ဆင်ဖြူ ရှင် သီဟသူ အင်းဝနေပြည်တော်တွင် နန်းတက်ခြင်း

အင်းဝတွင် ဘုရင်မင်းခေါင် လွန်လျှင် သားတော် သီဟသူ သည် သက္ကရာဇ် ၇၈၄ (အေဒီ  ၁၄၂၃) တွင် မင်းဖြစ်တော် မူလေ၏။ ဆင်ဖြူ ရှင် ဘွဲ့ ခံရခြင်းအကြောင်းမှာ ငယ်အထိန်းတော်ဖြစ်ခဲ့ဖူးသူ မြေတူးစားမှ မူးမြစ်တွင် ၄ တောင် ပြည့် ဆင်သေ တစ်ကောင် မျှော လာသည်ကို ဆယ်ယူပြီး ဆက်သရာ အမတ်တို့ လျှောက် တင်မူ ကြောင့် ဆင်ဖြူ ရှင်ဘွဲ့ ခံလေ၏။ သိပ်မကြာပါ ပြည်စား စောရွှေခက်မှ ဆင်ဖြူ  ဖမ်းမိသဖြင့် ဘုရင် ကို ဆက်သရာ အရှင်တစ်စီးကို ပိုင်လေသည်။

ထိုစဉ်တွင် ဟံသာဝတီတွင်လည်း ရာဇာဓိရာဇ်၏ သားတော် ဗညားဓမ္မရာဇာ မှ မင်းပြုလေသည်။ ညီတော် ဖြစ်သော ဗညားရံ နှင့် ဗညားကျန်း မူကား နောင်တော်ဘုရင်ကို ပုန်ကန်ပြီး တဂုံကို သိမ်းထား လေသည်။ နောက်သော် ဗညားရံ နှင့် နောင်တော်ဘုရင် ကြည်သာ ပြီး ဘုရင်မှ ဗညားရံကို အိမ်ရှေ့ပေးလေ၏။

ဗညားကျန်းမှာမူ တဂုံတွင်သာ နေပြီး ပုန်ကန်လျက်ရှိ၏။ ဗညားကျန်းမှ အမတ်နှစ်ယောက်ကို အင်းဝ နေပြည်တော်သို့လွှတ်ပြီး စစ်ကူပေးပါရန် လျှောက် တင်လေ၏။ အင်းဝလွှတ်တော်မှ သဘောတူ သဖြင့် ဘုရင့်အမိန့်ဖြင့် အင်းဝစစ်သည် နှစ်သောင်း ၊ လှေအစင်း ၂၀၀ ဖြင့် စစ်ကူလွတ်လေသည်။

အင်းဝ စစ်ကူ လည်း ဗညားကျန်းတပ်နှင့် ပေါင်းပြီး ဒလမြို့  ကို တိုက်လေသည်။ ဒလမြို့  စား သမိန်မောခွင်
နှင့် သမိန်ပွန်စည်တို့ မခံနိုင်ဘဲ ဒလမြို့ ကျ လေ၏။ ဗညားကျန်းလည်း သမိန်မောခွင် နှင့် သမိန်ပွန်စည်ကို ကွပ်မက်လေ၏။

ထိုအခါ အင်းဝ တပ်မှူးဖြစ်သော ရာဇသင်္ကြ နှင့် တုရင်ဗညား တို့သည် ဒလမြို့ တွင်းရှိ သဌေးသူကြွယ် တို့၏ ရွှေငွေ ရတနာ အားလုံးကို သိမ်းပိုက်လေ၏။ မြို့ နေ မိန်းမ၊ယောင်္ကျား တို့ကိုလည်း လှေပေါ်သို့ သုံ့ ပန်းအဖြစ် ဖမ်းဆီးလေ၏။ ထိုအရာကို ဗညားကျန်းမြင်လျှင် ရွှေငွေ ရတနာများကိုတော့ ယူပါ သို့သော် လူကို မယူရဟု တားဆီးလေရာ အချင်းများကြလေသည်။

ထိုညတွင်းချင်း ဗညားကျန်းသည် လူယုံကို ဟံသာဝတီနေပြည်တော်ကို လွှတ်ပြီး စစ်ကူလွှတ်ဖို့ တောင်းရာ ဟံသာဝတီဘုရင်လည်း စစ်ကူအများလွှတ်လာလေသည်။ အင်းဝတပ်မှာမူ ထိုအကြောင်းကို မသိဘဲ မြို့  နေ လူများကို သိမ်းမြဲ သိမ်းလေ၏။

အားလုံး သိမ်းပိုက်ပြီးစီးချိန်တွင် ဟံသာဝတီတပ်များရောက်လာရာ အင်းဝတပ်များနှင့် တိုက်ပွဲ ဖြစ်ပြန်လေ သည်။ ဗညားကျန်းလည်း ဟံသာဝတီဘက်မှ နေပြီး တိုက်သဖြင့် အင်းဝတပ်ပျက်လေ၏။ တပ်မှူး ရာဇသင်္ကြ လည်း ကျဆုံးလေသည်။ တုရင်ဗညားလည်း ရဲမက် တစ်ဝက်ဖြင့်သာ ကစင့်ကလျား ဖြင့် အင်းဝ နေပြည်တော်သို့ ပြန်လေသည်။
Share:

No comments:

Post a Comment