးဖြင့် ပြီးလိုကြောင်း စသဖြင့် မိမိ၏ ဆန္ဒကို မိန့်လေ၏။ ရာဇသင်္ကြဘွဲ့ရ အမတ် မှ မိုးညှင်းမင်း အား အကြံတခု လျှောက်တင်လေ၏။ အကြံကား ဗညားရံ သို့ စတုရင်္ဂဗိုလ်ကို ထပ်မံ စေလွှတ်ပြီး မိုးညှင်းမင်း၏ ဆွေတော်မျိူးတော်ထဲမှ ချောမော လှပ သည့် အနွယ်တော် မင်းသမီး ၏ လှဂုဏ်ကို ကဗျာ ဖြင့် မသိမသာ ဆိုစေပြီး ဗညားရံ စိတ်ဝင်စားလာသည် အထိ ရက်တိုင်း အမျိူးမျိူး ဆိုခိုင်းလေ၏။ ဗညားရံ စိတ်ဝင်စားဟန် ပြုလျှင် မိုးညှင်းမင်းမှ ရွှေလမ်းငွေလမ်း ခင်းလိုကြောင်း ရာဇသံ ပို့ကာ အနွယ်တော်ဖြင့် စုံဖက်လျက်လျှင် စစ်ရေးမှ လွှတ်နိုင်ကြောင်း လျှောက်တင်လေ၏။

မိုးညှင်းမင်းလည်း ထိုအကြံကို သဘောတူကာ ရာဇသင်္ကြအမတ် လျှောက်တင်သည့်အတိုင်း စတုရင်္ဂဗိုလ် ကို စေလွှတ်လေသည်။ စတုရင်္ဂဗိုလ်သည်လည်း ရာဇသင်္ကြအမတ်၏ အကြံအတိုင်း လုပ်ဆောင်လေ၏။ စကားအရာတွင် လိမ္မာသူ တစ်ဦးဖြစ်ပြီး ဗညားရံ သဘောတွေ့သော အင်းဝသံအမတ် ဖြစ်လေရာ ၇ ရက် ဗညားရံထံတွင် အခစား နေလေ၏။

၇ ရက်မြောက်သော် ဗညားရံသည် စတုရင်္ဂဗိုလ် ဖော်ကြူးသော မင်းသမီးအကြောင်း စကားစပ်လေ၏။ ထိုအခါ စကားအရာ လိမ္မာသော စတုရင်္ဂဗိုလ်လည်း ချက်ကောင်းမိသဖြင့် အမျိူးအမျိူးအထွေထွေ သော စကား ကို ဆိုလေရာ ဗညားရံ သဘောတွေ့လေ၏။

ဗညားရံသည် ဘုရင်တစ်ပါး ဖြစ်သဖြင့် မိမိ လိုချင်ကြောင်း တိုက်ရိုက်မပြောသော်လည်း စတုရင်္ဂဗိုလ်မှာ အရိပ်အကဲ နားလည်းသူဖြစ်ရာ ထိုမင်းသမီးကို ဗညားရံ နှင့် လက်ဆက်စေရန် အရေးတော်ကို အောင်မြင်
အောင်ဖော်ဆောင်ပေးမည်ဟု ဗညားရံထံ လျှောက်တင်ပြီး မိုးညှင်းမင်းထံ သို့ ပြန်လာလေ၏။

ထိုမှ အရေးတော် အောင်မြင်ကြောင်း လျှောက်ထားလေရာ မိုးညှင်းမင်းလည်း မိမိ၏ ဆွေတော်မျိူးတော် ထဲမှ အချောအလှ မင်းသမီးတစ်ပါး ကို ဆင်ပေါ်စီးစေလျက် ဗညားရံဖြင့် စုံဖက်စေလိုကြောင်း ရာဇသံ ဖြင့် ပေးပို့လေသည်။

ဗညားရံလည်း မနီးမဝေးမှ နေကာ ဆင်ပေါ်ရှိ မင်းသမီးကို ရူစားပြီး သဘောတော်ကျ လျက် မိုးညှင်းမင်း၏ ရာဇသံကို လက်ခံလေသည်။ ထိုနောက် မွန်အမတ်နှင့် အင်းဝ အမတ်တို့မှ ဗညားရံမင်္ဂလာပွဲကို မင်းခန်းမင်းနား ဖြင့် အကြီးအကျယ်ဖြစ်အောင် စီစဉ်လေ၏။ (မှတ်ချက်။  ။ ရာဇသင်္ကြအမတ် ထိုအကြံကို လျှောက်ပြီးသော် မိုးညှင်းမင်းအမိန့်ဖြင့် အင်းဝတွင် ရှိနေသော တူမတော်ထဲမှ အချောဆုံးတူမတော်ကို အလျင်အမြန် မိုးညှင်းမင်းရှိရာသို့ ခေါ်လာရလေသည်။ ခေါ်ဆောင်ရာတွင် မိုးညှင်းမင်း၏ သက်တော်စောင့်များကိုယ်တိုင် အင်းဝအထိ သွားကာ စောင့်ကြပ်ပြီး ခေါ်လာရသည်ဟု ဆိုသည်)

 ဗညားရံ မင်္ဂလာပွဲကို အကြီးအကျယ် ခန်းခန်းနားနား ဖြစ်အောင် စီစဉ်ပြီး မိုးညှင်းမင်းကိုယ်တော်တိုင် တက်ရောက်လေ၏။ ထိုမင်္ဂလာပွဲ ပြီးသော် အင်းဝပိုင်နက် နှင့် ဟံသာဝတီပိုင်နက် စသဖြင့် ပိုင်းခြား သတ်မှတ်ပြီး မိုးညှင်းမင်းလည်း အင်းဝသို့ ပြန်လေ၏။ မိမိ၏ တူမတော်ကိုလည်း အပျိူ တော် နှစ်ရာ ပေး အပ်ကာ၊ အရေးအကြောင်း ပေါ်လျှင် သတင်းပို့နိုင်ရန် ငှက်တစ်ကောင်ကို လျိူ့ ဝှက် ပေးထားလေသည်။

မင်းနှစ်ပါး လည်း ဘုရားရှေ့တွင် သစ္စာပြု ပြီး ပြန်တော်မူလေ၏။ ဗညားရံလည်း မိုးညှင်းမင်း၏ တူမတော်ကို ဟံသာဝတီ ရောက်လျှင် မိဖုရားကြီး အရာသို့ ပေးပြီး၊ ကြာသော် သားတော် လိတ်မွန်ထော ကို မြင်လေ၏။
ဤသို့ဖြင့် သမီးကညာစုံဖက်ခြင်းဖြင့် အင်းဝနှင့်ဟံသာဝတီ စစ် မဖြစ်တော့ဘဲ မိုးညှင်းမင်း နတ်ရွာစံသည်အထိ တိုင်းပြည်မှာ အေးချမ်းသာယာ ခဲ့လေ၏။

Share:

No comments:

Post a Comment