ကလေးစား နှင့် မိုးညှင်းစား အရေးအခင်း

အေဒီ ၁၃၇၀ တွင် ကလေး နှင့် မိုးညှင်းတို့ တိုက်ကြလေသည်။ ထိုတွင် ကလေးကလည်း သူကို့ ကူလျှင် မိုးညှင်းကို ပေးမည်။ မိုးညှင်းကလည်း သူ့ကို ကူလျှင် ကလေးကို ပေးမည်စသဖြင့် မင်းကြီးစွာထံ စစ်ကူ တောင်းလေ၏။

မင်းကြီးစွာလည်း အမတ်စည်းတပစ် ကို ခေါ်ကာ တိုင်ပင်လေသည်။ စည်းတပစ်လည်း " မင်းကြီး အလျင်မလို ပါနှင့် သည်အရေးသည် ဘီလူးတိုင်လု အရေးကဲ့သို့ အလျင်မလိုသင့်၊ အနှေးပြုကောင်း၏။ အဘယ်ကြောင့်ဆိုသော် ထိုပြည်ထောင်နှစ်ခုကို သူတို့သာ တိုက်စေလိမ့်မည်။ ကြက်နှစ်ကောင် ခွပ်ပြီး ပင်ပန်းမှ လယ်သမား စားသကဲ့သို့။ ထိုပြည်ထောင်နှစ်ခု စစ်တိုက်လျက် ပင်ပန်းလျှင် မင်းကြီးမှာ ပြည်ထောင် နှစ်ခုကို အလျင်တကူ သိမ်းနိုင်ပါသည်။ ” ဟု လျှောက်ရာ မင်းကြီးစွာလည်း သဘောကျသဖြင့်  စည်းတပစ် လျှောက်သည့်အတိုင်း စစ်ကူကို ဖြည်းဖြည်းသာ ချီတက်သွားလေသည်။

စစ်မြေပြင်တွင် နှစ်ပြည်ထောင်သော စစ်တပ်မှာ စစ်ကြောင့် ပင်ပန်းနေသဖြင့် မင်းကြီးစွာသည် နှစ်ပြည်ထောင် စစ်တပ်ကို အလွယ်တကူ သိမ်းပိုက်လေသည်။ ထိုသို့ဖြင့် မိုးညှင်း နှင့် ကလေးတို့မှာ မင်းကြီး စွာလက်အောက် ရောက်ရလေသည်။
Share:

No comments:

Post a Comment