ရာဇာဓိရာဇ် နန်းတက်ခြင်း နှင့် မင်းကြီးစွာမှ စစ်ချီခြင်း

သက္ကရာဇ် ၇၄၅ တွင် မွန်ပြည် ဟံသာဝတီကို အစိုးရသော ဆင်ဖြူရှင်ဗညားဦးသည် အနိစ္စရောက်သဖြင့် သားတော် ရာဇာဓိရာဇ်မှ ဟံသာဝတီနန်းကို သိမ်းကာ မင်းပြုလေသည်။ ထိုအခါ ပုသိမ်၊မြောင်းမြ၊ အစရှိတဲ့ ၃၂ မြို့ကို သိမ်းကာ လောက်ဖျားမှ မင်းပြုလေသည်။ မုတ္တမ အစရှိတဲ့ မြို့နယ်တစုကိုလည်း ဗြတ္တပ က သိမ်းပြီး ရာဇာဓိရာဇ်ကို ပုန်ကန်လေ၏။

ဟံသာဝတီတွင် ရာဇာဓိရာဇ်နန်းတက်သော် မြောင်းမြစားလောက်ဖျားသည် မင်းကြီးစွာထံ သံစေလိုက် လေသည်။ မြောင်းမြစားလောက်ဖျား စေသည့်သံမှာ မင်းကြီးစွာကို ဟံသာဝတီကို စစ်ချီရန် တိုက်တွန်းခြင်း ဖြစ်ပြီး စစ်နိုင်လျှင် အလိုရှိသမျှသော ရတနာများကို မင်းကြီးစွာကို ယူစေလျက် လောက်ဖျားမှာမူ အခွန်ကို သာ ယူဆောင်မည်ဟု လျှောက်လေသည်။ ထိုပြင်မက ရာဇာဓိရာဇ်မှာ မင်းမြတ်မဟုတ်ဘဲ ဖခင်ကို ပုန်ကန် နေသူဖြစ်ပြီး ဖခင်အနိစ္စရောက်မှ နန်းကို သိမ်းသူ အဖြစ် လျှောက်တင်ထားလေသည်။

မင်းကြီးစွာလည်း အမတ်အပေါင်းနှင့် တိုင်ပင်လေသည်။ အမတ်တို့ကလည်း ရာဇာဓိရာဇ်မှာ မင်းဖြစ်သော် လည်း အကျိုးအကြောင်းကို မင်းကြီးစွာထံ သံစေခြင်းမရှိ ရေရှည်တွင် ယုံကြည်ရမည်မဟုတ်ဟု  လျှောက်တင်ပြီး ဟံသာဝတီကို တိုက်ရန် အကြံပြုကြလေသည်။ ထိုအခါ အသက် ၁၈ နှစ်သာ ရှိသော အိမ်ရှေ့မင်းမှ ရာဇာဓိရာဇ်သည် ယခုအခါ အင်အားနည်းသေးသည် မိမိကိုယ်တိုင် စစ်တပ်ကို ဦးဆောင်လျက် စစ်ချီတိုက်မည်ဟု မင်းကြီးစွာ ထံ လျှောက်တင်ရာ ဘုရင်မှ သားတော် အရည်အချင်းကို သိချင်သဖြင့် ၀ါရင့်သော စစ်သူကြီးများကို ထည့်ကာ စစ်တိုက်ရန် အမိန့်ထုတ်လေသည်။

စစ်အင်အား ၇ သောင်းဖြင့် ဟံသာဝတီသို့ စစ်ချီလေသည်။ ထိုပြင် အိမ်ရှေ့မင်း၏ ညီတော် အသက် ၁၄ နှစ်သာ ရှိသော ပြင်စည်မင်းသား လည်း စစ်ကြောင်းတခုဖြင့် ဟံသာဝတီသို့ စစ်ချီလေသည်။
Share:

ကလေးစား နှင့် မိုးညှင်းစား အရေးအခင်း

အေဒီ ၁၃၇၀ တွင် ကလေး နှင့် မိုးညှင်းတို့ တိုက်ကြလေသည်။ ထိုတွင် ကလေးကလည်း သူကို့ ကူလျှင် မိုးညှင်းကို ပေးမည်။ မိုးညှင်းကလည်း သူ့ကို ကူလျှင် ကလေးကို ပေးမည်စသဖြင့် မင်းကြီးစွာထံ စစ်ကူ တောင်းလေ၏။

မင်းကြီးစွာလည်း အမတ်စည်းတပစ် ကို ခေါ်ကာ တိုင်ပင်လေသည်။ စည်းတပစ်လည်း " မင်းကြီး အလျင်မလို ပါနှင့် သည်အရေးသည် ဘီလူးတိုင်လု အရေးကဲ့သို့ အလျင်မလိုသင့်၊ အနှေးပြုကောင်း၏။ အဘယ်ကြောင့်ဆိုသော် ထိုပြည်ထောင်နှစ်ခုကို သူတို့သာ တိုက်စေလိမ့်မည်။ ကြက်နှစ်ကောင် ခွပ်ပြီး ပင်ပန်းမှ လယ်သမား စားသကဲ့သို့။ ထိုပြည်ထောင်နှစ်ခု စစ်တိုက်လျက် ပင်ပန်းလျှင် မင်းကြီးမှာ ပြည်ထောင် နှစ်ခုကို အလျင်တကူ သိမ်းနိုင်ပါသည်။ ” ဟု လျှောက်ရာ မင်းကြီးစွာလည်း သဘောကျသဖြင့်  စည်းတပစ် လျှောက်သည့်အတိုင်း စစ်ကူကို ဖြည်းဖြည်းသာ ချီတက်သွားလေသည်။

စစ်မြေပြင်တွင် နှစ်ပြည်ထောင်သော စစ်တပ်မှာ စစ်ကြောင့် ပင်ပန်းနေသဖြင့် မင်းကြီးစွာသည် နှစ်ပြည်ထောင် စစ်တပ်ကို အလွယ်တကူ သိမ်းပိုက်လေသည်။ ထိုသို့ဖြင့် မိုးညှင်း နှင့် ကလေးတို့မှာ မင်းကြီး စွာလက်အောက် ရောက်ရလေသည်။
Share: