မိုးညှင်းမင်းလက်ထက် ဟံသာဝတီနှင့် စစ်ဖြစ်ခြင်း

သက္ကရာဇ် ၇၉၈ (အေဒီ ၁၄၃၆) တွင် တောင်ငူမြို့ စား စောလူးသင်္ခယာ နှင့် သာယာဝတီမြို့ စား တို့သည် ဟံသာဝတီဘုရင် ထံသို့ လက်ဆောင်များ ဆက်သကာ ပြည်မြို့ ကို လုပ်ကြံတော်မူရန် လျှောက်ထားကြ၏။ ဗညားရံလည်း အကျိူးအကြောင်းသုံးသပ်ပြီးသော် တိုက်ဆင် သုံးရာ၊ မြင်း တစ်ထောင်၊ စစ်သည် ငါးသောင်း ဖြင့် သမိန်ပရမ်းကို ဗိုလ်မှူးခန့်ကာ ပြည်မြို့ ကို လုပ်ကြံတိုက်ခိုက်စေလေသည်။

ဗညားရံမှာမူ ရေကြောင်း စစ်သူရဲ ငါးသောင်းဖြင့် ချီတက်လာ၏။ ထိုစစ်သတင်းကို ပြည်စား သိလျှင် အင်းဝ နေပြည်တော်သို့ ငှက်ဖြင့် စာပို့အကြောင်းကြားကာ ပြည်မြို့ကို ရိက္ခာ အလုံအလောက် ဖြည့်ပြီး အခိုင်အခံ ပြုလေ၏။ အင်းဝနေပြည်တော်သို့ အကြောင်းကြားစာ ရောက်သော် မိုးညှင်းမင်းလည်း အရေးပေါ် လွှတ်တော်အစည်းအဝေး ခေါ်ကာ တိုင်ပင်လေ၏။

အမတ်များမှ ယခုအခါ တောင်ငူ၊သာယာဝတီ၊တောင်တွင်း တို့သည် မဟာမိတ်ဖြစ်ကောင်းဖြစ်နိုင်သည်။
ပြည်မြို့သို့ အလုံးအရင်းဖြင့် စစ်ကူလွှတ်သော် သူပုန်မြို့စားများ အင်းဝနေပြည်တော်ကို တိုက်လျှင် ခက်ပါ လိမ့်မည်၊ သို့ကြောင့် မွန်မင်းအား ငြိမ်းချမ်းရေး စကား ဆိုလျှင် သင့်မည်ဟု လျှောက်ထားကြလေ၏။

မိုးညှင်းမင်းလည်း အမတ်များနှင့် အတန်တန် ဆွေးနွေးပြီးသော် ငြိမ်းချမ်းရေး စကားကို ဆိုရန် သဘောတူ လေ၏။ ထိုနောက် စကားအရာတွင် လိမ်မာသော စတုရင်္ဂဗိုလ်ကို လက်ဆောင်အများဖြင့်
ရာဇသံစာ ပို့လေသည်။

စတုရင်္ဂဗိုလ်လည်း ဗညားရံ တပ်စခန်းချရာသို့ ရောက်သော် စကားအမျိူးမျိူးကို ဆိုလေရာ ဗညားရံမှာ စတုရင်္ဂဗိုလ် လျှောက်တင်ချက်များကို နားဆင်ပြီးသော် များစွာသဘောကျလေ၏။ သို့သော်လည်း ညနေခင်း အမတ်များနှင့် ဆွေးနွေး တိုင်ပင်ချိန်တွင်မူ မွန်အမတ်များမှ " အင်းဝသားများသည် ပရိယာယ် များလွန်းသည်၊ ယခု အရေးတွင် အင်းဝ အင်အားနည်းနေခြင်းကြောင့်သာ သံအမတ်လွှတ်ခြင်းဖြစ်သည်၊ အင်းဝသံ ကို ပြန် လွှတ်ပါ " ဟု အမျိူးအမျိူးလျှောက်တင်သဖြင့် ဗညားရံလည်း အမတ်များ၏ လျှောက်တင်ချက်ကို ယူကာ စတုရင်္ဂဗိုလ်ကို အင်းဝ သို့ ပြန်လွှတ်လိုက်လေ၏။

စတုရင်္ဂဗိုလ် အင်းဝသို့ ရောက်လျှင် အကြောင်းစုံကို ပြန်လည် လျှောက်တင်ရာ မိုးညှင်းမင်းမှာ ရာဇအမျက်ထွက်လျက် အင်းဝနေပြည်တော်ကို သားတော်အား စောင့်ရှောက်စေပြီး၊ မိမိကိုယ်တော်တိုင်
ပြည်မြို့ သို့ စစ်သည် အင်အား ၈ သောင်း၊ တိုက်ဆင် ၂၀၀ ၊ ရေတပ် အင်အား ၃ သောင်း အလုံးအရင်း ဖြင့်
ပြည်မြို့ သို့ စုန်ဆင်းလေ၏။

ပြည်မြို့ သည် မြို့ ခံတပ်အလွန်ကောင်းသဖြင့် ဗညားရံတပ်များ မထိုးဖောက်နိုင်ပေ၊ မိုးညှင်းမင်းတပ်များ
ပြည်မြို့  အနီး ရောက်လာချိန်တွင် ဗညားရံသည် မိမိတပ်များကို ပြည်မြို့  မှ ဆုတ်ခွာစေပြီး ပြည်မြို့ ၏
တောင်ဘက် အရပ်တွင် ခံတပ်ဆောက်ကာ တပ်စခန်းချကာ အခိုင်အလုံ နေလေသည်။
 



Share:

No comments:

Post a Comment