မင်းမြတ်အနော်ရထာ အပိုင်း (၈) သထုံပြည်သို့ စစ်ချီတက်ခြင်း

အကျွန်ုပ်လည်း စစ်ရဲမက်အပေါင်းကို စီရင်၍ သထုံပြည်သို့ ချီတက်လေသည်။ စစ်သူကြီး ၄ ယောက်ကိုလည်း ရှေ့တော်ကနေ တပ်ဦးပြေးအဖြစ်ထားလျက် ကျူပ်က နောက်က ရဲမက်အများဖြင့် ဖြည်းဖြည်း ချီတက်လေသည်။ လအတန်ကြာချီတက်လေပြီးသော် ကျူပ်တို့၏ စစ်တလင်းဖြစ်မည့် သထုံပြည်  ကို အဝေးကနေ မြင်တွေ့ရလေပြီ။ သထုံပြည်သည် သူ့၏ ဂုဏ်အတိုင်း အပြင်ကနေ ကြည့်လျှင် လွန်စွာမှ လှပပေ၏။ အုပ်ချူပ်သောမင်းမှာ စကားမတတ်သောကြောင့် ယခု ကျူပ်နဲ့ စစ်ခင်းရပေတော့မည်။
စစ်ပွဲစလေပြီ ကျူပ်အဝေးက တောင်ကုန်းပေါ်မှာ ရူစားနေသည် စစ်သူရဲ တို့လည်း အလုံးအရင်းဖြင့် မြို့ကို ကပ်သည်။ သို့သော် တစ်ဖက်ကလည်း အလုံးအရင်းဖြင့် တိုက်ခိုက်၏။ ရက်အတန်ကြာ လုပ်ကြံသော်လည်း ရဲမက်များ ပင်ပန်းသည်သာ ဖြစ်ရသည်။ ကျူပ်လည်း ယာယီနန်းတဲတွင် အမတ်များ၊ စစ်ချူပ်များနှင့် တိုင်ပင် ရလေသည်။
အနော်ရထာ-“ အမတ်မင်းတို့ ယခု ရဲမက်အပေါင်းတို့ဖြင့် သထုံကို လုပ်ကြံသော်လည်း သထုံမြို့ရိုးနားကိုပင် စစ်သူရဲတို့ တက်၍ မရ အသို့နည်း”
ဟူးရားညို- “ အရှင်မင်းကြီး ကျွန်တော်မျိုးတို့၏ တွက်ချက်မူအရ သထုံပြည်မှာ အထူးထူးသောပယောဂ အစီအရင် တို့ဖြင့် မြို့ကို ကာကွယ်ထားပါသည်။ လုပ်ကြံရန် မလွယ်ကူပါချေ”
စစ်ချူပ်- “ ဟူးရားတို့ အစောကြီးက ဆိုသင့်၏ ယခု ရဲမက်တွေ အလကားလူပင်ပန်း၍ အားပြတ်ကုန်လေပြီ ”
ဟူးရားဖြူ-“ အိုး ကျူပ်တို့လည်း နတ်ဘုရား မဟုတ် အရင်ဆုံး လေ့လာပြီးမှ မှန်ကုန်မှ လျှောက်တင်ဝံ၏”
အနော်ရထာ-“ ကဲ ယခု သိရလေပြီ။ ဒါဖြင့် ကျူပ်တို့ အဘယ်သို့ စီရင်သင့်သလဲ”
အမတ်ချူပ်- “ မင်းကြီး ကျွန်တော်မျိုးတို့မှာ အခစားဝင်နေသည့် ပန်းဆက်ဗျတ္တဟာ သထုံပြည်က လာသူဖြစ် ပါသည်။ ထိုသူကို မေးမြန်းလျှင် သတင်းတချို့ သိမြင်နိုင်မည်ပါ ဘုရား”
အနော်ရထာ- “ အမ်း ပန်းဆက်ဗျတ္တကို ဆင့်ခေါ်စေ”
ဗျတ္တ-“ အခစားလျက် ရှိကြောင်းပါဘုရား”
အနော်ရထာ- “ ဗျတ္တ အမောင်တို့ ပြည်အကြောင်း မည်မျှ သိသလဲ အကြောင်းစုံကို လျှောက်တင်လေ”
ဗျတ္တ-“ မှန်ပါဘုရား သထုံပြည်၏ မြို့ရိုးအဘက်ဘက်မှာ အကျွန်ုပ်၏ နောင်တော် အရိုး၊အသားများကို မြုပ်နှံ ထားသည်ဟု သတင်းရပါသည် ဘုရား၊ အမှန်ကို မြို့ထဲဝင်လေ့လာမှ သိနိုင်မည်ဘုရား”
အနော်ရထာ-“ ဒါဖြင့် အမောင် မြို့ထဲသို့ ၀င်၍ လေ့လာလော၊ အမတ်ချူပ် လိုအပ်သည်ကို ကူညီပေးလိုက်လေ”
အမတ်ချူပ်-“ မှန်ပါဘုရား အရေးတော်ကို အောင်မြင်အောင် စွမ်းဆောင်ပေးပါ့မယ်ဘုရား”
ဗျတ္တ-“ အမိန့်တော်မြတ် အတိုင်းပါဘုရား”



Share:

No comments:

Post a Comment