ကျော်စွာမင်းဖြစ်ခြင်း

ပြည်စားသီဟသူ ခမည်းတော်နရသီဟပတေ့မင်းကြီးကို လုပ်ကြံသည်ကို နောင်တော်ဥဇနာကြားသော် စိတ်မကောင်းဖြစ်ပြီး ကိုယ်တိုင်ကလည်း နေမကောင်းသဖြင့် ပုသိမ်သို့ရှောင်ပြီးနေလေသည်။ ပြည်စားသီဟသူလည်း နောင်တော်ရှိရာအိမ်တော်သို့တက်ပြီး နေမကောင်းဖြစ်နေသော နောင်တော်ကို ထပ်လုပ်ကြံပြန်သည်။ နောင်တော်၏ သားမြေး၊ကျွန်အမှူးအမတ်တို့ကိုလည်း သုတ်သင်လေသည်။

ထိုသတင်းကို တလစားကျော်စွာကြားသော် မြို့ကို ကြံကြံခံနေလေသည်။ ပြည်စားသီဟသူလည်း တလကို အကြိမ်ကြိမ် တိုက်ခိုက်သော်လည်း မအောင်မြင်သဖြင့်၊ ပဲကူးမြို့ဘက်သို့ တိုက်ခိုက်ရန် ပြင်ဆင်လေသည်။ ပဲကူးစား ငပမွန်ကလည်း ပြည်စားသီဟသူလာသည်ကို မြို့တွင်းတွင် ပွဲကြီးကျင်းပလျက်နေပြီး ပြည်စားသီဟသူရောက်သော် မချေမငံသော စကားဖြင့် ဆဲရေးလေသည်။ ပြည်စားသီဟသူလည်း ဒေါသထွက်သဖြင့် လုပ်ကြံရန် အပြင်းမြင်းစီးလာသော် ရန်သူဘက်က မြားထိပြီး အနိစ္စရောက်လေသည်။
မှူးမတ်တို့လည်း ပြည်စားသီဟသူ ကွယ်လွန်ရာနေရာတွင် စေတီတည်ထားလေသည်။

မိဖုရားဘွားစောလည်း မှူးမတ်တို့ဖြင့် တိုင်ပင်ပြီး နရသီဟပတေ့သားတော်တစ်ဦးဖြစ်သည့် ကျော်စွာကို မင်းမြောက်လေသည်။ ကျော်စွာနန်းတက်သော် တိုင်းပြည်အရပ်ရပ်က ပုန်ကန်ခြားနားကြလေသည်။ ပုန်ကုန်ခြားနားသည်ကို အကြိမ်ကြိမ် စစ်သည်လွှတ်သော်လည်း အောင်မြင်မူမရပဲ ကျရူံးသည်ကား များရလေသည်။ ဤသို့ဖြင့် အနော်ရထာ၏ နိုင်ငံတော်သည် အစိတ်စိတ်ကွဲလေသည်။
Share:

No comments:

Post a Comment