အင်းဝ တပ်မှူးဟောင်းများ၏ ပုန်ကန်မူများ

ပုခန်းမြို့ ကို မိုးညှင်းမင်း၏ သားတော်မှ တိုက်ခိုက်သိမ်းပိုက်စဉ်က လက်ရဖမ်းဆီးမိသော အင်းဝစစ်သူကြီး
ဟောင်း ဖြစ်သူ မင်းငယ်ကျော်ထင်သည် အချူ ပ်မှ လွတ်မြောက်သွားပြီး ရေနံ့သာရွာသို့ သွားကာ ရွာသူကြီး ကို စည်းရုံးပြီး ပုန်ကန်လေ၏။ ရွာသားများကို စစ်လက်နက်များ ဆင်ပေးပြီး တောင်ငူစား နဲ့ မဟာမိတ် ဖွဲ့ လေသည်။

ထိုသတင်းကို မိုးညှင်းမင်းကြားလျှင် အင်းဝလွှတ်တော်ရှိ အမတ်များကို မေးမြန်းလေ၏။ အမတ်များမှ မင်းငယ်ကျော်ထင်၏ လက်ရုံးရည်မှာ အားကိုးထိုက်၏။ အမျိူးမျိူးသော ဓါးသိုင်းကိုလည်း တတ်ကျွမ်း၏ ဟု လျှောက်ထားကြလေသည်။

မိုးညှင်းမင်းလည်း မိမိ၏ ညီတော် ကို စစ်သေနာပတိခန့်ကာ တိုက်ဆင် တစ်ရာ၊ မြင်း တစ်ထောင်၊ ခြေလျင် တပ် တစ်သောင်း ငါးထောင်ဖြင့် ချီတက်စေပြီး အရှင်ဖမ်းစေလေသည်။ ညီတော် စစ်သေနာပတိလည်း
ရေနံ့သာခံတပ်ဆီကို ချီတက်ကာ တိုက်လေသည်။ ခံတပ်မှာ မခံနိုင်ဘဲ ပျက်လေ၏။ မင်းငယ်ကျော်ထင် လည်း မြင်းဖြင့် ပြေးလေ၏။ တောင်ငူစားဆီမှ စစ်ကူလည်း မရောက်လာခဲ့ပေ။

မင်းငယ်ကျော်ထင်သည် အုန်းဘောင်စော်ဘွားဆီ ၀င်ကာ မိမိသည် အင်အားမရှိလို့သာ စစ်ရူံးရသည်၊ စစ်သားသာပေးပါ နိုင်အောင်တိုက်ပြီး အုန်းဘောင်စော်ဘွားအား အင်းဝထီးနန်း အပ်မည်ဟု စည်းရုံး လေ၏။ ထိုနောက် မိမိတတ်ကျွမ်းသော ဓါးရေးအမျိူးမျိူးကို ပြလေရာ အုန်းဘောင်စော်ဘွားမှာ သဘောကျလျက် စစ်ကူပေးလေ၏။

ထိုအခါ မိုးညှင်းမင်းထံသို့ အင်းဝတပ်မှူးဟောင်းဖြစ်သူ သီဟပတေ့ သည် မိမိတိုက်ခိုက်ပါမည် ဟု ဘုရင် ယုံအောင် အမတ်များမှ တဆင့် လျှောက်တင်စေလေသည်။ မိုးညှင်းမင်းသည် ယုံကြည်ကာ သီဟပတေ့ ကို စစ်တပ်အင်အား တစ်သောင်း ပေးပြီး မိမိ၏ ညီတော် ကို စစ်ကူစေလေသည်။

သို့သော် သီဟပတေ့ သည် ထို စစ်တပ်ဖြင့် တောင်တွင်းမြို့ ကို ၀င်ကာ တောင်တွင်းစားကို သတ်ပြီး ပုန်ကန်ပြန်၏။ တောင်ငူစား နှင့် မဟာမိတ်ပြု ပြန်၏။ ထိုစဉ် မိုးညှင်းမြို့ကို အုပ်ချူ ပ်နေသော မြို့စားမှ ကလေး မြို့ စား နဲ့ ပေါင်းပြီး မိုးညှင်းမင်းကို ပုန်ကန် ပြန်လေသည်။ သီဟပတေ့ ပုန်ကန်သော သတင်း ကို ကြားလျှင် လျှောက်တင်ပေးသော အမတ်များကို ဖမ်းစေရာ ထိုအမတ်များမှာ မြို့ တော်တွင် မရှိတော့ပေ။

တောင်ငူစား ၏ ညီ ပေါင်းတည်စားလည်း ဟံသာဝတီနဲ့ ပေါင်းကာ သာယာဝတီမြို့ ကို တိုက်သဖြင့် သာယာဝတီမြို့ စား ကျကာ ပေါင်းတည်စား ၏ လက်အောက်သို့ ကျရောက်ပြန်လေသည်။ မိုးညှင်းမင်း၏ ပင်ကိုယ် စရိုက်မှာ အေးဆေးပြီး စစ်ကို လိုလားသူ မဟုတ်ပေ။ လူတိုင်းကို ယုံလွယ်ပြီး မိမိကဲ့သို့ လူတိုင်း ကို သစ္စာရှိလိမ့်မည်ဟု ထင်ထားခဲ့သည်။ မိမိ နန်းတက်ပွဲအပြီး သစ္စာခံပွဲ ကျင်းပစဉ်က မိမိချီးမြှင့်သော ရတနာ များကို မြို့စားများမှ ယူကာ ပုန်ကန်ကြသဖြင့် မိုးညှင်းမင်းသည် သည်းခံခွှင့်လွှတ်ခြင်း မရှိတော့ဘဲ စစ်အင်အားကို အကြီးအကျယ် တည်ဆောက်ကာ ပုန်ကန်နေသော မြို့စားများကို ရက်ရက်စက်စက် နှိမ်နှင်း ရန်ပြင်ဆင် လေတော့၏။

Share:

No comments:

Post a Comment