မွန်မင်းသမီး ရှင်စောပု အင်းဝသို့ ပို့ဆောင်ခံရခြင်း

ဟံသာဝတီနေပြည်တော်တွင် နန်းတွင်းရေးမှာ မငြိမ်မသက်ဖြစ်နေလေ၏။ မွန်ဘုရင် ဗညားဓမ္မရာဇ နှင့် အိမ်ရှေ့မင်းမှာ စိတ်သဘောထားချင်း မတိုက်ဆိုင်လာပြီး အိမ်ရှေ့မင်းသား ဗညားရံသည် တဂုံသို့ သွားပြီး ဘုရင်အမိန့်ကို နာခံခြင်းမပြု ဘဲ ပုန်ကန်သည့် သဘောမျိူးဖြင့် နေထိုင်လေ၏။ ညီငယ်ဆုံး ဖြစ်သည့် ဗညားကျန်း မှာလည်း မုတ္တမ သို့ သွားနေထိုင်လေ၏။

ထိုသို့ ဟံသာဝတီနန်းတွင်းရေး ရူပ်ထွေးနေသည်ကို အခွင့်ကောင်းယူပြီး အင်းဝမှ အမတ်များက ဘုရင် ကို စစ်ချီရန် အင်တိုက်အားတိုက် လျှောက်ထားကြကုန်၏။ နိုင်ချေရှိကြောင်း အမျိူးမျိူး အဖုံဖုံ လျှောက်သဖြင့် ဘုရင် သီဟသူလည်း စစ်ချီရန် အမိန့်ပြန်လေ၏။

ထိုကြောင့် သက္ကရာဇ် (၇၈၅) အေဒီ ၁၄၂၃ နိုဝင်ဘာလ တွင် အင်းဝ ခြေလျင်တပ်သား ရှစ်သောင်း၊ မြင်း စစ်သည် ငါးထောင်၊ တိုက်ဆင် သုံးရာ နှင့် နယ်စား၊ မြို့စား အသီးသီးမှ တပ်သားတို့ဖြင့် ချီတက်လာ
လေ၏။ ချီတက်လာပြီး ဗညားရံ အုပ်ချူ ပ်နေသော တဂုံကို တိုက်လေ၏။ မြို့ တံခါးကို မဖောက်နိုင်၊ မြို့  နား လည်း မချဉ်းကပ် ဘဲ တဂုံ ဘက်မှ ပစ်သော အမြောက်မရောက်ရာ နေရာ တွင် ခံတပ်ဆောက်ကာ မြို့ ကို ၀ိုင်းပြီး နေလေ၏။

ထိုစဉ် ဟံသာဝတီနန်းတော်တွင် ဗညားရံကို စစ်ကူပေးရေး မပေးရေး ဆွေးနွေးကြရာ မပေးရေး အတွက် အရေးဆိုသော အမတ်တို့မှ အနိုင်ရရှိသွားသဖြင့် ဟံသာဝတီမှ စစ်ကူများ ရောက်ရှိလာခြင်းမရှိခဲ့။ ဗညားရံ လည်း တလ ကျော်ခန့် ရှိသော် မနိုင်မှန်းသိသဖြင့် မိမိ၏ ချောမောလှပသော ညီမတော် ကို အင်းဝ ဘုရင် ထံ ဆက်သ ဖို့ လုပ်လေ၏။

ဗညားရံ ညီမတော် ရှင်စောပုသည် ယောင်္ကျားရှိပြီးသားဖြစ်၏။ သူမ အသက် ၂၅ တွင် ခင်ပွန်းဖြစ်သူ သမိန်စည်သူမှ အနိစ္စ ရောက်သဖြင့် နောင်တော်နှင့် အတူ နေစဉ် အင်းဝ ဘုရင်မှ စစ်ချီလာသဖြင့် စစ်ပြေငြိမ်း ရန်အတွက် အသက် ၂၉ တွင် အင်းဝ နေပြည်တော်သို့ ပို့ဆောင်ခံရခြင်းဖြစ်သည်။

မင်းသမီးကိုလက်ခံခြင်းမှာ အင်းဝဘုရင် ကိုယ်တိုင်ကိုယ်က မိန်းမလိုက်စား ရာ ရှင်စောပုကို မြင်သည် နှင့် စစ်ပြေငြိမ်းရန် ချက်ခြင်း သဘောတူလက်ခံလေ၏။ ဗညားရံလည်း မိမိညီမတော် ကို ကြီးမားလှသော
ပြာသာဒ် ကဲ့သို့ ဝေါယာဉ်ဖြင့် လူအများဖြင့် ကြီးကျယ်ခမ်းနားစွာ သယ်ဆောင်စေလေ၏။

အင်းဝ တို့ဘက်မှလည်း မြစ် ထဲတွင် လှေသင်္ဘော အကြီးအငယ်ဖြင့် စောင့်နေလေ၏။
 ရေဆိပ် ရောက်သော် အင်းဝအမတ်တို့မှ မင်းခန်းမင်းနားဖြင့် ခေါ်ဆောင်ပြီး ဘုရင့်လှေတော်ပေါ်တွင်
စောင့်နေသော အင်းဝဘုရင် သီဟသူ ဆီကို ဖောင်ဖြင့် ပို့ဆောင်လေသည်။

အင်းဝဘုရင် သီဟသူ လည်း လှေဦးတွင် ကြိုဆိုပြီး လက်လှမ်းတော်မူကာ မိမိ၏ ပလ္လင်ဘေးသို့ ခေါ် ဆောင် ထိုင်စေလေ၏။ ထိုအခါ အင်းဝ မိဖုရားခေါင် ဘို့မယ်မှ မိဖုရားတို့ စီးရာ ဖောင်မှ မြင်သဖြင့် စိတ်ဆိုးလေ၏။

Share:

No comments:

Post a Comment