မင်းကြီးစွာ မွန်မြန်မာ ချစ်ကြည်ရေးပြုခြင်း

သတိုးမင်းဖျား အနိစ္စရောက်လျှင် မှူးမတ်တို့သည် ရမည်းသင်းစား သီလ၀၏ ယောက်ဖတော်ကို နန်းတင်ကြလေသည်။ သီလ၀မှ နန်းမလိုချင်သဖြင့် သူ့ကို နန်းတင်ခြင်းဖြစ်သည်။သီလ၀ ယောက်ဖတော် မှာ နောက်တွင် မင်းကြီးစွာဟူသော အမည်ဖြင့် နန်းတက်လေသည်။

သက္ကရာဇ် (၇၃၀) တွင် မိတ္တိလာဆည်ပေါက်သဖြင့် မင်းကြီးစွာကိုယ်တိုင်ကြွပြီး ကန်ကို ဆည်တော်မူလေသည်။ ဆည်သည့်အချိန်တွင် မြေကိုတူးရာ ရွှေရုပ်မင်းသမီးကို တွေ့လေသဖြင့် အကြောင်း ရင်းကို သိရန် မေးမြန်းရာ ၀န်းစင်းသူကြီးမှ မသိပါ၊ သို့သော် ရွာတွင် အကြားအမြင်များသော သူတစ်ယောက် ရှိသည် ထိုသူကို မေးလျှင်သိနိုင်သည် ဟု လျှောက်သဖြင့် မင်းကြီးမှ ထိုသူကို ခေါ်စေလေသည်။

ဝန်းစင်းသားလည်း မင်းကြီးကို အရုပ်အကြောင်းလျှောက်လေသည်။ အကြောင်းမှာ အလောင်းစည်သူမင်း တိုင်းခန်းလှည့်လည်စဉ် စော်ဘွား၊ဘုရင်တို့က အလောင်းစည်သူကို မင်းသမီး ဆက်သလိုက်လေသည်။ဤအရပ်သို့  ရောက်သော် မင်းသမီးကံကုန်သဖြင့် မင်းကြီးမှ ရွှေရုပ်ထုလုပ်စေပြီး ကမ္ပည်းနဲ့ ထားခဲ့ကြောင်း လျှောက်ထားရာ မင်းကြီးမှ ဆက်လက်တူးစေသဖြင့် ကမ္ပည်းကိုတွေ့ရာ များစွာသဘောကျပြီး ၀န်းစင်းသားကို အင်းဝသို့ခေါ်ဆောင်သွားလေသည်။

မင်းကြီးစွာ အင်းဝတွင် မင်းပြုနေစဉ် ဟံသာဝတီတွင်မင်းပြုနေသော ဗညားဦးမှ သံတမန်လွှတ်ပြီး မင်းကြီးစွာနဲ့ ချစ်ကြည်ရေးပြုရန် အကြောင်းဆိုလေသည်။ မင်းကြီးစွာလည်း သဘောကျသဖြင့် မွန်မြန်မာ နယ်စပ်တွင် စစ်တပ်များဖြင့် ချိန်းလေသည်။ ချိန်းသည့်နေ့တွင် မင်းနှစ်ပါး တွေ့ဆုံကြပြီး လက်ဆောင်များ လဲလှယ်ကာ သစ္စာပြုကြပြီး နိုင်ငံတော်အပိုင်းအခြားကို သတ်မှတ်လေသည်။


Share:

No comments:

Post a Comment