ကျန်စစ်သား အပိုင်း (၁) စောလူးမင်း အဖမ်းခံရခြင်း

ကျန်စစ်သားဟာ အနော်ရထာမင်းအမျက်တော်သင့်သည်မှ စ၍ ရှောင်နေရာမှ သားတော်စောလူးမင်း နန်းတော်သော် ကျန်စစ်သားကို အမတ်တို့၏ တိုက်တွန်းချက်ဖြင့်နေပြည်တော်သို့ ပြန်ခေါ်လေသည်။ ကျန်စစ်သား နေပြည်တော်သို့ ရောက်ပြီး အခစားဝင်နေလေသည်။ တစ်နေ့သော် စောလူးမင်းသည် သူ၏ ငယ်ကျွန် ငရမန် နှင့် အန်ကစားရာတွင် ငရမန်နိုင်လေ၏။ နိုင်၍ လက်ခမောင်းခတ်လေ၏။


ထိုသည်ကို စောလူးမင်းက “ ဟဲ့ ငါ့ကို အန်တစ်ပွဲ မျှ နိုင်လေသည်ကို ထ၍ လက်ခမောင်းခတ်လေဘိ၏၊ ယောကျာ်းမှန်ရင် ငါ့ကို နင်စားသော ပဲကူးဖြင့် ပုန်ကုန်လေ” ဟု ပြောမိလေသည်။ ငရမန်ကလည်း “ တကယ်လား” ဟုမေးလေသော် စောလူးမင်းက “ ငါသို့သော မင်းသည် မဟုတ်သော စကားကို မဆို” ဟု ပြန်မိန့်လေသော်။ ငရမန်လည်း ပဲခူးပြန်ပြီးပုန်ကုန်ထကြွလေသည်။ စောလူးမင်းလည်း ငရမန်ကို နှိမ်နင်းအံ့ဟု ဆိုကာ ကျန်စစ်သားကို တပ်မှူးလုပ်စေပြီး ချီတက်လေသည်။ အတန်ကြာချီတက်လာပြီးသော် ညရောက်သဖြင့် တပ်ချပြီး နားနေကြလေသည်။ ထိုအခါ ငရမန်က အသင့် စီစဉ်ထားသော ရွှံညွန့်များရာအရပ်တွင် နှီးဖြင့် ဆင်ရုပ်၊မြင်းရုပ်၊လူရုပ်ပြုပြီး စစ်ချီတက်လာသလို ဗုံမောင်းများဖြင့် တီးခတ်၍ စစ်ချီသံများပြုလုပ်လာလေသည်။ ကျန်စစ်သားနှင့် စောလူးမင်းတို့လည်း စစ်ချီသည် ထင်ပြီး မဆင်မခြင် လိုက်လေရာ ရွှံညွှန့်များအတွင်းသို့ ကျလျက် စစ်သည်အပေါင်းတို့လည်း ပျက်လေသည်။ စောလူးမင်းလည်း ဆင်အပေါ်ကဆင်းလျက် တောထဲတွင် ပုန်းခိုနေလေသည်။ ကျန်စစ်သားလည်း မြင်းဖြင့် အပြင်း ဒုန်းစိုင်း စီးရာ မိုးသောက်သော် နေပြည်တော်ကို ရောက်လေသည်။

စောလူးမင်းသည် စားတော် ၃ နပ်တိုင်အောင် မစားရသည်နှင့် ငတ်မွတ်သောကြောင့် ပုန်းရာမှ ထွက်ပြီး အစာရှာထွက်လေသော် ထင်းခွေသူနဲ့ တွေ့လေသည်။ ထင်းခွေသူကို သူ၏ လက်စွပ်ပေးပြီး ထင်းခွေသူဆီက ထမင်းထုပ်ဝယ်လေသည်။ ထင်းခွေသူကား ငရမန်၏ အခိုင်းဖြစ်လေရာ နောက်ပိုင်း ငရမန်သိသဖြင့် စောလူးမင်းကို ဖမ်းစီးထားလေသည်။





Share:

No comments:

Post a Comment