ဟံသာဝတီပြည့်ရှင် အင်းဝပိုင်နက်သို့ စစ်ချီတက်ခြင်း

မြန်မာ သက္ကရာဇ် ၇၆၆ ( အေဒီ ၁၄၀၄ ) မှာ ဟံသာဝတီပြည့်ရှင် မွန်ဘုရင် ရာဇာဓိရာဇ်မှ လှေအင်အား သုံးထောင်ကျော်၊ စစ်သည်အင်အား တစ်သိန်းကျော် ဖြင့် ဧရာဝတီမြစ်ကြောင်း တစ်လျှောက်  ဆန်တက်လာလေ၏။ ဘုရင်မင်းခေါင်လည်း ဟံသာဝတီစစ်သည်တို့ အင်အားအလုံးအရင်းဖြင့် စစ်ချီလာသည်ဟု ကြားသဖြင့် အင်းဝနေပြည်တော်ကို အခိုင်အမာ စီရင်လေသည်။ နယ်စား၊မြို့စား တို့ကိုလည်း အမိန့်တော်ပို့ပြီး မြို့ကို အခိုင်အမာ ပြုလုပ်စေလေ၏။

ရာဇာဓိရာဇ်လည်း မိမိတပ်တချို့ကို ပြည်မြို့အနီးတွင် စခန်းချစေပြီး ခံတပ်တစ်ခု အခိုင်အမာဆောက်ပြီး သမက်တော်ကို ဆင်မြင်းအများဖြင့် နေစေလေသည်။ မိမိမှာမူ မြစ်ကြောင်းအတိုင်း ဆန်တက်ပြီး စစ်မကြေဌာဘဲ ရုတ်တရုက် ပြည်မြို့ကို ၀င်တိုက်လေသည်။ ပြည်မြို့ကလည်း မြို့တွင်းမှနေပြီး အမြှောက်၊ မြတပူ၊ သေနတ် တို့ဖြင့် အပြင်းအထန် ခုခံလေသည်။ ဟံသာဝတီ တပ်ကြီးလည်း မြို့အနီး မကပ်နိုင်သဖြင့် ဆုတ်လေ၏။

ထိုနောက် မြေထဲမြို့ဘက်သို့ ချီတက်ပြန်လေသည်။ မြေထဲမြို့တိုက်ပွဲတွင် မြေထဲစားသည်
 မြို့ရိုးပေါ်မှ နေပြီး ပြောင်းသေနတ်ဖြင့် အကြိမ် ကြိမ် တက်လာသမျှကို ပစ်သတ်လေ၏။
 မြေထဲမြို့စောင့်တပ်သားများလည်း မြို့စားကိုယ်တိုင် ရှေ့ကနေ တိုက်သည်ကို တွေ့သဖြင့် အားရပြီး စစ်သည်အင်အားနည်းသော်လည်း အမြှောက်များ၊သေနတ်များမှာမူ အလုံအလောက်ရှိသဖြင့် အပြင်းအထန် ခုခံရာ ရန်သူတို့ မြို့အနီး ကပ်မရပြန်ပေ။

ဟံသာဝတီပြည့်ရှင်လည်း မြေထဲကို တိုက်မရပြန်သဖြင့် မြစ်အတိုင်း ထပ် ဆန်တက်ပြန်လေသည်။
ပုဂံမြို့သို့ရောက်လျှင် စစ်မတိုက်ဘဲ ဘုရားဖူးကာ တကောင်းမြို့အထိ ထပ် ဆန်တက်လေသည်။ မြစ်တစ်လျှောက်ရှိ ဘုရားပုထိုးများကို ဖူးမြော်လေသည်။ ထိုနောက် ရာဇာဓိရာဇ်သည် ရွှေကြက်ယက်ဘုရားကို ဖူးပြီး ရေ၀ှမ်းတွင် တပ်စခန်းချပြီးနေလေသည်။

ဘုရင်မင်းခေါင်လည်း ဟံသာဝတီဘုရင် ရွှေကြက်ယက်ဘုရားအနီးတွင် စခန်းချနေသည်ကို သိသဖြင့် စိတ် မချမ်းမသာဖြစ်နေလေသည်။ ထိုနောက် မင်းညီလာခံသဘင်တွင် ဘု၇င်မှ ” မွန်ဘုရင် လာသည်ကို စစ်ရေး မတိုက်ဘဲ နူတ်ရေး၊ လက်ရေးဖြင့် မည်သူ သူ့ကို ပြန်အောင် စီရင်နိုင်သလဲ ” ဟု မေးမြန်းရာ နန်းတော် ညီလာခံ တခုလုံး ငြိမ်သက်နေလေ၏။

ထိုအခါ ပင်းယတွင် သီတင်းသုံးသည့် ရဟန်းပျို စကြိုသူမြတ်က မိမိ စွမ်းဆောင်နိုင်သည်ဟု ပြောလေ၏။ ဘုရင်မင်းခေါင်လည်း ၀မ်းမြောက်ဝမ်းသာဖြစ်ပြီး ဆရာတော် လိုသမျှ မိန့်ပါ တပည့်တော် နာခံမည်ဟု လျှောက်ထားလေသည်။

(မှတ်ချက်။ ။ အင်းဝနေပြည်တော်မှာ မင်းညီလာခံ ခေါ်လျှင် မင်းဆရာဖြစ်တဲ့ ရဟန်းတော် အပါအ၀င် မင်းညီလာခံ တက်ရန် အရည်အချင်းရှိသည့် ရဟန်းတော်များလည်း တက်သည်ဟု သမိုင်းစာပေ တချို့တွင် ရေးမှတ်ထားကြပါတယ်။ ဘုရင်က လူပညာရှိအပြင်၊ ရဟန်းပညာရှိတွေရဲ့ စကားအကြံဥာဏ်ကို ရယူပါတယ်။ )
Share:

No comments:

Post a Comment