ကျန်စစ်သား အပိုင်း (၅) ရွှေစည်းခုံ နှင့် ပုထိုးတော်များကို တည်ပြီး နတ်ရွာစံတော်မူခြင်း

ကျန်စစ်သားလည်း မင်းကြီးဖြစ်ပြီး ရွှေစည်းခုံဘုရားကို တည်ရန် မေ့မေ့လျော့လျော့ ဖြစ်နေသည်ကို ရှင်အရဟံက တိုက်တွန်းသဖြင့် ကျန်စစ်သားလည်း ဆက်လက်တည်ထားလေသည်။ ၇ လနှင့် ၇ ရက် ပြည့်သော် ရွှေစည်းခုံဘုရား တည်ထားပြီးစီးလေသည်။ တစ်ခါသော် မင်းကြီး နန်းတော်သို့ ရဟန်း ၈ ပါး ကြွလာလေသည်။ မင်းကြီးလည်း ဆွမ်းလုပ်ကျွေးတော်မူပြီးသော် “ အဘယ်အရပ်က ကြွတော်မူလာသနည်း ” ဟု မေးမြန်းလျှောက်ထားလေသည်။ ရဟန်းတို့လည်း“ ဂန္နမာဒနတောင်မှ ကြွလာကြောင်း” မိန့်လေသော် မင်းကြီးလည်း ရဟန္တမှန်းသိသဖြင့် ပိုပြီး သဒ္ဒါပွားများလျက် နန္ဒမူလိုဏ်ဂူကဲ့သို့ သန္တာန်တူစွာ တန်ခိုးဖြင့် ပြတော်မူပါဟု လျှောက်ထားသဖြင့် ရဟန်း တို့လည်း သန္တာန်တူစွာ ဖန်ဆင်းပြလေသည်။ မင်းကြီးလည်း သဒ္ဒါကြီးစွာ ဖြစ်ပြီး နန္ဒမူလိုဏ်ဂူ သန္တာန် အာနန္ဒာဘုရားကို အေဒီ ၁၀၉၀ တွင် တည်တော် မူလေသည်။ ကျန်စစ်သားလည်း ကောင်းမူပုထိုးတော်အများကို တည်ထားကိုးကွယ်တော်မူပြီး သက်တော် ၈၅ တွင် အနိစ္စရောက်တော်မူလေသည်။

Share:

No comments:

Post a Comment