ကျန်စစ်သား အပိုင်း (၄) မြေးတော်အလောင်းစည်သူ နှင့် သားတော်ရာဇကုမာ

ကျန်စစ်မင်းကြီး၏ သမီးတော်ရွှေအိမ်သည် ကိုယ်ဝန်ရှိ၍ နေ့လစေ့၍ မင်းသားလေးမွေးဖွားလေသော် ဦးကင်သတံခါး သည် အလိုလို ပွင့်လေသည်။ အိမ့်ရှင်စည်ကြီး လည်း လူမတီးဘဲ အလိုလိုမြည် လေသည်။ မင်းသားလည်း မွေးဖွားရာက စပြီး နေ့ည မရပ်မနား ငိုကျွေးလေသည်။ အမေလည်း ချော့မရ၊ ဘိုးတော်ကျန်စစ်မင်းလည်း ချော့မရ၊ နောက်ဆုံး ဟူးရားဖြူ၊ဟူးရားညို တို့ကို မေးမြန်းလေသည်။ ဟူးရား တို့လည်း တွက်ချက်မူပြုပြီး “ မြေးတော်သည်ကား တိုင်းပြည်နိုင်ငံ အပိုင်းအခြားကို သိလို၍ငိုသည်” ဟု နားတော်လျှောက်လေသည်။ မင်းကြီးလည်း ရွှေပေလွှာလည်း ရေးစေပြီး ဖတ်စေလေသည်။ မြေးတော် လည်း တိုင်းပြည်အပိုင်းအခြားကို ကြားသော် အငိုတိတ်လေသည်။


မင်းကြီးလည်း ထိုသို့ အံ့ဘွယ်ကို မြင်သော် “ ငါ့မြေးတော်၏ နန်းတော်ကို ငါစောင့်ပါသည်” ဟု မိန့်ပြီး မြေးတော်ကို ရင်ခွင်ပိုက်လျက် ရာဇပလ္လင်ထက် တင်ပြီး ရာဇဘိသေက ခံလေသည်။ ထိုသို့ ဘိသိတ်ခံပြီး မကြာသောရက်လတွင် ကျန်စစ်မင်း၏ မိန်းမဖြစ်ခဲ့သူ သမ္ဘူလ သည် ကျန်စစ်သား မှာထားသည့် အတိုင်း “ ယောက်ျားဖွားရင် သားနှင့်လက်စွပ်ကို ယူ၍ လာလှည့် ” ဟုဆိုခဲ့ဖူးသောကြောင့် ယခု ကျန်စစ်မင်းမှာ မင်းကြီး ဖြစ်နေပြီဟု ကြားသောကြောင့် ခုနှစ်အရွယ်သားငယ်ကို ခေါ်ဆောင်လာလေသည်။ နန်းတော်အပြင် ရောက်သော် ဟိုဟိုသည်သည် ကြည့်နေမိသည်။
မင်းရဲမက်တို့ကလည်း “ ဟယ် မိန်းမ ဘုရင်မင်းကြီး ဗိုလ်ရူသဘင်ပြုတော်မူနေသည် သည်တွင် မနေနှင့် ထွက်သွားလော”
သမ္ဘူလကလည်း “ မင်းချင်းတို့ မင်းကြီးကို အကျွန်ုပ် လျှောက်စရာရှိပါသည်၊ လျှောက်ပါရစေဦး” ဟု ဆိုလေသော်။ မင်းချင်းတို့လည်း မင်းကြီးဟာ တိုင်းပြည်သခင်ဖြစ်သည် သင်ကား သူဆင်းရဲမ ဖြစ်သည်။ ဘာများတင်စရာရှိတုန်းဟု ဆိုလျက် မပေးဝင်ဘဲ နေလေသည်။
သမ္ဘူလလည်း ကြံရာမရ ဖြစ်ပြီး ကျန်စစ်သားပေးခဲ့သော လက်စွပ်ကို ပြသလေသည်။ မင်းချင်းတို့လည်း လက်စွပ်ကို မြင်သော်၊ လက်စွပ်ကား မင်းသားတို့သာပိုင်ဆိုင်သော လက်စွပ်မျိုးဖြစ်သဖြင့် တုန်လူပ်သဖြင့် မင်းကြီးဆီ ၀င်ပြီး မိန်းမတစ်ယောက် လက်စွပ်ပြလျက် ၀င်ခွင့်တောင်းနေကြောင်း နားတော်  လျှောက်လေသည်။

မင်းကြီးလည်း ခေါ်တော်မူစေလျက် မင်းအမတ်တို့ရှေ့တွင် “ ဤမိန်းမကျေးဇူးကား ငါအပေါ်တွင် ကျေးဇူးအလွန်ကြီးမားလှသည်” ဟုမိန့်ပြီး ဦးဆောက်ပန်း ဟူသော အမည်ဖြင့် မိဖုရား မြှောက်လေသည်။
မင်းကြီးလည်းအကယ်၍သားတော်သာ အချိန်စောပြီးလာခဲ့သော် အိမ်ရှေ့အရာပေးနိုင်သည်။ ယခုမူကား မြေးတော်ကို အိမ်ရှေ့အပ်နှင်းပြီးသဖြင့် သားတော်ကို ဓညာဝတီနှင့်တကွ တောင်စဉ်ခုနှစ်ခရိုင်ကို အပိုင်ပေးပြီး မင်းအဖြစ်ပြုပေးလေသည်။

Share:

No comments:

Post a Comment